Помош со мини систем Panasonic SA-AK320

[GigaWatt]

Како што претпоставував, изгледа има повеќе проблеми со контактите системов. Ќе треба се да менуваш, сите flat кабелчиња. Мислев дека се едно или две проблематични, ама изгледа повеќе биле. За да бидеш сигурен, смени ги сите. Да, ова бара многу време, но... тоа е тоа. Ти реши да го правиш .

Ако и по менувањето на кабелчињата, повторно не работат копчињата (или нешто трето), некоја од овие три ситуации би требало да е точна (а можеби и комбинација од сите три ): имаш микро прекини на самите плочки, имаш лоши/ладни лемови или имаш некои пасивни компоненти кои поради X причини, не работат како што треба (суви кондензатори, напукнати отпорници, напукнати кермачки кондензатори, итн.). Дали од удар, дали од лоша изработка, кој знае, но, според мене, овие се можните проблеми. Во вакви ситуации, ако веќе си решил да го правиш, се оди од вод до вод и се мери на beeper подрачје, по потреба мериш и отпорност на отпорници (ако нешто не штима) и капацитивност на кондензатори (повторно, ако нешто не штима). Се водиш по шемата на системот (скоро невозможно е вакви проблеми да се поправат без шема, среќа што за системов има шема ), следиш по шемата и тоа е тоа. Друг освет освен овој... немам :S.

Е сега, излезе друг проблем, сега само свети Power и не сака да чуе да се уклучи, не се вклучува дури ни автоматското демо, премногу ми е сомнително напојувањето, бидејќи на VCC+ и VCC- нема апсолутно никаква струја, а сега првпат го извадив конекторот CN950 бидејќи морав се да вадам за да го сменам конекторот, го проверив CN950 и контактот е одличен, значи не е до кабелот.

Ништо, ќе си мериш напон. Викаш дека не доаѓа напон до секциите. Ќе мериш прво на конекторот CN950 дали меѓу пиновите 1 или 2 (краткоспоени се, исто така, провери дали се краткоспоени) и 5 или 6 (исто така краткоспоени) има напон. Истото направи го меѓу пиновите 3 или 4 (краткоспоени се) и 5 или 6 има напон. Ова мерење го правиш со изваден конектор. Ако ти „шантраат вреностите“ на волтметарот, стави два кондензатори меѓу пиновите 5 и 2 и пиновите 3 и 5 со вредност од 1000uF и максимален работен напон поголем од Vcc, односно Vee (ова лесно ќе го утврдиш преку максималниот работен напон на кондензаторите за пеглање на напонот ). Ако немаш напон, се враќаш наназад во шемата да видиш кај може да биде проблемот, проверуваш од лемна точка на лемна точка на beeper подрачје, вод по вод, се разбира, со исклучен систем (не е приклучен на мрежно напојување). Ако имаш напон, истата проверка ја правиш и за останатите напони (SYS6V, FL1, FL2, SUB B, итн.). Ако се е ОК, го приклучуваш конекторот и гледаш, се пушта или не системот. Ако се пушта, ОК, си го направил (барем тој дел), ако не, пак се враќаш на мерење, сега, со приклучен конектор, пак мериш, ама на другата страна на конекторот CN950 (H950, W950). И, таму гледаш дали има Vcc, Vee, SYS6V, FL1, FL2, SUB B... е сега, можно е вредностите на напоните да се разликуваат од пропишаните, тоа веќе бара малку подлабока анализа.

Не знам... јас така би работел. Не е исто вака на форум и да го правиш со сервисер покрај тебе. Но, тоа е тоа. Да сум таму на лице место, друга ќе беше ситуацијата, можеби и друг приод ќе имав. Вака, преку форум, тие совети би ти ги дал .

[Danielco]

Каква глупава почетничка грешка напраив од што ме изнервира тоа IDE кабелот што пробав да го монтирам, али многу беше тиква за лемење, душа ми извади од што се мачев да го наместам, и кога се откажав го вратив оригиналниот конектор, али види проста маса, сум го наместил обратно, не ги ни прочитав ознаките, само гледав да спојам 1 со 1, 2 со 2 итн до 30, а оно уствари да требало 1 со 30, 2 со 29 итн, и се вртев у круг цел ден човече и се чудев што се случува , а никако да ми падне на памет дека ако има некој било каков проблем со кратки споеви на било кое место, релето од напојувањето не се вклучува, што е и добро на некој начин, на крај коа видов што сум направил, ми идеше да се фрлам од петти кат . Сега е ок, го преместив конекторот како што треба, и за среќа се уклучи и проработе како што си работеше, земав брате го склопив до последно штрафче и веќе не го пипкам дури не прекине да свети последното LED диодиче, бидејќи повеќе од очигледно е дека не сум баш најквалификуван за да го испитувам и поправам , а плус и немам како да ги измерам кондензаторите, се што имам од опрема е унимер, леткум, калај и FLUX и некое отпорниче и кондензаторче таму ваму.. А за маката и трудот што го вложи за да му објасниш на некој дудук како мене, како да проверува и работи, верувам дека ке се раздолжиме некако, ако ништо друго барем некоја пијачка ке падне  . Благодарам уште еднаш 

[GigaWatt]

Сега е ок, го преместив конекторот како што треба, и за среќа се уклучи и проработе како што си работеше, земав брате го склопив до последно штрафче и веќе не го пипкам дури не прекине да свети последното LED диодиче, бидејќи повеќе од очигледно е дека не сум баш најквалификуван за да го испитувам и поправам , а плус и немам како да ги измерам кондензаторите, се што имам од опрема е унимер, леткум, калај и FLUX и некое отпорниче и кондензаторче таму ваму..

Искрен да бидам, повторно мислам дека само flat кабелчиња или микро прекини се во прашање, не и самите компонентите .

Добро, како и да е, барем си го опраил тоа што си го расипал .

Инаку, чисто совет, за нареден пат ако се најдеш во слична каша (да мораш да менуваш flat кабечиња со кабелчиња од IDE кабли ), јас обично проверувам првиот пин од кабелчето каде оди . Бидејќи некои flat кабелчиња на неколку пати се превиткуваат, па некако „замарање за мозок“ ми е во тој момент да барам логика „кое каде треба да оди“ . Затоа, просто, со унимер на beeper подрачје (ако не е едно од најкористените подрачја кај сервисерите, еве на ) гледаш првиот вод од едната страна на flat кабелот на кој краен вод на другата страна од кабелот се „пресликува“ . Накратко, едниот пин од унимерот го поставуваш на кој и да е краен (или почетен) пин од едната страна на flat кабелот, а со другиот пин, пипкаш на едниот краен пин, па на другиот од другата страна на flat кабелот. Каде beep-не, значи таму се „пресликува“ оној почетен или краен пин и се водиш по тоа . Обележи кои два крајни пинови се поврзани и тоа нека ти биде репер и потоа само лемиш и тераш за сите останати .

А за маката и трудот што го вложи за да му објасниш на некој дудук како мене, како да проверува и работи, верувам дека ке се раздолжиме некако, ако ништо друго барем некоја пијачка ке падне   . Благодарам уште еднаш  

Нема проблем . Искрен да бидам, ми е криво што не успеа да го направиш :S, но тоа е тоа . Повеќе среќа нареден пат . Кој знае, можеби некогаш во иднина пак ќе ти текне да го чепкаш . Сега барем имаш идеја што може да му биде проблемот .

Може да пробаме ако сакаш далечинското да го оправиме . На тоа би требало полесно да му го најдеме крајот . Или, ако не повреќе барем да успееме да најдеме кое би му било заменско ... ако веќе не се прави .

Благодарам за понудата за пијачка . Можеби некогаш ќе се најдеме некаде па ќе честиш .

[Danielco]

Е и мене ми е криво братче, ама кога не ја бива, не ја бива а инаку првиот пат, точно си се водев ја по beeper-от, и пази, го залемив до пола, кога гледам бројките ми се обратно поврзани, чекај викам што праам глупости, го одлемив, го свртев и така го залемив, топ викам, сеа мора да проработи и guess what.. проработе... само LED диодата хахахахах, нема везе битно средив и неам намера да го чепкам во брзо време, барем додека не ми текне некоја идеја што би можело да биде . Далечинското? хммм, не мислам, туку знам дека му нема спас, богами после моите журки по дома, или што ги викам ја "чајанки" што ги претпеле куќниве апарати, добро е што воопшто функционира некако...

[GigaWatt]

ОК , битно го врати во првобитна состојба .