Помош со мини систем Panasonic SA-AK320

[Danielco]

Здраво на сите, нов сум на форумчево, всушност ова ми е прв пост и се надевам нема да ми замерите доколку направам некоја грешка. Е сега, како што гласи насловот, имам еден, да речеме голем проблем со системчево, проблемот е во тоа што откако ке го вклучам кабелот во него, можам да го вклучам системот на power копчето, и после тоа предниот панел е прилично мртов, не работи ниедно копче, освен Volume Jog Control, не функционира дури ни Power копчето, а преку далечинското си работи ок, но ми се се случи една мала незгода дома и го искршив далечинското и никако не можам да му најдам било каква замена, едноставно другите не функционираат. Инаку, не сакам да го носам на сервис, бидејки добив некои предупредувања од неколку електроничари дека најверојатно е отиден главниот процесор, кој е SMD и поправката би била неразумно прескапа, па затоа би сакал доколку некој може да ми помогне со ова, би бил многу благодарен. Ќе ви приложам и PDF Service Manual за него, за мене е малку комплицирано, успеав само темелно да ги проверам флет каблите коишто го поврзуваат предниот панел со главната плоча и сите се во ред, не можам да забележам никакви видливи оштетувања на плочите, ниту пак на било кој дел од електрониката. Се извинувам за реферативе, и ви благодарам однапред.

Code: [Select]

http://www.mediafire.com/view/?2qmuool7yay1moj
mirror:

Code: [Select]

https://www.box.com/s/m2ps91r73my271c4ep9c

[Zan]

Добредојде на форумов.

Според описот на дефектот, најверојатно процесорот е неисправен. Ако не сакаш да го носиш системот во сервис, каква помош очекуваш од форумов, како може да ти помогнеме?

[GigaWatt]

Не се извинувај за рефератите, ние сакаме реферати . Мала шега . Во секој случај, дефинитивно сакаме детално опишан проблем, а не само „не работи, што да правам“ .

Јавува ли на дисплејот нешто?

[Danielco]

Батко си работи системчето, моментално го рокам шабан на него значи се уклучува успешно само преку далечинското и тоа веднаш кога ке го вклучам во струја, ако почекам да поминат 5 секунди откако ке го вклучам, не можам ни преку далечинското да го вклучам, ако сакам на пример во сред работен циклус на системот, морам да го исклучам од кабел, па после да го вклучам и набрзинка некако да успеам да стиснам на aux на приложениов крш што нема ни копчиња ни било каква пластика



мислам, ми ја сфаќате маката нели , сега би ве замолил, иако немам некое претерано добро знаење во електроника, знам да проверам некои основни работи, доколку не ви е проблем, да ја погледнете шемата, и да ми посочите што би можел јас да испитам, се разбира, доколку однапред установите дека навистина е процесорот, да знам да не се мачам и да се нервирам, ако е тоа нема некој брзински лек , инаку, не е да не сакам да го однесам на сервис, туку да бидам искрен и не сум финансиски многу спремен, а и нели е поголем меракот доколку сам успеам да го отклонам дефектот . Ви благодарам на одговорите и на заинтересираноста.

[GigaWatt]

Значи, вака, дали разбрав правилно: не работи буквално ниедно копче на системот, освен копчето за ON/OFF, така? Значи, не може да бираш дискови, не може да се затвори и отвори фиоката за CD-то, не работи Volume контролата (претпоставувам изведена со ротирачки енкодер), не можеш да пуштиш касета, не можеш да пуштиш радио ниту да бираш станици. Тоа е ситуацијата?

Ако е таква ситуацијата, провери дали е се добри конeкциите на следниве конектори (проверуваш на beeper подрачје на унимер):

CN303 со CP601:





Провери и пиши што ќе направиш . Притоа, проверувај ги контактите меѓу конекторите onboard (не ги вади конекторите/flat каблите од плочките). Се разбира, системот треба да биде изгасен од напојување (изваден од штекер ).

[Danielco]

Отприлика ме разбра доста добро Копчето on/off работи само за да го вклучам системот, и откога ке го вклучам е мртво и тоа, а volume jog-от (ротирачкиот енкодер) си работи цело време без проблем, без оглед на ситуацијата, а буквално се останато е мртво, другите копчиња не функционираат дури ни во standby, а во нормални услови, би требало и преку нив да може да се вклучи. Во секој случај, ти држи вода предлогот што ми го даде, и веднаш ке почнам да го растурам и да проверувам детално, па ке пишам што сум направил, е не знам дали има некој начин, кога веке ке го растурам, дали има начин да ги проверам и волтажите, сепак, штом ништо не работи, нешто мора да им е заедничко на сите тие копчиња нели, можеби и се работи за недостиг од маса или слично.

[GigaWatt]

Мое лично мислење е дека: или имаш микро пукнатина, или некој од отпорниците кај тастерите е зенат (во отворена врска), или некој од конекторите не го пренесува сигналот како што треба (оксидиран контакт, скинат проводник...). Прво провери го ова со конекторите, па ако тоа е се во ред, одиме понатаму .

[batka]

Е,ова е туторијал -чекор по чекор! Воглавном ретко дефекти се одклонуваат од *прва*.Најдобро е и неколку пати да се навратиш на проблемот и да ти *запали сијалицата*! ( ова за оние кои се премногу нестрпливи од прва да го решат дефектот!).Само стрпливо...

[Danielco]

Вака сега момци, конекторите беа во ред, сите освен еден, на сликата е обележан како CN304, кој што води до tape deck-от CN1001, а tape deck-от, е поврзан со предниот панел со мало флет кабелче преку конекторот CN971. Е сега, го испитав флетчето индивидуално, само по себе си е исправно без никаков отпор, освен оној нормалниот од мултиметарот (0.09), а кога ке го ставам во конекторот, не работи да речеме проводникот број 3, ке го извадам и ке го ставам пак, не работи проводникот број 5 итн. Ги проверив лемовите, немаат никаков проблем, е сега кажете ми каде да го барам проблемот, дали во флетчето или во конекторот. Сега за сега се најде еден проблем па ке видиме дали тоа било причината.

[GigaWatt]

Не мислам дека е единствениот проблем во CN304 и CN1001. Тоа може да е само дел од проблемот (поради кој не работи декот), а мислам дека главниот проблем лежи во парот од конектори CP601 и CN303.

Ај малку подруга тактика. Работи ли Open/Close копчето за CD плеерот? Ако не работи, провери дали на отпорникот R884 (на едниот крај поврзан со процесорот C2CBJF000014, односно IC305, не на овој крај, на другиот крај) доаѓа маса (GND) кога ќе го стиснеш копчето за Open/Close на CD плеерот. За попрецизно мерење, залеми една жичка за оној крај на отпорникот кој не е поврзан со процесорот, унимерот постави го на beeper подрајче, минусот на унимерот врзи го за маса, а плусот за слободниот крај од жичката. Ако унимерот јавува краток спој секогаш кога ќе го стиснеш Open/Close копчето (пробај неколку пати, да не случајно „еднаш работи, еднаш не“, исто така, не е лошо и малку да го мрдаш кабелот меѓу CP601 и CN303 додека пробуваш за да се осигураш дека сигурно не е проблематично flat кабелчето), тогаш сигурно е ОК врската за KEY3 (CD Player Open/Close), а за останатите, ќе треба додатно да се проба. Како и да е, ако унимерот јавува краток спој, а вратничката не се отвора, тогаш можно е да е проблематичен отпорникот R884. Одлеми ја жичката од едниот крај на отпорникот R884 и залеми ја на другиот крај. Сега постави го унимерот во омско подрачје. Кога ќе го стиснеш копчето за Open/Close, треба да јавува отпорност од околу 100-тина ohm-и (не е проблем и ако е 90 или 110, 120ohm-и, битно е да не е многу повеќе или многу помалку од ова, на пример, 50ohm-и или 150, 200ohm-и ако јавува, тоа е веќе проблематично и овој проблем ќе мора додатно да се испита). Ако не јавува никаква отпорност (open circuit), проблематичен е отпорникот R884 (а и некои други околни отпорници, ова ќе треба додатно да се испита), со негова замена би требало да почне да работи Open/Close копчето. Ако јавува нормално отпорност (од околу 100-тина ohm-и), a вратничката поврторно не реагира при стискање на Open/Close копчето, сега ќе го поставиш унимерот да мери еднонасочен напон до 20V, а жичката ќе ја преместиш на пинот 92 од процесорот (пинот за кој е врзан отпорникот R884). Кога копчето Open/Close не е стиснато, напонот на пинот 92 од процесорот (првата слика долу) би требало да има иста вредност со напонот на заокружениот пин на втората слика долу. Кога ќе го стиснеш копчето за Open/Close, треба на пинот 92 од процесорот да има напон со вредност од 0V (GND). Ако напонот на пинот 92 од процесорот држи некоја константна вредност (на пример, 5V) и не се менува при стискање на копчето Open/Close, имаш некоја микро пукнатина на плочката на која е поставен процесорот (се разбира, ова се констатира само ако се што напишав претходно е ОК и нема никаков проблем). Извади ја плочката, убаво визуелно прегледај ја, особено делот околу пинот 92 од процесорот. Ако не гледаш никаква пукннатина, краткоспои го пинот 92 со адекватниот крај од отпорникот R884 и пак пробај со Open/Close копчето на вратничката. Ако ни по ова не проработи копчето, ќе додатно да се испита кондензаторот C383 (и кондензтаорите околу него, да не случајно некој од нив е во краток спој) и да се провери дали напонот VREF на пин 98 од процесорот има иста вредност како и напонот VREF означен на втората слика долу... кога ќе размислам подобро, не е лошо ова прво да го провериш, па потоа се останато . Ако вредноста не е иста, прати го како се движи водот од процесорот и на секоја лемна точка која зема напон од сигналот VREF, мери ја вредноста на напонот. Ако не е иста, некаде има прекин на водовите (микро пукнатина или лош контакт на flat каблите, зависи каде мериш). Преспојуваш (прелемуваш) со краткоспојник до онаа точка во која си го открил прекинот и пробуваш. Ако работи, ОК, си го поправил, ако не, бараш и натаму каде може да има проблем .

Ова излезе малку комплицирано, некако ми изгледа натрупан и без концепт целиот post, ама пишував па како што ми доаѓаше мисла по мисла . Ако не се снајдеш, пиши ќе дообјаснам . Во меѓувреме, само ќе потенцирам дека заокружените пинови на првата слика подолу, од процесорот, се оние кои се клучни во овој проблем. Ако на нив се менува напонот со стискање на копчињата (на пинот VREF не би требало да се менува напонот и на него не би требало да има напон од 0V, GND, ако има, оваа ситуација треба додатно да се испита), тогаш најверојатно проблемот е во процесорот, а не во врските меѓу копчињата и процесорот .

[Danielco]

Батко, многу ти фала за исцрпниот одговор, но ќе морам да го одложам точното мерење и деталните информации за утревечер, бидејќи сум од 6 саат сабајле на нога и веќе не знам кај пипкам, да не светнам случајно , нешто мерев, и само открив дека ок работи open/close (колку што ми работеше мозокот) , нормално правев како што кажа, и друго успеав да констатирам дека VREF има напон од 5.2 волти, тоа малку ме збуни бидејќи гледам дека е директно поврзан со SYS6V, на којшто патем има 6.2 волти, што можеби е и нормална волтажа за VREF бидејќи има отпорник R635 од 10К, па можно е тоа да ја намалува струјата. Во секој случај, уште еднаш благодарам, и утревечер излегувам со детални информации

[GigaWatt]

ОК, барем откривме дека Open/Close копчето работи (значи не биле сите ). Следна работа која треба да установиш: точно провери кои копчиња воопшто не работат. Ова е многу важно бидејќи кај сите понови изведби на микропроцесорски контролирани уреди (добро, не баш понови, од кајот на 90-тите па до ден денешен, некако така би му дошло), најчесто копчињата за контрола на уредот не се изведени во стилот на „еден пин за еден тастер, ако преспои кон маса или Vcc, направи ова, ако не, не прави ништо“, туку најчесто се изведени како напонски делители (тоа се гледа и од шемата, еден куп отпорници врзани за еден rali и определена група од нив се елиминира од колото со притискање на некој тастер), што за микропроцесорот значи „ако имам толку и толку напон на тој пин, направи ова, ако имам оволку и оволку напон на истиот пин, направи нешто друго“... оваа изведба е, условно речено, поедноставна бидејќи се заштедува на бројот на пинови кај микропроцесорот, а како што се зголемува бројот на функции кои може да ги извршуваат овие уреди (од читање на DVD/BluRay до контрола за ова, она, радио, RDS и што уште не), така секој пин станува неопходен и се гледа да се намали бројот на пинови потребни за контрола на уредот. Едно просто решение е токму ова . Секој од тастерите всушност елиминира од колото определена група на отпорници, со што напонот кој се праќа кон определен пин на микропроцесорот се менува, ова го забележува микропроцесорот и извршува определена команда која е врзана за „тоа и тоа“ напонско ниво .

Затоа, многу е важно да се установи точно кои кочиња не работат. Зошто? Ако се установи групата на копчиња, лесно ќе се установи каде е проблемот бидејќи таа определена група на копчиња е секогаш врзана за два или три вода (пинот за контрола на микропроцесорот, некој напон и GND), па врз база на групирањето на копчињата на шемата, лесно ќе се установи кои се проблематичните водови .

[Danielco]

Ајде да видиме што ќе биде

Црната клема ја закачив на GND, а црвената, директно на контактот 92 од самиот процесор, не каде што е залемен на плочата, туку директно каде што излегува контактот од процесорот, за да видам дали глобално има конекција, се испостави дека омски е потполно во ред, но волтажата е 0.30-40 и кога притискам на open/close, паѓа на пола 0.15-20 волти, мене ми се чини дека ова е некако мала волтажа ама што го знам . На пинот 98 (VREF), има напон од 5.2 волти константно. Значи да повторам, директно мерев на контактите што излегуваат од процесорот, а плус мерев и на отпорникот, водовите итн, секаде е истата ситуација, не знам дали ме разбра добро, али кажи ако не ме сфати. Сепак иако покажува дека функционира, мислам се наоѓа во добар контакт копчето со процесорот, не ја отвара вратичката, значи идемо даље со другите копчиња, а дотогаш ако имаш некоја друга идеја што ти паднала на памет, слободно предложи, ке пробам се што ке ти текне јас во меѓувреме ке пробам да ги испитам и другите, ако се снајдам нормално

[GigaWatt]

Сепак иако покажува дека функционира, мислам се наоѓа во добар контакт копчето со процесорот, не ја отвара вратичката, значи идемо даље со другите копчиња, а дотогаш ако имаш некоја друга идеја што ти паднала на памет, слободно предложи, ке пробам се што ке ти текне јас во меѓувреме ке пробам да ги испитам и другите, ако се снајдам нормално

Сега не ми е јасно. Нели работеше копчето за Open/Close (се отвораше вратничката), сега пишуваш дека не работи .

Како и да е, точно установи кои копчиња не работат (нели некои работеле, како Volume и Power) и пиши ги сите во темата, ќе ги лоцираме во кои групи се и ќе почнеме да испитуваме од таму .

Инаку, вредноста на напонот VREF треба 5V, така барем пишува во service manual-от.



Вредноста од 5.2V е прилично блиска, но ќе видиме подоцна (откако ќе провериш се останато) дали треба и тоа да се испита (зошто има за нијанса поголема вредност и дали тоа влијае врз одлуките кои ги донесува микропроцесорот).

Инаку Volume ротирачкиот енкодер (jog-от) работи бидејќи е директно поврзан со микропроцесорот, но преку сосема други пинови, не пиновите KEY1, KEY2 и KEY3 . Затоа и работи .

[Danielco]

Не, не друже извини, не се имам изразено како што треба, значи добивам отчитувања на процесорот кога ќе притиснам некое копче, омски и волтажно, но сепак ништо не работи, освен Power и Volume, и да нагласам дека Power работи само еднаш, значи да го вклучам системот и толку, веќе не реагира, е сега,

94 Кеy1 има отчитувања при стискање на копче
93 Key2 нема никакви отчитувања при стистање на копче
92 Key3 има отчитувања при стискање на копче
90 CHG_AD1 нема никакви отчитувања при стискање на копче
89 CHG_AD2 нема никакви отчитувања при стискање на копче

а инаку за jog-от укапирав после некое време студирање , а тој најпредниот панел, наречен Tact Switch Circuit, на којшто се наоѓа jog-ot, не ми дава никакви отчитувања при притискање на копче каде и да мерам, освен за јоg-от нормално, давај сега некои инструкции бате, бидејќи јас се изгубив веќе, не знам кој пат да го фатам и кои мерења да ги вршам