Трафо 2х9 волти AC во 1x9волти AC

[Buli]

Имам едно трафо од 6w 2х9 волти. Тој дечкото што ми го продаде за да ја искористам моќноста максимално ми рече да поврзам по една диода на двата излези од секундар и да ги спојам заедно катодите а од средина да го земам другиот извод. Споив како што рече ама на излез добивам 15волти. Не го разбрав како што треба или не можи да се добие 1х9 волти? Значи анода на еден извод (лев извод), анода на друг (десен извод) и тие заедно со катодите кратко споени, а на среден извод нема ништо.

[Bojan]

вака ако ти е поврзано треба да се добие скоро 12VDC, a за да добиеш 24VDC ке треба вака да се поврзе на крајните 2 изводи (кај што ке измериш 18VAC)

[Buli]

Најверојатно не ме разбра или јас не те разбирам.. значи мене ми треба 1х9волти наизменична. Имам едни звучници со вуфер (обични од компјутер) треба да ги напојувам со 9 волти затоа ми треба 9волти наизменичен. Трафото ми е 2х9...дали доколку земам 9 волти (среден извод со еден краен) ќе ја имам истата моќ на трафото од 6вати или не?? Во алфа ми рече дечкото за да ја искористам целата моќност дека треба да направам со диоди од двата крајни изводи.

[Zan]

Тебе ти треба шемата што е на првата слика.

Еве уште една таква

[Buli]

Вака правам и еве што добив

[Zan]

Треба да ставиш електролитски кондензатор и потрошувач, па потоа да го измериш напонот.

[Bojan]

па во тие звучници 100% сум сигурен дека напонот негде се исправа, ке направиш со таа првата шема што ти ја пратив и после грецот што е на звучниците ке закачиш + и - напон од 9V

[batka]

Треба да ставиш електролитски кондензатор и потрошувач, па потоа да го измериш напонот.

жан ти даде добар одговор,стави  електролит (поголем- барем 2200-3300 мФ/16V) и ке добиеш напон кој ке биде поголем од 9V,ама кога ке го оптовариш со потрошувач ке си дојде на 9V ,биди без гајле.

[masterficx]

Значи ако имаме симетрично трафо со +/- 9V кое на секој извод има по 1 ампер, со оваа шема би направиле после диодите да се добие еднонасочен напон со 2 ампери , односно би се дуплирала снагата ?

[batka]

Не,не е така едноставно собирање 1+1 = 2. Овде 1+1 = 1 заштедуваш само две диоди ,а имаш полнобраново исправување со само две диоди.

[masterficx]

А дали постои начин тие 2 пати по 1 ампер да се искористат за да се добијат 2 ампери без да се размотува трафото ?

[Zan]

А дали постои начин тие 2 пати по 1 ампер да се искористат за да се добијат 2 ампери без да се размотува трафото ?

Ако може да се раздвојат жиците кај средниот извод, и наместо сериски, да се поврзат паралелно, тогаш може.

[GigaWatt]

Ако може да се раздвојат жиците кај средниот извод, и наместо сериски, да се поврзат паралелно, тогаш може.

Не се сигурни тие врски, никогаш нема напонот на двата секундари да биде идентичен, па поради тоа, секогаш ќе се јави течење на струја од едниот секундар кон другиот (кој и да е од нив два, струја ќе тече од оној кој има поголем напон кон оној кој има помал напон), што ќе предизвика додатно греење на трафото поради повратното течење на струја. Не се препорачуваат вакви врски. Сериска, да, паралелна, не.

Најсигурен начин да добиеш јачина на сртуја од 2A е ако го премоташ трафото (под услов јадрото да може да ја издржи таа јачина на струја за определен излезен напон).

[Zan]

Тоа се решава со два греца.

[Toma]

Нешто овде не е како што треба. Од трансформатор од  6W и напон од 2х9V еднаш ќе имаме струја од 1A а во другиот случај 2A а притоа моќноста (6W) и напонот (9V) остануваат исти . Исправете ме ако грешам!