Помош и консултација околу пад на напон на напојувачка мрежа (230V)

[Zdravkovski]

да вкупната снага на моторот е 7,5KW а константната сртуја која кој аќе ти ја влече би била некаде оклоу 15А по фаза.(а колку точно по фаза ампери ќе влече треба на табличката на моторот да се види)

[vicikus]

Пријатели,

По се изгледа со ваша помош го најдовме проблемот.
Еве слика од табличката на моторот од машината. (не знам колку е читка, ако треба ќе ја пресликам)



Ја тестирав машината во период кога и напонот е појак на мрежата и се испостави дека проблем е само стартот на машината кога и влече повеќе струја.
 На стартување ми се гасат и неонките кои се врзани на истата струја во објектот а откако ќе се стабилизира машината и напонот се е во ред со мрежата.
Друг проблем што го забележав е дека се загрева кабелот на машната. Ми кажаа дека кабелот ми бил 5ка а требало изгледа 4ка да му ставам - појак.

Инаку еве илустрација три слики од тоа како се движи напонот на струјата.

Ова е напонот кога машината се уште не е стартувана:



Ова е напонот за време на работење на машината:
(покажува 40+ Ампери - што точно тоа значи во потрошувачка на струја?)


Дали на крај испаѓа дека мек старт за моторот ќе е решението?

[didy]

Според сликиве ако се ориентираме конкретно мислам на амперметарот, не е точен или твојот мотор повлекува дупло повеќе струја, што наведува дека моторот можеби е оштетен, ако е така би се почуствувала миризбата од изгорен лак во моторот.
За волтметерот мислам дека е попрецизен и го дава напонот на мрежата 350 v без оптеретување и со работа паѓа на 300V
Емпериски за овој напон струјата би била некаде околу 18 А, а кога би бил добар напонот ќе си биде околу 16А.
Мекиот старт мислам дека ќе ти помогне во овој случај.
За пресекот, најдобро е ако куќниот приклучок е од столб (воздушно) да се променат жиците со самоносив кабел СКС 16 алумински, што одговара на бакарен 10мм² исто од броило до инсталацијата на моторот да инсталираш кабел ПГП 5х6мм², осигурачите топливи од 25А. и добро заземјување на целата инсталација како и на самата машина.
можеш од пазариве да си купиш струјна клешта не се скапи па ќе ти врши работа да измериш секоја фаза колку ти влече струја.Исто и напонот да го измериш на секоја фаза поединечно. Најчест случај е да повеќе монофазни потрошувачи се поврзани на најниската фаза од столбот (бандера) и таа да е најоптеретена, со преврзување од страна на ЕВН би се урамнотежила оптереноста на фазите од тој извод.
Исто претпоставувам оваа струја е во празен од кога машината не е оптеретена, кога би работела ќе повлече некој ампер повеќе. Размислувај и за кондензатори да приклучиш на мрежата да го поправат cos FI кој е 0,84 за овој мотор.
и најди електричар да ти брка работа, на секој пост те потсетувам  

прилог: струјна клешта

[batka]

Диди добро ја опиша ситуацијата и го даде крајното прифатливо решение - бидејки колегава не е многу стручен и запознат со мерења и уреди.најдобро е да побара помош од стручно лице или фирма која ке ја изведе целата работа.Вака ,без соодветни преправки  не верувам во конечно решение.За да не трошиш бадијала пари,прифати го советот,најдобронамерно.

[ddd]

Ова е можно на тој напон,40 ампера да повлече на стартот............
Дај слика од командната табла каде што се контакторите.Ти имаш овде друг проблем,ако е моторот премотуван тоа не е направено како што треба(ако ги има тие 40А цело време).Мек старт пак ке кажам дека по мене ти е многу скапо и бадијала фрлање на пари,тоа е уствари фрекфетен регулатор и со тоа ништо не добиваш на тој напон.
И уште  нешто............Ако човекот му беше да викне некој мајстор мислам дека немаше да побара мислење на форумот.............

[didy]

Ова е можно на тој напон,40 ампера да повлече на стартот............
Дај слика од командната табла каде што се контакторите.Ти имаш овде друг проблем,ако е моторот премотуван тоа не е направено како што треба(ако ги има тие 40А цело време).Мек старт пак ке кажам дека по мене ти е многу скапо и бадијала фрлање на пари,тоа е уствари фрекфетен регулатор и со тоа ништо не добиваш на тој напон.
И уште  нешто............Ако човекот му беше да викне некој мајстор мислам дека немаше да побара мислење на форумот.............

ако е моторот премотуван нема да има толку ампеража, а при старт повлекува многу повеќе, од табличката се гледа дека работи во звезда поврзување. претпоставувам дека има од 3-5 секунди време да ги добие потребните обртаи и да се “смири “ амперметарот.
Ако проблемот се решаваше само на форум досега ќе беше решен, во овој случај имаме лице кое не е со техничко образование и сака мислење и насоки за својот проблем, да утре некој не му филозофира како и што треба да прави, бара едно предзнаење за да не биде изманипулиран од страна на некој мајстор.
Ако не е решение мек старт тогаш дај твој предлог.
Има ли можност за мотор со помала снага но со поголем број на обртаи и редуктор или каиши со шајбни за потребните обртаи 1:3 на пример.

[Devil]

а што ако амперметарот е со струјно трафо и не ја покажува точната вредност, односно она што го покажува е точно но кога ќе се помножи по некој коефициент

[didy]

а што ако амперметарот е со струјно трафо и не ја покажува точната вредност, односно она што го покажува е точно но кога ќе се помножи по некој коефициент

претходно ја постираше шемата, има на самиот амперметар отпорник во вид на струен мост,и уствари е волтметар кој го мери падот на напонот на отпорникот, и можно е контактите да се оксидирани па да “лаже“ во мереното и секако ја мери само едната фаза која би била приближна и за другите две. Затоа со струјна клешта ќе има една целосна слика за работата на моторот.
Сега видов дека моторот работи на 200, 230 и 260 V линиски напон.
Ќе замолам за уште една фотографија од приклучната кутија на моторот, да се отвори капакот каде е поврзан кабелот на самиот мотор, за да се види колку приклучни места има !

[Zdravkovski]

колеги како што може да се види од табличката на моторот тој работи на 220V во врска тријаголник и ги има следниве карактеристики косинус Фи 0,84 , моќност од 7,5KW , повлекува 26.38А и 1450 вртежи во минута. формулата за пресметка на струјата на трифазен ел. мотор е следната: моќноста на моторот поделена со квадратен корен од 3 помножена  со линискиот напон и помножено со косинус Фи што значи пресметката е следнава 7500/1,73*220*0,84=7500/319,7=23,45А што е многу блиску со вредноста од табличката на моторот. Отука доаѓам до заклучок дека проблемот е негде на друго место бидејќи не е нормално да се повлекува и до 50% повеќе струја од декларираната. како можни причини за повлекување на поголема струја од страна на моторот може да бидат сл: преоптовареност, оштетени лагери на мототрот или на преносниот систем ако го има, оштетен контактор(склопка), остетена перката за ладење на моторот ................ се сложувам дека повеќе слики од моторот, командната табла, целата машина како и од преносот може да бидат од голема корист за имателот на проблемот и занас  

[GigaWatt]

Јас мислам дека не е лошо и едно клипче да се сними, да се прикаже како се менуваат вредностите на амперметарот и волтметарот пред да се стартува моторот, за време на стартот (се додека не влезе во стационарен режим на работа) и малку по стартот (кога ќе се „стабилизира“ работата на моторот, кога ќе се постигне оптималниот број на вртежи) .

[MURO]

Према податоците од плочката на моторот Ова е мотор наменет за 110V мрежа а не 220V како нашава.  Ако мрежата е 110 волтна тогаш меѓуфазниот напон е 110V * 1,73 = 190V.
Моќноста на моторот е P = 1,73*меѓуфазен_напон * линијска_струја*cos Ф = 1,73*190*26,38*0,84 = 7,3KW (тука негде како на плочката).
Струјата од 40Amp не е нормална. Најверојатно на моторот можеш да пржиш јајца после минута време работење.

[vicikus]

Најпрво да Ви се заблагодарам на сите за ангажираноста и предлозите до сега.
Го ценам Вашето стручно мислење и совети па затоа и ви се обратив на форумов.
Сметам дека со досегашната ваша помош успеав да го детектирам примарниот проблем. но доколку решението на истиот бара и ангажирање на стручно лице ќе го сторам и тоа во иднина.

Инаку машината сосе моторот се нови и до сега се само на два пати уклучени и употребени. Имаат една година гаранција од производителот па за размислувањата за евентуален дефект на моторот се сомневам дека е тоа во прашање.

Машината во текот на викендов ја уклучив во три наврати и работеше по 20-30 минути за секое уклучување по што се покажа дека е се во ред освен Амперметарот кој покажуваше 34-35 Ампери а после подолга работа се стабилизираше на 40+ (како на сликата) и кабелот кој е 5ка и по подолга работа се загрева (ова дефинитивно ќе се среди со појак кабел 4ка)

Првите две пуштања на машината беа за загревање на истата и подмачкување на производните делови со специјална смеса а во текот на третото пуштање, по 20 минути работа (машината треба да постигне околу 90 степени Ц работна температура за да функционира нормално - успеав и да извадам мало тест производство.
Но тука настана и проблемот - само што почна да се вади производство не знам поради што (дали баш во тој момент падна напонот на мрежата или од самиот производствен напор на машината и моторот) по само 2-3 минути производство падна напонот на околу 170 V, се смени и звукот на моторот па морав да ја гасам машината и да прекинам.
по мое лаичко сваќање треба стабилизатор на напон за да се реши ова?

Дополнение: Само што добив понуда од Електрометал за 10 kw стабилизатор на напон по цена од 78.500 денари.

Дефинитивно еден од проблемите е мрежата на ЕВН која разбрав дека во делот на доводниот кабел кој е од трафо до потрошувачите бил со мал капацитет (10ка кабел) а после десетина куќи со потрошувачи продолжува до кај мене со многу појак кабел (со поголем пречник и капацитет). Но проблем бил тој појдовен дел кој мештаните долго време барале од ЕВН да се смени со поголем кабел со оглед на тоа дека на таа линија имало и поголем број на приклучени потрошувачи од вообичаеното.
Дополнително во овој дел проблем е и дистанцата која е грубо околу 800 метри од трафо преку другите потрошувачи па до мене и тоа над земја.

Дефинитивно размислувам да ја дислоцирам мапината на друго место и тоа со приклучок блиску до трафо каде и напонот треба да е посилен и по стабилен.

Кога ќе бидам во можност ќе направам и слика од таблата со осигурачи на машината.

Она што ме интересира е сега проблемот со Амперметарот. Колку е нормално тој да покажува во нормален режим на работа на оваа машина со тие спецификации?

[Zdravkovski]

и кабелот кој е 5ка и по подолга работа се загрева (ова дефинитивно ќе се среди со појак кабел 4ка)

5ка кабел нема прв појак од тоа е 6ка па 10ка па 16ка (во мм2)
еве ти кој кабел за која ампеража е предвиден



секако има отстапки од тоа каде и како е поставен но за ориентација ти е сосема доволна.

[bicikle]

Стабилизаторот само ќе ја зголеми потрошувачката на струја, може ти да имаш добар напон, ама на сметка на комшиите.... Кога е оптоварен моторот нормално е да троши некој ампер повеќе, но не прекумерно(околу некои 10 %+) Да ја дислоцираш машината може да се реши проблемот, но не е гаранција дека нема да се појават проблеми...
На почетокот спомна дека ЕВН ти нуди решение да купиш нов трансформатор итн..., меѓутоа за каков трансформатор станува збор? Бидејќи машината е 7,5 киловати, не ти е потребен "маалски" трансформатор, односно не мора да го решиш проблемот на цела населба,  потребен ти е некој помал трансформатор 10-тина киловати, колку за твои потреби, далеку поефтин од огоромните трансформатори, а околу трошоците за поставување линија до кај тебе- тоа не знам...
Ако призводителот има сервис во македонија, можеби најдобро е да се консултираш со нив- највеорјатно имале до сега проблем сличен на твојот, па не мора да луштал наоколу за да го најдеш вистинското решение.
Сепак податокот што напонот паѓа на 170в при производство е загрижувачки- тогаш моторот би ребало да е најоптоварен, да влечи најмногу струја, а мрежата да не може да испорача доволно енергија...

[ddd]

Ке ни пишеш нешто,ние ке се утепаме пишувајки два дена во кој тебе ке те нема никаде па ке пишеш нешто сосема трето и пак ние ке си пишуваме а тебе ке те нема и се така до денес кога кажуваш дека машината е нова...................
Сликај ја еднаш таблата да ја видиме немора да ни откриваш за каква машина се работи само таблата.................