Проблем со Quart вуфер

[Steff_Maja]

Имам купено ДВД Quart комплет со активен вуфер и 5 мали звучника уште пред неколку години од АМЦ. Се работеше добро до пред 1 година. Еве веќе 1 година, а можеби и повеќе имам проблем со вуферот, па ако може нешто да ми помогнете.
Како што кажав се работи за активен вуфер и проблемот е тоа што вуферот престанува да работи т.е. не дава бас. Кога е пуштен на тивка музика (попуштен на 10% од 100%) тој си работи добро, ама кога малку повеќе ќе се попушти тој работи 3-4 секунди па ќе престане да дава бас следни 5 секунди, а потоа пак ќе почне да работи и се така наизменично. Еве некои слики од вуферот и ако имате идеја што може да биде, помогнете ми.

[gerce]

пробај бас драјверот извади го и уклучи го на некој од другите излези внимавајки на импедансата, ако е помала импедансата на драјверот можеш пак да го приклучиш само не треба да го пушташ до даска...па види ако истото го прави и на др излези тогаш е до драјверот.Ако си работи нормално тогаш е до засилувачот на бас драјверот.Ако е до засилувачот тогаш може да е интегралното доколку е со интегрирано коло или до некој  транзистор ако е транзисторко

[Steff_Maja]

Значи музиката не престанува туку само басот (вуферот). Ќе пробам со таква комбинација.

[Devil]

провери ги кондензаторите, провери го напојувањето, провери дали грее многу ( од прилика се над 30-40 степени е многу )

[gerce]

значи може да зафркава или басот или излезот...па со таков тест можеш да откриеш до што е..

[Baze]

Како што е кажано предходно, прво провери го драјверот(јас мислам дека до него е проблемот).

[Steff_Maja]

Heloooo повторно.

После толку време (јбг се нема време) го проверив звучникот. Си работи ОК тој. На него одзади пишува дека е 30W 4 оми.

[GigaWatt]

Можно е да е некој ладен лем, или излезниот засилувач за woofer-от да зеза (тие се најчесто интегрирани засилувачи во D класа, се во еден чип, засилувач за wooofer и за сателитите). Исто може и да е некој кондензатор во напојувачката секција... може многу работи да се, зависи од тоа каков е дизајнот на woofer-от :S.

Пробај прелеми ги контактите на местата кои се блиски до излезот на сигналот за woofer-от, па види дали ќе се јавува истиот проблем. Ако има SMD компоненти на плочата, не ги прелемувај нив, само обичните прелеми ги . Ако пак се јавува проблемот, провери некој кондензатор да не е подуен. Ако е подуен, смени го со нов. Ако повторно се јавува проблемот, исчитај ги интегрираните кола од плочката и пиши ни кои се, за да знаеме за каков тип на засилувач станува збор, па можеби пдобро ќе можеме да ти помогнеме . Ако можеш, побарај и сервисна шема или само шема по net-ов, сигурен сум дека е копија од некој друг woofer на LG или некој друг попознат бренд .

[Steff_Maja]

Сега за сега можам само ова да ви го кажам. Дополнителни информации за некој ден.

Има доста блок и керамички кондензатори. Не видов ниту еден да е подуен.
Каде што е излезот за вуферот го лемеа едни мои другари што мислеа дека ќе го направат, ама ништо не бидна. Сега малку плочката е така зацрнета, ама мислам дека нема да е до тоа бидејќи и претходно не работеше добро.
На плочката видов 4 интегралци, а за нивно име ќе пишам за некој ден.

[GigaWatt]

Кога ќе ги исчиташ интегрираните кола, про-Google-ај и види дали ќе ти извади Google некоја шема или link за некој subwoofer, најверојатно ќе е истата (или многу слична) шема како за твојот woofer, па дај link и ќе разгледаме што може да биде . Се разбира, истовремено пиши ги и тука интегрираните кола кои се .