Многу пати се случува да немате SWR/Power метар. А ве интересира отприлика колку вати дава некој предавател / вф засилувач? Со подолната метода не можете точно да утврдите колку но барем ќе знаете дали е во рангот на 1W, 10W или 100W. Под 0.5W со овој метод неможете да детектирате, подобро напревете го едноставниот ВФ метар за помали снаги (од 10mW до 1W). Имајте на ум дека сијаличката треба да биде приклучена што е можно поблиску до ВФ излезот и најдобро со парче коаксијален кабел од 50 ома (RG58).
- За проверка од 0.5W до 2W на излезот од предавателот/ВФ засилувачот поврзете минијатурна сијаличка за осветливање на дисплеите за авто-радио од 6V или од 12V. Доколку сијаличката едвај жари имате под 0.5W, доколку свети малку имате 0.5W, доколку свети нормално имате 1W, доколку свети многу имате 2W. Над 2W ќе прегори и доколку прегори ќе остане излезот од предавателот немоврзан и може да го оштетите, затоа сијаличката мора да биде секогаш приклучена (дури и залемена).
- За проверка од 2W до 10W користите сијаличка од 2W (за инструмент табла од кола). Доколку сијаличката свети малку имате 2W, ако свети средно имате 5W, ако свети многу имате околу 10W. Истите совети важат како и во претходно кажаниот случај.
- За проверка од 10W до 40W користите сијаличка 220V/10W што се користат за осветлување на иконите или во фрижидерите. Доколку оваа сијаличка свети малку (жари), имате 10W, доколку свети средно имате 25-30W а доколку свети нормално имате над 40W.
- За проверка над 40W па се до 200W користите нормална сијалица од 220V/100W. Кога оваа сијалица жари имате 40W, Кога свети малку имате 60W, Кога свети средно имате 100W а кога свети нормално имате околу 200W.
Овие мерења се релативни и зависат многу од производителот на сијалицата (капацитетот и индуктивитетот на сијалицата) сепак ќе можете отприлика да видите дали некој ве лаже за снагата на предавателот на лице место.
Многу важно: Со користење на овој метод беше водено сметка предавателот да виде оптеретуван релативно добро од 20 до 200 ома (не многу голем SWR) со што методот доколку сијалицата е приклучена би бил релативно сигурен за излезот од предавателот, но сепак авторот на овој текст (јас) не одговарам доколку нешто му се случи на вашиот предавател.
