8х5 ЛЕД порака со PIC16F84

[BorceBT]

Ова е шемата и кодот на една ЛЕД порака која ја дизајнирав со цел да биде поклон. Пораката можете да ја едитирате во asm фајлот (изворниот код) меѓутоа не се направени сите букви бидејќи целта ми беше да пишува „Те сакам“   Сепак, ако некој е спремен може да ги направи сите букви (буквите се подпрограми) и да го даде средениот код тука. Кој нема време може да го направи склопот и да го сними кодот во HEX формат од овде во PIC микроконтролерот и да му пишува во пораката „Те сакам“ на кирилица и да го даде на поклон. Коментар е дека брзината на движење на буквите се регулира со кристалот. Кристал од 1MHz е бавно, од 2MHz e пребрзо... 1.8MHz мислам дека е таман. Се напојува од 5 до 8 волти во зависност од сјајноста која сакате да ја има дисплејот. Над 8 волти може да прегори! ставете 7805, 7806 или 7808 регулатор. Јас го напојував со 7806 и од 9 волтна батерија но пробав и директно да ја поврзам 9 волтната батерија имаше феноменална сјајност и микроконтролерот иако малку загреваше работеше без да прегори.

[Devil]

а дали кодот за буквите е стандарден
мислам дали ако ги најдам по нет некаде како се ќе можам да ги користам, ако не ..
тогаш дај кажи за некоја буква како е па ќе пробам и за другите да видам
пошто во кодот ( во асм фајлот) јас ништо не разбрав, се разбира има некој букви најдолу ама не се доволни тие хехех
кажи ја постапката како сами да ги пишуваме буквите 
не може да пишувам тоа што ќе ми текне

[DX-er]

фантастично нешто, само да направам програматор и прво што ке го направам ке биде ова.
Колку пари е пиков и дали при купување треба да пазам на нешто (модел, марка или сл.) ?
Дали двата фалја треба да се снимат во микроконтролерот (asm и hex) ?

[BorceBT]

За DX-er: Контролерот PIC16F84 може да биде од кој било модел, со А на крајот или без А, -04 (4MHz) или -20 (20MHz). 4MHz ти е малку поевтин. Се снима HEX фајлот (припремен е) но asm ти треба за да ставиш ако сакаш твој текст и да го компајлираш (конвертираш) во HEX со програмот MPASM од Microchip (За ова ќе следи туторијал за микроконтролерите подоцна).

[BorceBT]

Околу буквите. Во кодот се направени следниве букви (на кирилица):

А, Б, В, Е, И, Ј, К, Л, М, Н, Њ, О, Р, С, Т, Ч, знакче за срце (подпрограма Sr) и точка (подпрограма Tc). Значи, доста букви се веќе направени и можете да видите како. Како да донаправите ваши букви или знаци. Значи вака: Секоја буква (или знак) е потпрограма. На пример, овој дел од кодот е буквата Т:

Code: [Select]

T_ call Pr
bsf 0x10,0
call Pr
bsf 0x10,0
bsf 0x11,0
bsf 0x12,0
bsf 0x13,0
bsf 0x14,0
call Pr
bsf 0x10,0
call Pr
return

со наредбата bsf всушност вклучувате диоди во матрицата. 0х10 ви е првиот ред на диоди, 0х11 вториот и така натаму се до 0х14 кој е петтиот ред. Е, сега вака: си ја замислувате матрицата како колони одлево надесно. Со секоја наредба call Pr всушност ја носите програмата една колона подесно, значи буквата Т е направена вака (гледајте и во кодот): првата диода горе - вклучи. Колона надесно (call Pr). Вклучување на првата, втората, третата, четвртата, петтата диода (значи стапчето на Т). Колона надесно (пак). првата диода горе - вклучи. Крај на буквата Т (return).

Со повикување Call T_ ви ја покажува буквата Т во вашиот текст. Значи со овој модел можете да правите букви или знаци кој можат да бидат колку сакате колони широки (до 8 нормално). Се надевам е јасно. Експериментирајте и довршете го кодот со сите букви. Некој може ќе стави и латиница фонт ако има време и нерви

[BorceBT]

Значи за сите „јаки“ микроконтролерџии: Кодот можда е глупо смислен со сите овие потпрограми и слично меѓутоа за 2004-та кога ова е првпат направено беше доволно бидејќи си ја работеше работата. Сега спремам нова ЛЕД порака со PIC16F628 која ќе биде 10х5 ЛЕД матрица и ќе има „edit“ мод, значи директно на склопот ќе се пишува текстот кој после ќе „врти“. Засега мислам дека за статичен текст горното е сепак поевтино и поедноставно решение (и побрзо за градба а можеби и помало).

Сликата од ЛЕД 10х5 која е во подготовка (ќе има засебна тема подоцна):

[DX-er]

Одлично  колку пари е PIC16F628?

[BorceBT]

Би требало да е исто колку и PIC16F84, 1хх денари (ова во похумани продавници хаха  ).

[Devil]

bsf   0x10,0 --- во ова наредбата крајната нула после запирката за што е?
и како може да направам да се вклучува само една диода каде било на матрицата
на пример сакам 3 ред 5 диода како ќе му наредам да ја вклучи само таа диода
објаснете ми го уште ова и ќе пробам да направам нешто

[BorceBT]

Погоре напишав дека програмата е едноставна и има лимити. Не е можно да светнеш која диода сакаш во едно време, значи буквите се опишани со подпрограми и самите подпрограми за буквите ги светат диодите почнувајќи од најдесниот ред (нулата во наредбата bsf 0x10,0 значи најлевиот бит) и сето тоа се движи (skrolira) налево. Меѓутоа можеш да експериментираш со поголема бројка на таа наредбата bsf 0x10,x па да видиш како ќе се однесува (значи редовите се како што реков 0x10...0х14, колоните се од 0 до 7: 0х<red>,<kolona>).

[Devil]

епа тоа ме интересираше кај се внесува вредност за колоната, а за редот сфатив
фала

[BorceBT]

Во ред, но сепак прво испробај ги вградените букви, потоа води се према мојот туторијал за тоа како се прават букви-подпрограми нови и на крај експериментирај со графики (точки во редови и колони).
И, очекуваме слики и видео бидејќи мојот оригинален уред одавна заврши во некој контејнер (совет: не давајте технички подароци на жени )