Дигитaлeн снимач на звук со ISD1420

[LordZi]

Ова колото случајно ми дојде до рака, па решив да го искористам . Станува збор за ISD1420P кое овозможува снимање звук во времетрање до 20 секунди, инаку постои цела плејада кола од оваа серија, некои од нив овозможуваат и до неколку минути снимање.
Ева ја и шемата, таа е универзална за сите кола од ISD14xx серијата:
(повеќе детали околу шемата и колото може да се најдат во даташитот кој може бесплатно да се најде на интернет)

Наместо отпорникот R9 од 1к ставив 220оми. Звучникот треба да е 16 омски, но бидејќи таков потешко се наоѓа може да се додаде отпорник од 8,2оми сериски со звучник од 8 ома при што звукот ќе биде нешто потивок. Снимањето трае додека се држи притиснат тастерот RECORD, при што свети лед диодата, додека репродукцијата на снименото се врши со тастерите PLAY E и PLAY L. Снимениот звук е чист и јасно разбирлив. Напојувањето на колото е 5V.

[GigaWatt]

А што е разликата меѓу тастерите PLAY E и PLAY L? И дали има индикација преку LED (или на некој друг начин) дека има снимена порака во меморијата?

[LordZi]

Со кратко притискање на PLAY E ја слушаш целата порака, додека со PLAY L ја слушаш дури е притиснат тастерот, кога ќе го пуштиш одма прекинува. Лед диодата свети само при снимање, додека при преслушување само кратко трепнува на крај од пораката.

[ki4o01]

Дали колово го има кај нас и ако го има каде го има ?

[GigaWatt]

Лед диодата свети само при снимање, додека при преслушување само кратко трепнува на крај од пораката.

Значи нема некоја индикација дека има снимена порака? Nа пример, снимам порака и диодата трепка за да некоја друг кога ќе го види уредот знае дека има снимена порака на него? Прашувам бидејќи уредчево е добро за оставање на пораки место на ливчиња, вака, да ги снимаш .

А меморија држи ако се изгаси од напојување?

[Malecko]

LordZi јас барав вакво,случајно да не имаш уште некое коло?Ги знам овие ги барав и јас,ама кај нас нигде нема,само од странство...

[LordZi]

Нема никаква индикација дали има порака или е празно, а снименото си стои во меморијата независно дали колото е приклучено на напон или не. Колото не знам дали го има кај нас, ама верувам дека може да се порача од надвор, иначе јас го извадив од една плочка што ми ја дадоа, мислам дека беше од некој расходуван противпожарен аларм.

[DX-er]

Ова коло е старо и можно е да го нема на продажба, но секако и да го има е многу скапо!
ЛордЗи, дали ова коло му се брише записот при прекин на напон или не? Бонус прашање, дали записот (снименото) е аналоген или дигитален во самото коло, бидејки пред повеќе години читав во емитер дека е аналоѓен записот, и тоа ме зачуди.

[LordZi]

Не му се брише записот, а иначе има посебни пинови за напојување на аналогниот и дигиталниот дел од колото.

[LordZi]

Ми дојде до рака уште еден од овие интегралци и овој пат седнав и нацртав плочка како што треба, еве ја ако некој сака да си направи снимач на звук...
Иначе не се нешто посебно скапи овие интегралци, гледам на ибеј ги има 5 ком. за околу 9$.

[DX-er]

Одличен проект! Ова сакам да го направам за т.н. папагал репетитор за радиоаматерска намена. Прво снима а потоа автоматски да репродуцира. Секако со друго слично IC кое има поголем капацитет за меморирање.

Ме изненадува цената на овие IC кои може да се најдат на ebay, со оглед на тоа дека во минатото беа многу скапи. Вероватно не им е иста внатрешната архитектура на старите и новите IC од овој тип.

[GigaWatt]

Зошто па да не им биде иста . Кај нас, се што не се мачка на леб е скапо... туку кажи среќа што сега не може да не лажат препродавачи кај нас, веднаш може да провериш која е цената на светскиот пазар (т.е. online) . Ако не ти е итно, нарачај си online и свиркај си .