Напојување со мек старт

[izotop]

А зошто не го користиш на примарот? .
јас  на мојот засилувач со трафо  2X36 на секундар го користам на примарот и супер функционира додуша сеуште не е склопен во целост но шемата е функционална и кога ќе го склопиш ќе ги нагодиш отпорниците . Батали ги пресметките и склопи го , мали промени ќе требаат ако воопшто требаат за да се нагоди.
Можеби ќе треба да ги смениш само отпорниците  а најдобро ќе ти каже  дали воопшто треба штелување кога ќе го сколпиш целиот засилувач.
И кажи (постирај ) како тече изработката  на универзалната заштите од  Доца која ќе ја изработуваш  и на какви проблеми ќе наидеш зошто и јас во скоро време ќе ја правам .

[ddd]

Извини грешка ама исправена е.Сакав друго да напишам дека ке треба реле од 20 ампера за на секундарот................На примарот ке биде,не ни размислував за друго само сакав нечие мислење.Во Емитер од 98 мислам имаше проект за мек старт за секундар со симетрично напојување,па сакав само да знам ваше искуство..........

[izotop]

Види ,немам чудо од искуство но оваа шема функционира и е релативно едноставна , си ја врши функцијата , така да не комплицирај ставија на примар и ќе ја пробаш кога ќе го склопиш цел. а можеби другите ќе ти посочат и некое друго искуство.

[ddd]

И кажи (постирај ) како тече изработката  на универзалната заштите од  Доца која ќе ја изработуваш  и на какви проблеми ќе наидеш зошто и јас во скоро време ќе ја правам .

За ОМНИ ми зборуваш така,
Ги собирам сеуште деловите,ги чекам плочките и од нејзе и од засилувачите.Очекувам тоа да биде готово следната недела па да дефинирам што како ке биде поставено за да нарачам кутија.Трафото и ладилникот ми се баги големи па изгледа ке испадне голема и кутијата.Околу ОМНИ не сретнав по Српските форуми многу да ја изработиле,Дока не ја е постирал на неговата интернет страна а незнам зошто,можеби има некое сериско производство.Не е како другите заштити,комплицирана е за изработка и поврзување но верувам ако постираш нешто и ако Дока види дека изработуваш негов проект сигурно ке ти помогне...........
Наредната недела ке ставам слики па ке видш што су направил.
Поздрав

[izotop]

да за ОМНИ зборував  , точно дека е комплицирана но мене искрено ми прави кејф пошто е скоро сеопфатна   и кога веќе ќе лупнеш пари за скапи делови како мене и ќе потрошиш време за упарување и изработка вреди да се монтира и направи нешто што ќе ти ја заштити инвестицијата ,  како напредува можеш да постираш  а Доца секако ќе ти скокне напомош особено при поврзувањето , мене искрено не ми е најјасна затоа и те замолувам да постираш како напредуваш нешто ќе научиме во текот самата твоја изработка, а и Доца сигурно ќе се вклучи да дообјасни 

[mkfe]

Почитуван ddd,

За пресметување, како потребна информација ќе ти треба и максималната дозволена ударна струја низ електролитските кондензатори, специфицирана од производителот. Таа во datasheet-вите често се нарекува: ripple current.

Ако сакаш попрецизно, ќе ти треба и струјата на трошење на засилувачот во празен од.

Во attach Ви испраќам некои апроскимативни пресметки, за да може да се дојде до вредоста на отпорникот и времето на задршка. Со пробување, или поинаку, би требало да се дојде до вредностите. Во нареден пост ќе ти помогнам околу пресметките.

Да напоменам дека вредностите во променливите се внесуваат без скалирање. Односно без mili, micro, kilo, и други скалирања. Значи отпорниците во Ohm-и, кондензаторите во Farad......

P.S.
Колеги од форумот, слободно пишете забелешки/грешки за документчето, набрзина го пишував, и можеби имам нешто несакајќи грешно напишано.... Можете и со track-changes директно во него.

Поздрав,
mkfe.


EDIT:
- Документот v20121105-4 е заменет со понова верзија v20121106-1.
- Вградени се забелешките од GigaWatt.
- Нумерирани се формулите за полесно референцирање, од F.1 до F.5.
- Си најдов грешка во F.3 ми фалеше "2".
- Си најдов грешка/подобрување/попрецизност во F.5, на местата каде фигурираше Rx, сега фигурира Rx+Rtrout.

[ddd]

Благодарам ова многу ке ми помогне,ако имам нејаснотии ке ви пишам.
Поздрав

[GigaWatt]

P.S.
Колеги од форумот, слободно пишете забелешки/грешки за документчето, набрзина го пишував, и можеби имам нешто несакајќи грешно напишано.... Можете и со track-changes директно во него.

Јас само две грешки најдов, од кои едната е граматичка (членување, на едно место треба „струја“ место „струјата“), а другата е во една равенка. Имено, во последната равенка пишува I_AmpFree(U₁), а најверојатно треба да пишува I_AmpFree(U_1m). Освен тоа, ништо друго не најдов грешно .

[mkfe]

Почитувани,

Видете во првиот Пост од 2012.11.05 , истиот го едитирав.

Поздрав.