Каков засилувач е од А класа

[jetronic]

Здраво.   Иако звучи малце глупо да прашувам за некои основни работи, но ако не прашам нема да научам 
На форумов , па и на други места имам сретнато некои засилувачи за кои пишува дека се од А,Б... класа,дали е тоа според квалитетот на изработка или според звуко што го даваат не знам , како и засилувач без подесувања?
Исто така не ми е познат поимот изобиличување на звукот.
Читањето на отпорниците јас знам дека е по кодот на бојата , но каков е отпорник на пр. 4w,5w,10w..
по што се препознава? По што се препознава PNP,NPN транзистор?  Имам и други нејаснотии кои се посложени, затоа што се занимавам аматерски,а не професионално и по професија,  чепкам некои поситни работи на местото каде што има прегорено некое делче  ставам друго такво и затоа не ми е многу јасно тоа.

[GigaWatt]

Ова се во принцип огрмни прашања со огромни одговори и за дел од нив е потребно огромно предзнаење.

На форумов , па и на други места имам сретнато некои засилувачи за кои пишува дека се од А,Б... класа,дали е тоа според квалитетот на изработка или според звуко што го даваат не знам , како и засилувач без подесувања?

Засилувач без подесувања има само volume потенциометар, ништо друго, нема тонски контроли и многу аудиофили ги сметаат таквите засилувачи за „де факто стандард“ во аудио техниката и дека само со таков засилувач може да се добие „вистинскиот звук“ (звукот да биде „недопрен“, untouched). Некои се сложуваат со ова, некои не, јас не, сакам да ми биде обоен звукот и да можам сам (како што сакам, без presets како bass, techno, rock, итн.) да си го обојам. Со друго зборови, да си го наштимам како мене што ми одговара . Да се разбереме, ова не значи „штимање“ во вистинската смисла на зборот (менување на pitch на тоновите), само се засилуваат или снижуваат определени фреквенциски опсези, ништо повеќе (обична тонска контрола ). Имаше еден период кога голем замав фатија ваквите засилувачи (не знам, можеби и сега уште се произведуваат), имам видено еден Rotel и Harman Kardon модел. Единствен факт кој стои во поддршка на тезата дека „овие засилувачи се подобри“ е само тоа што звукот поминува низ помалку ланци на обработка на сигналот, со што се намалува изобличувањето на сигналот (дел од второто прашање ).

Што се однесува до класите, само ќе напоменам дека не, нема никаква врска клацификацијата на класите со квалитетот или нешто слично на засилувачот (добро, некој можеби нема да се сложи со оваа констатација, и до некаде ќе биде во право, но најпросто ми беше вака да го објаснам ). Засилувачите се делат на класи според начинот на нивна изработка. Најпопуларни (општо, не само за домашна изработка) се класите AB и B. Класата A ретко се изработува комерцијално бидејќи е „струјно многу неефикасна“ (троши многу струја, дава малку моќност ). Е сега, тоа што троши многу струја а дава малку моќност е последица на принципот на работа на самиот засилувач кој (според некои) давал одличен звук и „тој е тој оригиналниот звук, ништо не може да звучи како A класа“, што до некаде „држи вода“, но јас претпочитам добро дизајниран засилувач во AB класа поред било кој засилувач во A класа . Тоа е веќе прашање на вкус .

Околу дизајните на самите засилувачи и разликите во класите... одговорот е предолг , нема да го фати во еден post и бара доста големо предзнаење од електроника. Еве линк, прочитај .

Code: [Select]

http://en.wikipedia.org/wiki/Electronic_amplifier
Ако е нешто нејасно, прашај, ќе објасниме .

Исто така не ми е познат поимот изобиличување на звукот.

Изобличување на звук е исто така прашање со огромен одговор. Во странство, најчесто се означува како THD (Total Harmonic Distortion), кај нас може да се сретне под оваа кратенка, може да се сретне и само како „изобличување“, но некогаш (особено во постара литература) може да се сретне и како „клир фактор“. Еве линк и за тоа .

Code: [Select]

http://en.wikipedia.org/wiki/Total_harmonic_distortion
Има малку математика, така да, ако има нешто нејасно, пак пиши, ќе гледаме да објасниме .

Читањето на отпорниците јас знам дека е по кодот на бојата , но каков е отпорник на пр. 4w,5w,10w..

Секој отпорник си има и класификација на моќност. Напонот на неговите краеви помоножен со струјата која треба да протече низ него (еднонасочен напон и струја, ако е напонот е наизменичен, се пресметува неговата ефективна вредност) ја дефинира моќноста на отпорникот. Тоа значи дека ако моќноста што си ја добил при пресметките е 0.1W, треба да искроистиш отпорник со максимална моќност од 0.25W (стандардните, оние што се означени со бои) или евентуално 0.5W (малку поголеми се, но исто така најчесто се означуваат со бои ). Има и моќни отпорници, од по 4W, 5W, 15W, како што пиша. Ова значи (грубо „преведено“) дека може да издржат низ нив да течат големи јачини на струи без да прегорат. На пример, ако на местото на отпорник кој бил 10ohm/15W ставиш отпорник од 10ohm/0.25W, отпорникот со моќност од 0.25W ќе изгори скоро моментално .



До тука стигнав, нека продолжат другите членови на форумот .

[batka]

Во која класа ке работи појачувачот зависи однеговата конструкција.Често пати еден појачувач до одредено ниво работи во една ,а потоа во друга класа.Но,не мора да значи дека е А класата секогаш подобра,а АВ класата полоша.Класата е одредена од самата конструкција и постигнувањето на работните точки на одредени активни елементи.Велат А класата има најмалку изобличувања на звукот ( што не е точно) и дека овие појачувачи се со мала јачина и голема потрошувачка,па за нив треба малку предимензионирано напојување.АВ и В класата се некако најекспонирани и најчесто аматерските градби се во ова класа со *разумен компромис* на јачина,цена и квалитет.Н класата се одредени понови ИК со голема јачина,мали димензии....Сепак за повеќе треба да најдеш и прочиташ некоја литература.
Изобличување на звукот е малку покомплексен поим и зависи од влезниот сигнал,изобличувањето кое го внесува појачувачот,но и самите звучници,па најчесто се изразува како THD (total harmonic distortion) и има вредност од 0,0000.....1 до 0,3% за прифатливо слушање на говор и музика.Се над тоа се смета дека не е HI-FI  За читање на отпорниците - обично поголемите по јачина отпорници се керамички и на нив е напишана ознаката воW. Кај оние со прстени се познава по големината на телото,но не сум сретнал поголеми од 2-3W,Ако на транзисторот има ознаки,според нив во табела лесно ке најдеш дали е НПН/ПНП тип,а ако немаш таква можност-тогаш со некој инструмент.Денес и најефтините унимери(дигитални) имаат подножја и подрачје hf за мерење на транзисторите.
Ова само на кратко,а препорака би била да најдеш некоја литература и да прочиташ малку поопширно.Пребарај го Форумов,имаше дадено некој пошироки објаснувања,литература..
И на крај -не е глупаво да прашаш ако не знаеш,глупаво е ако не прашаш..

[Devil]

Добро би било доколку не ги имаш прочитано туторијалите за почетници да прочиташ некој од нив, поголем дел од работите се опишани накратко таму, за повеќе ќе мора сам да си најдеш и прочиташ, или да прашаш пак некој тука

http://elektronika-mk.net/index.php?board=55.0

најчесто, отпорниците за поголеми моќности или се во керамичко куќиште (тие од 5W нагоре (се сретнуваат и од 2W)) на кој е означена отпорноста и моќноста (во форма пр. 0R22 5W, тоа т 0,22 оми со 5W ), отпорниците од помали моќности како на пр. 3W, 2W, 1W едноставно се подебели од стандардните, со тек на време ќе ги научиш напамет и ќе знаеш од прилика според дебелината за каков тип станува збор.
Околу транзисторите, на изглед многу тешко ќе ги препознаеш ако се работи за транзистор од ист тип на пакување (пр. TO-92) едноставно или ќе земеш со мултиметар да ги испиташ, или пак ќе видиш што пишува на нив и ќе побараш на интернет datasheet, пр. BC547 е NPN тоа ќе го видиш и во datasheet-от заедно со  уште многу карактеристики на транзисторот, за  до кој напон се користи, засилување.. ако е некој карактеристичен транзистор има и шема за тест примена како пример дадена за тоа како да се искористи, BC557 e PNP, па имаш таму BD139, 2N3055 и така натаму, треба да знаеш уште тоа кој транзистор според каква ознака е поточно дали е америчка ознаката јапонска или руско европска, јапонските најчесто се 2SCXXXX, америчките се 2NXXXX ако е транзистор и 1NXXXX ако е диода (X се различни комбинации на бројки и/или букви), европските имаат различни стартни ознаки BC, BD...
претежно 2 букви се на почеток
и после идат FET и MOSFET, е кај овие нема некој стандард, најчесто фирмата каоја ги произведува си става име поврзано со фирмата како што е IRF произведува IRF и IRFZ типови

[jetronic]

Ви благодарам на одговорите, нешто ми се појасни ,ако нешто не ми е јасно пак ќе ве прашам а ако треба и сликички ќе ставам     

[batka]

Еве една мала помош- програмче за транзистори и ИК со распоред на пинови и можни замени

[jetronic]

Каква е 1но , двослојна ,трослојна ......,печатена плочка ?

[GigaWatt]

Во аматерски изведби, најчести се еднослојните плочки (не мора да се аматерски, но дефинитивно во домашни услови е најкористена). Двослојните плочки се поретки во домашни (DIY) изработки. Трослојните и повеќеслојните плочки најчесто се користат во компјутери и некои други фабрички изработени уреди.

[batka]

Во аматерски услови се користат еднослојни,поретко двослојни,а повекеслојните се состојат од повеке фолии кои се слепуваат меѓусебно со посебна технологија која во МКД ја имаат само 2-3 фирми и спаѓаат во професионалната електроника,за која без соодветна технологија и машини нема смисла ни да се зборува.За цените на овие машини ме прашувај- се мерат со стотици иљади ЕУ.

[jetronic]

Благодарам на одговорот