Изработка на осцилоскоп од стар монитор и микроконтролер

[deophorant]

JUST FRICKING WOW !!!

good job !

екстремно прекрасно сработено ! ))

Осеќам плочките се од логинг ))

Сеуште цел проект е во експериментална фаза па и дел од плочките ќе претрпат измени. Инаку плочките се од Логин а штампата е моја.

Благодарам за пофалните зборови

[BorceBT]

Браво, браво, ми се допаѓа кога ќе видам вака кога се работи голем и амбициозен проект, секоја чест. Имам една добронамерна замерка (ти кажувам од искуство) а тоа е дека магистралите на матичната плоча (bus-от) не се добро изведени бидејќи ќе ти се јавуваат EMI помеѓу индивидуалните битови на многу високи фрекфенции. Јас не знам колку ќе биде фрекфенцијата на магистралата или (ако е асинхрона) колку nS ќе биде најкраткиот импулс но се што е над 5-6MHz штампаната плоча мора да е направена со минимум 3 слојна плочка вака:

1. Ground Plane горе
2. Ground Plane доле
3. Меѓу секој од водовите измеѓу двата слоја треба да има hairline ground - вод кој ќе ги одделува индивидуалните линии за да нема интерференција. Ширината на оваа линија и оддалеченоста од самите водови треба да се пресмета со stripline calculator и треба да има околу 300 оми импеданса но тоа веќе ако работиш над 300MHz така да мислам дека ќе поминеш и без пресметка
4. Vias (краткоспојници) помеѓу масите на трите слоја.

Најдобро е сите плочки да ги нацрташ и да им ги пратиш да ти ги изработат во Hitech од Скопје бидејќи мислам дека минимум парче плочка е 50х50см а и тие можат да прават такви повеќеслојни плочки без проблем.

[GigaWatt]

Не знам дали изработуваат „на мало“ (еден или два примероци) во Hitech, мсилам дека само на големо работат. А не е лошо ако може да се обрати и до онаа фирмана за роботика од Прилеп, Micro...нешто беше (не ми текнува сега), можеби они имаат апаратура за изработка на повеќеслојни плочки .

[Devil]

јас колку што знам овие од скопје на квадрат работеа ..?
негде квадратот д ане беше 50-60Е, не ме фаќајте за збор не сум сигурен

[GigaWatt]

Па не се исплати ако се работи на квадрат, совен ако не планираш да правиш 10, 20 такви уреди, со еден квадратен метар сигурно толку плочки ќе извадиш .

[deophorant]

Благодарам за пофалбите и критиките. Ако сме сите истомисленици никогаш нема напрдок. Значи плочата е констуирана со детални пресметки и пробана. Магистарлите се возат на 40MHz и има усогласеност на секој растечки и опаѓачки раб. Покрај тоа битни се и времињата на пропагација и се пеналени за целиот систем. На овака високи фреквенции кога има долги магистрали мора да се внимава и на времето за кое сигналот ќе патува по магистралата (бидејки битни се и Tpd) па најголемата дозволена грешка е 2nS (така е конструиран системот). Имено ќе објаснам зошто мојата плоча работи. За да има преслушување по линиите не е битна само капацитивната и индуктивната спрега туку и моќноста на драјверите на линијата. Линиите не се премногу блиску па капацитивната спрега е сведена на минимум. Имено и масите со линиите не зафакаат голема површина па капацитивноста на целата магистрала е мала а и приемниците на чиповите се со мали влезни капацитивности со што се намалува ударната струја при промена на ниво на линијата. Со намалување на ударната струја се намалува и индуктивната спрега. Па онаа цела адресна магистрала (18 бита) ја драјваат дирекно GAL22V10 а тие имаат на излезите посебни моќни драјвери за возење на магистрали. Па кога ќе упадне индуциран напон во некоја од линиите тој ќе го убие драјверот. Тука битна работа е што линиите на магистралите се паралелни и сигналот иде секад од иста страна. Тоа значи дека првата индукција што ќе се појави, ќе се појави на почетокот на магистралата каде што излезните драјвери гледаат најмала сериска отпорност и многу лесно ќе ја убијат индукцијата. Бидејќи податочната магистрала е мултиплексирана на 8 бита (од вкупно 32) таму мора и да има некои бафери со 3 состојби. Па затоа се избрани 74HCT541 кои се всушност Octal buffer/line driver. Значи повторно имаме излезни драјвери за магистрали кои можат да го носат и овој товар. Покрај се ги видов и сигналите на магистралите со 2GSPS осцилоскоп на AGILENT и изгледаат и повеке од добро а и грешката е помала од 2nS. Имено плочката ја изработив сам со сито штампа и се на се ме фати 400 ден. А сега и за Љубо и Hitech. Јас разговарав со него и работата беше ваква: 300е само за да го направи проектот (да ја спреми машината да ја направи плочката) и после по 50е по плочка (2 страни по 3 слоја) и плочки колку сакам по избор. Па ова и вака работи па нема потреба да се плаќаат толкави суми. Патем за цената на плочките ќе си купам осилоскоп . А поевтината и доста квалитетна изработка е во бугарија, каде има фирми кои проектот го спремаат за 100е и се доста поевтини од секоја плочка. И секогаш кога правите некој проект, со целосна конструкција, морате многу да експериментирате и секогаш бирајте ја најевтината варијанта која ќе заврши работа. А секако тука сум и за понатамошни дискусии

Поздрав

[Devil]

Дали може нешто повеќе да напишеш за ова колото LPC2148, какво е тоа јадрото ?
цена која му е, од кај го најде .. од прилика колку те кошташе до сега проектот ( ако не е тајна )
и ме интересира за ова колото погоре, во кој јазик го пишуваше софтверот ( C асемблер, некој друг )

[deophorant]

Дали може нешто повеќе да напишеш за ова колото LPC2148, какво е тоа јадрото ?
цена која му е, од кај го најде .. од прилика колку те кошташе до сега проектот ( ако не е тајна )
и ме интересира за ова колото погоре, во кој јазик го пишуваше софтверот ( C асемблер, некој друг )

LPC2148 е микроконтролер кој го произведува NXP (фирма ќерка на PHILIPS). Тоа е многу понапреден микроконтролер за разлика од PIC. PIC-от е архитектура измислена во која е се заедно скоцкано и растурено. Сите моќни контролери не се изведени на тој начин ни од далеку. Па овој контролер си има посебен процесор и се што му треба како модули. Идејата е што неможе една компанија да развива процесор имплементирајки окулу него модули на исти магистрали и тие да работат со големи брзини. Така денеска на светот сите моќни микроконтролери се изведени во едно куќиште со поодделни модули кои ги развува различна фирма. ARM7TDMI е јадро (процесор) кое се вградува во повеќе микроконтролери од различни производители. И се знае што може да направи ова јадро па кога ќе бираш контролер без разлика дали е LPC, ATMEL, MOTOROLA кога ќе видиш што јадро има знаеш што може од брзина да ти понуди тој контролер. А за модулите окулу процесорот зборуваат различните фамилии на контролери. Како на пример NXP има преку 100 различни варијанти на контролери со ARM7 јадро и сите варијанти се разликуваат во модулите што ги имаат и количината на меморија (како кај PIC16 серијата). Инаку кај PIC16 има се на се 35 инструкции а кај 18 серијата има уште 15 повеќе. Таму може да се пишува во асемблер. Кај ARM јадрата сите инструкции се 32 битни во ARM режим на работа и секоја инструкција има и условно извршување. И вкупно се се на се окулу 200 па и нивното учење не е едноставно. А од друга страна архитектурата е многу посложена за која да се научи цела треба месеци (па и години). И затоа кај овој тип на контролери главен развоен програмски јазик е С. Затоа има многу добри компајлери кои можат и да прават најразни оптимизации по брзина и простор. Колото е во SMD пакување со изводи од 4 страни вкупно 64 (SQFP64-10x10). Цената му е 15е и го нарачувам од странските фирми кои испорачуваат делови по пошта (Digikey.com). Цената на целиот проек неможам да кажам колку е од причина што голем дел од елементите ги имав веќе претходно а некои од елементите сум ги нарачувал од странство за кои не се сеќавам колку пари биле (покрај нив имам нарачувано и други елемнти и кој мислел кој колку пари е). Во продолжение еве дел од архитектурата на тоа коло:


Патем можете да го погледнете и неговиот User manual и ќе видите што се конкретно може да понуди овој контролер. Доколку ве интересира нешто подетално за контролеров пишете ќе објаснам.

Поздрав

[Devil]

фала за објаснувањето имаш + реп. од мене

[deophorant]

фала за објаснувањето имаш + реп. од мене

Нема проблем, повели и друг пат. И сепак фала на реп.

Поздрав