Денес ми стигна LED Strip Tester-от (нешто што Toma сакаше сам да го прави во
оваа тема) и морам да признаам... Кинезиве се надминале себеси
... барем во однос на функционалност на уредот, во однос на изработка
... се знае, не е „нај нај“, ама проаѓа
.
Еве како изгледа внатре тестерот.
Се разбира, морав да направам некоја преправка
, барем во примарот
. Додадов еден керамички кондензатор од 100pF во паралела со големиот електролитски кондензатор во примарот и еден LC филтерски степен пред кондензаторот во примар
. А да, и ги прелемив дел од компонентите и го сменив и напонскиот кабел бидејќи беше направен од Кинески бакар (алуминиум со бакарен „премаз“
).
Кога ќего пуштите во работа, веднаш на излез го дава максималниот излезен напон, кој е 310V.
Но, ако го оптоварите дури и со една моќна LED диода, напонот почнува да паѓа додека не го достигне напонот за проведување на LED диодата (ова се случува релативно брзо). За цело време додека паѓа напонот, струјата на излез е 0mA. Кога напонот ќе падне доволно за да LED диодата влезе во нејзиниот нормален работен мод, тестерот полека ја зголемува излезна струја (почнува со неколку милиампери, за потоа да рипне на 20, 30, 40, 50mA, итн.) додека не достигне определена вредност (во конкретниот случај 70mA) и потоа веќе не расте струјата на излез од тестерот (за да не ја оштети LED диодата).
Тестерот има многу автоматизирани опции (нема никакви копчиња, ниту контроли за подесување), меѓу кои се и автоматска детекција на поларитет на диодата (менува поларитет доколку погрешно ја врзете LED диодата), автоматско гасење на излезниот напон доколку повеќе од 30 секунди тестерот стои на 310V, што значи дека ништо не тестирате (се пушта повторно во работа со кратоспојување на сондите), максимална струја од 300mA и максимален излезен напон од 310V, како и заштита од краток спој (на следната слика).
Моментално немав некој LED strip за да го пробам со strip, но штом работи со една LED диода, би требало без проблем да работи и со strip
.
Се е изведено со микроконтролер кој најверојатно прати што точно се случува на излез од колото (мери струја и напон) и врз база на тоа, се прилагодува на компонентата која се тестира. Каков микроконтролер користи, не знам, ознаките се избришани за жал :S.
Се на се, сметам дека вреди за парите и дека е солидна алатка за тестирање на моќни LED диоди и LED strip-ови
. Пробав да видам дали може и зенер диоди со него да се тестираат, ама изгледа не може... штета, баш ќе беше добро да можеше, имам еден куп зенерки со избришани ознаки
.
