Дали е законски снимање на разговори во сопствен телефон.

[Toma]

Конкретно, се јавувам да пријавам рекламација на телефоска услуга што ми ја овозможува мојот мобилен оператор. Бидејки не сум задоволен од услугата, од другата страна на “жицата“ ми велат дека за „сигурност“ телефонскиот разговор се снима (говорно).
Е сега прашањето е дали Јас на мојот телефон кој ја има таа можност имам законско право да го снимам тој исти разговор за „моја сигурност„ (истото важи и за секој извршен разговор со било кого).
Ако некој е сигурен да напише некој точен збор, да не биде “ти рече-ми рече„

[Devil]

доколку со тие снимки не уценуваш никого, или не вршиш некое друго криминално дело, со кое некој друг (од спротивната страна ан слушалката) не биде повредено/навредено, или било како криминално гонето (од твоја страна) нема да има проблем

тие снимки се прават од операторите за кога ќе ги пцуеш да можат да поднесат жалба од типот навреда на службено лице, а понекогаш и за проверка на сигналот

[DX-er]

Сосема е законско и етички од нивна страна штом те обавестиле дека ке те снимаат.

[Bojan]

они ти кажуваат дека те снимаат, ако не сакаш да те снимаат можеш да прекинеш одма, и ти ако снимаш некој имаш должност да го известиш тој што го снимаш

[DX-er]

Не е законски ако уклучиш диктафон апликација на телефонот и го снимаш соговорникот. Ама во пракса за жал не се покажало така. На пример еден човек снима разговор што го води со друг човек и потоа истиот разговор го злоупотребува што го става на youtube како што беше со она видео "кај ми е сонцето" и за жал девојката што го снимаше очајниот дечко заљубен во неа, не гледам дека си ја доби казната за делото.... така да законите и реалноста не се преклапаат како што треба. Законите важат за некои, за некои не.

[Toma]

Мојата поента е следната.
Јас не навредувам ниту  „псујам“ ниту уценувам некого ниту имам намера да го ставам на јавно место снимениот разговор.
Единствена цел ми е да имам доказ дека тие ми ветиле дека предметната рекламација ќе биде санирана во рок од (да речеме) 15 дена а истата без известување од нивна страна не е санирана. Значи разговорот што сум го снимил да ми послужи како доказ дека тие не го исполниле ветувањето.

[DX-er]

Ако не си им рекол дека ке ги снимаш и тајно си ги снимал тоа можеш да си го чуваш за успомен и ништо повеке. Ако сакаш да го користиш како доказ не си играј тоа е нож со две оштрици. После тие ке те тужат за неовластено снимање. А тоа дека не си го одржале ветувањето, не се ни први ни последни, во ова држава ретко кој исполнува ветување па уште во дадениот рок. Може да исполни ветување ако му гори под нозе.

[GigaWatt]

Јави се во АЕК. Би требало они да го „испеглаат“ проблемот . Од искуства од други, сум чул дека се прилично експедитивни .

[Toma]

АЕК, ДА!, би требало они да го „испеглаат“ проблемот, но и тоа се процедури време и нерви.
Иако во државата многу работи не фукционираат како треба, сепак нелогично ми е “операторот“ да има право да го снима и да го користи тој материјал против корисникот а корисникот да нема право да го сними сопственото барање и одговорот на тоа барање , и тоа се во еден континуиран разговор!
Во прилог формулар за АЕК.

[GigaWatt]

Дали легално смееш да го снимаш разговорот, не знам, но знам дека ако и двете страни се свесни дека разговорот се снима и дека се согласуваат да се снима разговорот, не би требало да има проблем. Од овде следува дека и ти можеш да го снимаш разговорот, но пред да почне разговорот со операторот, да му нагласиш дека разговорот го снимаш и да го прашаш дали се согласува да биде снимен разговорот .

А околу процедурите, времето и нервите... само ќе кажам дека во оваа држава, ако не се развикаш по телефон, пред претпоставено лице, ако не дигнеш џева, ако не се појавиш на телевизија, ништо не се свршува. Истото важи и за АЕК . Конкретно, на мој близок пријател, без никакви процедури, без никакви формулари, само со еден прилично гласен и нервозен телефонски разговор со АЕК, во рок од половина час му се средија сите проблеми кои ги имаше со неговиот интернет провајдер . Се разбира, претходно, во рок од неколку дена, имаше барем 10-тина нервозни и гласни разговори со некој оператор од провајдерот (можеби на почетокот не беа гласни, ама како што поминуваше времето, а проблемот не се реши, го разбирам, човекот веќе изгубил нерви и почнал да се дере по телефон ... „кај им плаќаш, згора на тоа мајтап си играат со тебе “... ова беа негови зборови). По половина час, некој претпоставен од провајдерот му се јави за да му каже дека проблемот е среден .