Антица 1.0

[Nep0znat Pr0ekt]

Поттикнат од неодамнешниот Global Game Jam Macedonia, започнав со собирање материјали од сајбер светов и ја создадов Антица, македонска авантуристичка 3D игра, која би се категоризирала како TPS (Third-person shooter). Играта содржи само едно ниво и сеуште се наоѓа во фаза на развивање кое ќе продолжи врз база на укажаниот фидбек. Според вашите коментари ќе одлучам до која развојна точка да ја ширам приказната со играва, додавање нови нивоа, објекти, карактери... Многу луѓе со своите совети директно или индиректно помогнаа во финализирањето на конечниот 1.0 продукт.



Опис:
Вие ја контролирате Антица, главниот карактер во играта. Вашата цел е движејќи се низ теренот да ги пронајдете десетте кутии со шеснаесеткрако сонце кои ви носат по 10 поени. Стандардните контроли за движење се W,S,A,D или стрелките соодветно, Space (за скок) и Shift+Z (за миграција од run во walk mode). Притоа внимавајте на:

непријател|негов квантитет|штета што ви ја нанесува врз здравјето (поени)
отскокнувачка топка|110|30
оган|6|50
вода (мало езеро)|2|во зависност од поминатото време при интеракција

За помош е вклучена и т.н. воздушна камера која ќе го прикажува воздушниот простор над ликот во определен момент. На секој агол од теренот има и по еден портал (всушност античка македонска кованица) кој инстантно ќе ве одведе кон некој од останатите портали во теренот.

Галерија (16 слики)

Од технички аспект:

Code: [Select]

http://www65.zippyshare.com/v/24231595/file.html

Ако поради било која причина не можете да го искористите примарниот линк, повелете алтернативни линкови:

Code: [Select]

https://mega.co.nz/#!hpYCHCKR!RHIkWFif3wwkLoF4iGtaTy-8oEt_IssfG8Wx8qTH0No

Code: [Select]

http://www.mediafire.com/?e9sw3h7b43u385g

Code: [Select]

http://www.sendspace.com/file/9dklno
Архивата "тежи" околу 22mb. По симнувањето екстрахирајте ја користејќи дополнителен софтвер како WinRAR, WinZip или бесплатниот 7-Zip. При отворањето имате можност да ја промените резолуцијата или деталите според вашите хардверски можности. Тестирана е и успешно работи на повеќе компјутери со различни хардварски перформанси (дури и на доста слаби графички) и на различни оперативни системи (XP, 7, 8).

Како автор не нарушувам никакви закони за спречување на пиратеријата. Секако имате моја дозвола да копирате било кој сегмент од овој текст на вашиот портал/блог. Не заборавајте да ја препорачате и споделите со вашите пријатели.

Официјален блог:

Code: [Select]

http://www.nep0znatpr0ekt.com/
За понатамошен контакт со авторот, критика, пофалба, совет, пишувајте на следниов мејл:

[batka]

Многу добро! Од име на Администрацијата на Форумов ви благодариме за довербата и приказот на играта.Ги повикувам и другите членови,ако имаат слични работи да ги представат,а Форумот ако треба ке отвори и посебна тематска целина ,наменета за вакви проекти.За секоја пофалба!

[StefanJapanac]

Вака, бидејќи ја имаш постирано овде играта претпоставувам сакаш наше мислење и критика.

Што ми се допаѓа:
Да почнам со графиката, одлична е и навистина ми се допаѓа. Влезното мени е исто така доста добро замислено вртењето со маусот за избор на мени. Но за жал толку од тоа што ми се допаѓа.

Што не ми се допаѓа:
Ова е некоја бледа копија на играта Slender каде што исто така се наоѓаат предмети по мапата само што таа е хорор игра, а за некои 10 минути кои ја играв твојата игра немав некои пречки или предизвици кои ке ја направеа по интересна, како што беше случајот со Slender. Ја пофалив графиката ама главниот лик трча чудно, и тоа не ми се допаѓа, ти фали позадинска музика од пуштањето преку менито па се до играта, звуците при влегување во вода при трчање не ти се доволно обработени во смисла кога се повторуваат не се донесени крајот и почетокот на звукот на исто ниво за да не се приметува преминот. Кога влегуваш во вода има звук дека влегуваш и додека си во водата нема никаков звук, гравитација во водата е иста како на земја и се трча и скока.

Ако сакаш играта да биде поуспешна барем по мои стандарди мораш да поработиш на целата поента на играта, што е почеток а што е крај, мислам на тоа да се вметне некоја приказна која ке ја направи играта позабавна. Бидејќи за мене трчање по мапа да наоѓам објекти не е воопшто нешто што се гледам дека можам да го играм со часови. Гледам дека си способен да направиш 3D игра и таа личи на нешто па верувам дека ке можеш и да направиш нешто подобро. Од мене имаш оценка 1/10 бидејќи играта личи на нешто има солидна графика, сето друго е некако без поента.

А секоја чест за обидот да направиш игра и многу среќа понатаму.

[GigaWatt]

Многу добро! Од име на Администрацијата на Форумов ви благодариме за довербата и приказот на играта.Ги повикувам и другите членови,ако имаат слични работи да ги представат,а Форумот ако треба ке отвори и посебна тематска целина ,наменета за вакви проекти.За секоја пофалба!

Ако е за непрофитабилни и open source проекти, ќе видиме, можно е нешто вакво да се направи .

Инаку, не сум fan на Third Person игри (на пример, иако многу ми се допаѓа целата приказна на Silent Hill, па и графиката, никогаш не сум ја играл ниту пак планирам да ја играм, едноставно не сакам Third Person игри... да беше First Person, дефинитивно ќе ја играв ), така да, само набрзинка ја пуштив и само ќе потврдам дека без проблем работи и на Windows Server 2003 Enterprise Edition R2 SP2 со DirectX 10 (custom installer за XP и Server 2003, инкау, знаеме дека по default Microsoft не нуди поддршка за DirectX 10 за XP и Server 2003). Претпоставувам дека не сте ја тестирале играва на серверски оперативни системи, па затоа и пишав , бидејќи main workstation OS ми е Server 2003 (ќе користев XP да ми ги читаше сите 6GB RAM, ама за жал, не ги чита ... damn M$ licensing ).

Како и да е, од она малку што видов од играта, само ќе го потврдам она што го има пишано StefanJapanac. Камења паѓаат од небото, нема татнеж кога ќе паднат ... но затоа совршено добро се слуша како газам по тревата . Ова некако нема логика .

Околу графиката... за мене е одлична бидејќи и онака сум заглавен во времето со игрите , ако играм нешто, тоа се најчесто игри од крајот на 90-тите (Quake III Arena и Unreal Tournament први би ги спомнал), така да, според денешни стандарди оваа графика е веќе застарена, но мене ми се допаѓа (не сакам па игрите да ми се премногу реални ). Нешто понови што имам играно, Doom 3 и Quake 4 (да, fan сум на ID ), но тука запирам... само чекам да излезе Doom 4 и Quake 5 (ако воопшто излезат , ко што тргнала работава, нема да ме чуди и никогаш да ја видат светлината на денот ), но потоа, дефинитивно се пензионирам во светот на игрите (стар сум веќе за игри ).

Сваќам дека е проект на кој се работи и дека е ова тек 1.0 верзија, така да, сигурен сум дека ќе има подобри верзии со текот на времето . Ако евентуално направиш First Person верзија од играва (или можеби некоја друга игра, сосема друг проект), можно е да ме придобиеш како играч . Сега за сега, само ќе направам mirrors на линковите за играта .

permanent mirrors:

Code: [Select]

https://cloud.mail.ru/public/A5pw/SP7ia861H

Code: [Select]

https://app.box.com/s/3un43nmeds4u00pcmt9r3h5egv78p76p

[bicikle]

Да наместиш и "options" и сите пропратни елементи во нив... и некако многу брза антица по тоа угорниците... ко 500 кс да има али ке си ја дотераш... смее на фб да се објави ?

[Nep0znat Pr0ekt]

Пред се фала што пообемно одговоривте на темава, ретко некој да придонесе со обемен коментар, со оглед дека ја постирав на 10тина форуми.

Идејата ми е ваква: Првото ниво да си остане вакво. Сите информации и коментари кои ги собрав од форумиве да пробам да ги исполнам веќе во следното ниво. Значи ќе се добие една растечка линија од лоши (ако така го наречеме овој прв левел) кон подобри нивоа. Играчот од левел на левел ќе добие претстава колку подобрила играта, или колку понапреднал авторот. Исто, откако ќе кликнете "Започни нова игра" и помеѓу самите нивоа да се појавуваат слики кои ќе ја доловуваат приказната и содржински ќе ги поврзуваат нивоата. Играчот ќе има можност да игра следејќи ја приказната (прв левел па 2, па 3...) или да игра некое од нивоата поединечно.

Секако, понатаму ќе воведам некоја relax музика во самото мени, а можно е и во самиот левел, на моменти. Трчањето на ликот е навистина чудно (и мене на прв поглед ми беше ), но самиот модел е бесплатно симнат. Некој друг ги анимирал движењата. Може да се промени ако се пријави волонтер да го стори тоа, моделирањето не е моја област. 

Различно реагираат читателите на графиката. Некому му се допаѓа, некој сака уште подобри hd ефекти, подобри текстури. Мој став е да се остане на ова ниво, секое понатамошно графичко подобрување резултира и со поголема големина на самата игра и ограничување на корисниците со послаби графички.

Околу околината, ќе се инспирирам од ова: Journey - Game Review
Природа, природа, природа. Големи терени, карпи, пештери, истражување огромни реони, можеби земјотреси, дожд, одрони на земјиштето. Плус можно е додавање на руинирани урбани околини, во зависност од моделите што ќе ги најдам на нет.

Исто додавање радар (помагало во барањето на кутиите), можност за светилка (за во пештерите), подобрување на звуците. Можно е и натамошно целосно бришење на топките, единствено штета да нанесуваат природни фактори.

Ова е отприлика мојот концепт, колку ќе се реализира здравје, со оглед што сам работам на сето ова и што имам приватен живот. И натаму ќе остане целосно бесплатна.

Да наместиш и "options" и сите пропратни елементи во нив... и некако многу брза антица по тоа угорниците... ко 500 кс да има али ке си ја дотераш... смее на фб да се објави ?

Да, да, слободно.

[GigaWatt]

Природа, природа, природа. Големи терени, карпи, пештери, истражување огромни реони, можеби земјотреси, дожд, одрони на земјиштето. Плус можно е додавање на руинирани урбани околини, во зависност од моделите што ќе ги најдам на нет.

Е, готово, тука ме изгуби како играч . Баш сакав да ти кажам да ја направиш малку по затворена, по „индустриска“ (што да правам, едноставно ме влечат такви игри , ID fanboy сум ... мислам дека Rage им беше најголем промашај на ID... добри сте во правење на closed environment игри, држете се до тоа, сите кои кои ги сакаат ID ги сакаат токму поради тоа , затворената околина, SF моментите ), ама ништо, реши да ја водиш во друг правец играва .

Се разбира, ова не значи дека нема да ја пуштам, ако има нови верзии . Сакам да видам што се сменило, ме интересира .

Исто така, некако курсорот многу бргу се движи во главното мени (многу е осетлив) . Не знам дали е вака само кај мене или кај сите .

[bicikle]

Исто така, некако курсорот многу бргу се движи во главното мени (многу е осетлив) . Не знам дали е вака само кај мене или кај сите .

Тоа сакав да кажам со предходниот пост, ако има опции за поддесување може да се регулира брзината на маусот од страна на корисникот.
Лично јас не сум некој фанатик на "јака" гравика, 3д хд некои рендирања што само го тепаат процесорот итн итн.. Ако ја имаш играно легендарната "години на империите" (age of empires) сигурно ќе приметиш дека играта е како на тетрис да играш, а ако се приклучиш на некој game сервис, ќе приметиш дека и после 15 години(со неа израснав) сеуште се игра активно. Значи не е графиката тоа што го привлекува играчот. На играчот треба да му го понудиш она што го очекува, општо во секој бизнис мислам дека купувачот само сака да го чуе види и на крај добие она што го сака, сепак тоа е само мое мислење, не мора да го земиш здраво за готово... Сепак има играчи кои играат игри стриктно само заради добра графика и ефекти. Најдобро е да направиш анкета, колку влијае графиката на задоволството на играчот(форумов поддржува анкета) да не ја тупиш за џабе, какао што приметив најмногу критики на овој форум доби за приказната, очигледно таа тоа што ќе го натера играчот да притисне "играј повторно" или "излези". Можеби добро искуство ќе ти биде да ја побараш играта "Recoil" стара фпс игра која ме навлече на овој тип игри(иако твојата е тпс). Можеби ќе е добро играта во следните левели да премине во фпс, односно да има по некој непријател, да додадеш некои вештини на Антица па и некое оружје. Ова го пишувам можеби под сугестија на многуте изиграни фпс игри, сепак ти терај си по својата замисла. Во секој случај не е лошо да се додаде малце мистика и логика во целата игра, на пример да треба да се отвори некоја врата со некој клуч скриен "тамо некаде" или да преместиш некои камења за да пронајдеш некој таен отвор каде што би собрал екстра поени...