Македонски форум за електроника

Останато => Сè останато => Topic started by: frost5551 on 20.08.2012, Monday, 02:44:58

Title: Капацитет метар со PIC16F84A - верификацијата е неуспешна
Post by: frost5551 on 20.08.2012, Monday, 02:44:58
Накратко, го изработив проектот од списанието Електор фебруари 2003 год., и стигнав до програмирањето на пикот. Го оборив хексот од истата страна но никако не можам да ги испрограмирам пикот. Како хардвер користам АллПик Програматор и софтвер ИцПрог и ПониПрог, но со ниеден неможам да го испрограмирам пикот. Секогаш се јавува грешка „Verify filed at adress 0000h!“. Незнам дали е до хексот или пак јас нешто грешам. Затоа би замолил некој кој ја разбира оваа проблематика да проба дали хексот работи и ако работи да ми каже како го направил тоа.  >:(
Title: Одг: ПОМОООШ... капацитет метар со 16Ф84А
Post by: GigaWatt on 20.08.2012, Monday, 03:02:29
Прво, среди си го насловот. Во правилата убаво е објаснето како треба да се пишуваат насловите за темите.

Второ, можно е PIC-от да изгорен или да не работи како што треба (да не го зачувува програмот во EEPROM-от како што треба, не е ни прв ни последен пат да се случи вакво нешто).
Title: Одг: ПОМОООШ... капацитет метар со 16Ф84А
Post by: LordZi on 20.08.2012, Monday, 09:19:26
Или пикот е неисправен (или погрешно поврзан) или програматорот не ти работи, нешто од тоа е. Пробај да програмираш друг пик на истиот програматор или дај го пикот да ти го програмира некој друг.
Title: Одг: капацитет метар со PIC16F84A
Post by: frost5551 on 25.08.2012, Saturday, 02:15:39
Го решив проблемот, во секој случај благодарам.
Title: Одг: капацитет метар со PIC16F84A
Post by: StefanJapanac on 25.08.2012, Saturday, 08:38:33
Може да ни ги кажеш решението, можеби ке користи на некој?
Title: Одг: Капацитет метар со PIC16F84A
Post by: frost5551 on 08.09.2012, Saturday, 03:24:42
Прво се извинувам што подолго време не бев вклучен па не можев да одговорам. Проблемот го решив само со тоа што конекцискиот кабел ми бил во прекид  ;D. Нашиве одма на расипан пик, програматор или дај го на друг да го програмира, просто кажано помош и совет никаков  :-\. Одговараат без да се потрудат да навлезат во суштината на проблемот. Значи мој совет, секогаш кога излегува порака како „Verify filed at adress 0000h!“, тоа значи дека конекцијата помеѓу програматорот и компјутерот не е воспоставена како што треба и проблемот треба да са бара во тој правец, т.е. прекид во кабел или нема верификација помеѓу програматорот и компјутерот.
Title: Одг: Капацитет метар со PIC16F84A
Post by: Devil on 08.09.2012, Saturday, 07:17:43
Или да се потрудеше да побараш малку во темите од делот микроконтролери, сигурно ќе го најдеше решението, пошто повеќепати е истото одговарано..
Title: Одг: Капацитет метар со PIC16F84A
Post by: GigaWatt on 08.09.2012, Saturday, 10:20:56
Прво се извинувам што подолго време не бев вклучен па не можев да одговорам. Проблемот го решив само со тоа што конекцискиот кабел ми бил во прекид  ;D. Нашиве одма на расипан пик, програматор или дај го на друг да го програмира, просто кажано помош и совет никаков  :-\. Одговараат без да се потрудат да навлезат во суштината на проблемот. Значи мој совет, секогаш кога излегува порака како „Verify filed at adress 0000h!“, тоа значи дека конекцијата помеѓу програматорот и компјутерот не е воспоставена како што треба и проблемот треба да са бара во тој правец, т.е. прекид во кабел или нема верификација помеѓу програматорот и компјутерот.

Епа ние одговарвме под претпоставка дека:

1) Имаш исправен прогтраматор.

2) (Ова воопшто и не треба да се пишува, ама ајде ::)) Имаш исправен кабел за врзување на програматорот со PC-то.

Ние (па и никој друг ::)) сигурно прво не претпоставуваме дека имаш неисправен кабел. На крајот на краиштата, тоа е првата работа која треба да ја испиташ, а не да се жалиш „не ми се програмира како што треба PIC-от“ или „не може да ми направи Verify“.

Ако фатиме секоја можна комбинација на проблеми да ја анализираме, бројот на проблеми нема крај. Затоа, совет за сите останати (ако некој воопшто го прочита ова, што чисто се сомневам ::)): прво проверете се останато (да, во ова спаѓаат и каблите за врзување на програматорот со PC-то ::)), па ако ништо „не ви прави логика“, тогаш пишете.

ПС: И под тоа нашиве, воопшто не знам на што мислиш... мислиш дека на друг форум друг одговор ќе добиеше? Пробај и пиши, баш ме интересира ::).

Да не ти се верува... ц ц ц ц ц ц ц... чисто добронамерно сака човек да помогне и добива одговор „ова нашиве кога ќе пишат нешто“ ::).
Title: Одг: Капацитет метар со PIC16F84A
Post by: frost5551 on 09.09.2012, Sunday, 02:27:11
Глупо би било кога би се надмудрувал, тоа најмалку го посакувам иначе би бил адвокат „ќе играв со зборови“  :).  :o Гледам големите ме нападнаа, но зошто не признаете дека одговорите ви се „малку“ скржави. Сепак ова е форум, го користат и професионалци и аматери, стари и млади итн, па затоа мислам дека треба да се гледаат работите попрофесионално. Да сум читал и прател и други форуми, член сум и на други, но тие се поинакви, работат професионално без она „јас све знам, јас сум најголемиот а сите вие сте со помалку знаење и пониски па затоа мора да ме слушате“. Ова е добронамерна критика, не сакам да ве нервирам, само би требало да се трудите за зголемување на бројот на корисници на форумов а тоа би се постигнало со љубезност и професионализам. Е затоа беше тоа нашиве. Иначе фала што некому текнало да има форум за електроника кај нас.  ;)
Title: Одг: Капацитет метар со PIC16F84A
Post by: GigaWatt on 09.09.2012, Sunday, 05:09:02
Гледам големите ме нападнаа, но зошто не признаете дека одговорите ви се „малку“ скржави. Сепак ова е форум, го користат и професионалци и аматери, стари и млади итн, па затоа мислам дека треба да се гледаат работите попрофесионално.

Дадовме одговор врз база на дадените информации и нашето знаење. Тоа не значи дека секогаш сме 100% во право, но ајде... ако некој друг знаеше подобро, зошто не пише? Ние не сме виновни што на форумот од регистрирани 2000 (и кусур) членови, активни се само 15-тина.

Од друга страна, тоа што ти го пиша (проблемот кој го имаше) е најчест симптом на изгорен PIC или зезнат (од една или од друга причина). Барем во моето досегашно искуство, таа била најчеста ситуација.

Да сум читал и прател и други форуми, член сум и на други, но тие се поинакви, работат професионално без она „јас све знам, јас сум најголемиот а сите вие сте со помалку знаење и пониски па затоа мора да ме слушате“.

Друже, ти прв не нападна нас... „Нашиве одма на расипан пик, програматор или дај го на друг да го програмира, просто кажано помош и совет никаков“.

Прво, за разлика од странците, ние немаме по дома 10-тина програматори па да можеме да пробуваме со еден, друг трет итн. На пример, јас само еден имам, ако тој не ми работи, се разбира дека прво ќе побарам каде може да биде проблемот, а ако не може да го најдам, ќе го дадам на некој пријател ако може да ми го испрограмира, да установам дали навистина проблемот е програматорот или PIC-от.

Второ, јас (а и останатите членови, барем поголем дел од нив) не пишав дека јас сум 100% во право. Јас пишав дека е можно PIC-от да е изгорен. А LordZi ти даде совет да пробаш да испрограмираш друг PIC на програматорот, што сигурно ќе го добиеше како совет и на било кој друг странски форум. Во моментот не ми текна мене на тој совет, така да, не сум го пишал. Затоа, ете, на некој друг член му текнало, пишал.

Трето, на странски форуми добиваш по минимум 5 post-а дневно на тема од овој карактер. На овој форум, на вакви теми има едвај 2 или 3 одговори севкупно. Повторно, ние не сме виновни што од 2000 членови редовно допринесуваат само 10-тина или 15-тина членови.

Ова е добронамерна критика, не сакам да ве нервирам, само би требало да се трудите за зголемување на бројот на корисници на форумов а тоа би се постигнало со љубезност и професионализам. Е затоа беше тоа нашиве. Иначе фала што некому текнало да има форум за електроника кај нас.  ;)

Јас секогаш влегувам најдобронамерно во дискусија. За тоа е доказ што иако темата немаше адекватен наслов (според правилата, убаво си пишува во нив како треба да изгледа наслов на која тема), само спомнав дека треба да си го корегираш насловот на темата, иако (повторно, според правилата), ако не ти е напишан насловот коректно, имам право да ја заклучам или избришам темата. Но, не го направив тоа. Зошто? Нов член си, уште не си „уходан“, ние сме свесни дека не може секој на памет да ги знае правилата од едно читање (ако воопшто членот ги прочитал) и затоа попуштаме. Често, не ни опоменуваме, бидејќи сме забележале дека во многу случаи нема поента (како во овој случај, ти имам пишано да го смениш насловот на темата и сеуште, дури ни по 3 твои post-а подоцна и не знам колку денови, ти сеуште го немаш сменето насловот на темата, а тоа се смета за непочитување на администрацијата на форумот), на членот му е укажано да го смени насловот, не го менува и на крајот, ние мораме да го смениме. Затоа веќе често не ни напоменуваме за промена на наслов на тема (неадекватен наслов), едноставно ние го менуваме насловот. Се ова го правиме со цел да се зголеми активноста на форумот, да има повеќе членови и членовите да бидат поективни, бидејќи многу од членовите се бунеа дека сме биле престроги (ова навистина не знам од каде го најдоа, на многу форуми за post-ови како овој кој го цитирам се добива и ban, без предупредување, ама ајде, нашле па зашле некои членови ::), не сакале да кодираат линкови, не им се допаѓало ова, не им се доаѓало она, правилата не им чинеле... истите овие правила да ги имаше на странски форум, и те како ќе ги почитуваа истите оние на кои правилата на овој форум не им одговараат, ама ајде, тоа е, наше е, па може да плукаме ::)), така да, решивме уште повеќе да попуштиме со „строгоста“ ::).

И пак на крајот ќе прочиташ вакви коментари... иако не се превземни никакви санкции ниту опомени за непочитување на администрацијата во врска со тоа што го имам пишано претходно во темава (за насловот на темата), иако најдобронамерно, со онолку колку што знам од оваа проблематика, пробав да ти помогнам, иако LordZi ти даде одличен совет, со кој сигурно ќе установеше дека кабелот од програматорот е прекинат некаде... ц ц ц ц ц ц... тоа е тоа ::).

Од друга страна пак, убаво што ја имаш пофалено идејата за сајтот, и јас исто мислам дека е одлична идеја.
Title: Одг: Капацитет метар со PIC16F84A
Post by: Zan on 09.09.2012, Sunday, 11:12:17
Во право си GigaWatt, еве сега проверив, на форумов има 2228 членови, а 1715 од нив немаат напишано ниту една порака (post). Од останатите 513 членови, најголем број имаат напишано од 1 до 5 пораки.  ???
Title: Одг: Капацитет метар со PIC16F84A
Post by: frost5551 on 10.09.2012, Monday, 00:55:59
Искрено јас како нов член ги немав прочитано правилата и се уште ги немам прочитано а да бидам искрен и немам намера. Не дека не ве почитувам него искрено кажано ме мрзи  ;D, извинете. Не сакам повеќе да се препирам и се повлекувам, но најискрено не сум електроничар, јас сум шумарски инжињер по струка но електрониката ме привлекува како аматер, просто ја сакам. Стварно ме радува што има ваков форум и ќе ве почитувам, но сепак Ве молам трудете се да има што повеќе корисници. Ве молам за извинување за мојата дрскост која не е злонамерна. Простете и поздрав. Ќе ве читам и понатака и ќе бидам член.  ;D