Македонски форум за електроника

Други технологии => Електроенергетика => Topic started by: DS on 20.09.2020, Sunday, 23:28:42

Title: Помош поврзување на соларен панел со грејач од болјер
Post by: DS on 20.09.2020, Sunday, 23:28:42
Имам неколку прашања и потребна ми е мала помош. Сакам да поврзам соларен панел со болер (класичен болјер 220VAC). Затоа што во зграда не е изводливо да се влечат цевки сакам да ја искористам следнава шема и болјерот да се поврзе директно преку инвертер.

(http://www.mediafire.com/convkey/d79b/80z1wtar53jmk7izg.jpg)

Колку е изводливо и дали се исплати? :)

Прашања:

1. За колку време ќе се полни батеријата од 12V, 100Ah доколку се користи пример соларен панел од 12VDC,500W? p=u*i, i=p/u=500/12=41.6A . Дали тоа значи дека за 1 час ќе наполни 41Ah доколку напонот на панелот е постојано 12V? Каков панел да се стави?
2. Дали е доволно инвертер 2kW,220VAC ако грејачот на болјерот е 2kW?
3. За колку време ќе ја испразни батеријата при товар од 2kW?

Благодарам  :D
Title: Re: Помош поврзување на соларен панел со грејач од болјер
Post by: bicikle on 21.09.2020, Monday, 01:43:07
1. 20 тина саати, со тек на време повеќе. Имаш загуби. Акумулаторот не голта све што му се сервира, ако го полниш со 46А ќе го спржиш за 3 дена. Стационарните акумулатори се поиздржливи но со интензивно користење сепак нема да траат долго. Имаат работни саати или полнења и кога ќе ги потрошиш тоа е тоа, треба да ги смениш и не се ефтини. 
2. Како не би го "возел" посројано на максимум инверторот, итреб д земиш нешто појак инвертор, значи 2kw + 30% загуби, најмалце 2600 w, но јас би ти рекок 3kw.  Едино оди во предвид 2kw некој хај енд т.е. високо квалитетен инвертер, во кој најверојатно овие загуби му се пресметани плус има луфта.
3. Па, 2000/12 =166А, несметајќи загуби, сосе загуби грубо земено батеријата ќе држи пола саат. Стационарните батерии ( старите, со новите може е поинаку) препорачано е да се празнат со струја 1/10 од капацитетот, односно ако имаш батерија од 100ah може да ја празниш со 10А... што значи ти требаат 20 вкви акумулатори, што е малце безвеза.
Но, тука се сончевите колектори за вода, кои се далеку попрактични од 20  акумулатори , и на една тараса од 5м ширина најверојатно ќе ти овозможат 60-70% од потребите за топла вода барем 200 дена во годината и тоа на долг период, пошто одржавањето е минимално со што ги прави погодни за топлење вода. Секако тарасата треб да е на југ.
Батериите општо се голем проблем, за било која индустрија, инљку нафташите одамна ќе беа заборавени.
Идеално би било цела вертикала да се усогласите и да инсталирате соларни панели за топла вода. Само тоа е тешко изводливо кај нас.
Има два (еодуша повеќе ) системи на топла вода, едниот ситем е истата вода да врви в панели, и тој систем не би ти го препорачал, а другиот е со бољер со изменувач, односно во бољерот има башка цефки низ кои врви загреан антифриз, кој пак е загреан во панелите и е на некој многу помал притисок за разлика од овие првиве. Овј систем е нешто поскап, но далеку по стабилен, по долготрен и по веродостоен. И ако се зезне нешто ќе истечи само антифризот и тоа е тоа, во спротивно кај првиот систем цел систем е поврзан на градската мрежа за водоснвдувње, значи ќе течи додека не заприш некој вентил. Капак во првиот систем ќе ти се збира 'рѓа, бигор нечистотии, вториов систем еднаш го полниш со антифриз и дестилирана вода и раат си следните 10 години....
Одприлика тие се моите познавања за оваа област.
Title: Re: Помош поврзување на соларен панел со грејач од болјер
Post by: GigaWatt on 21.09.2020, Monday, 12:15:18
Колку е изводливо и дали се исплати? :)

Изводливо, да... дали се исплати, не. Барем не со цените на сите посебни делови кои ги спомна (значи со конверзија на енергијата во електрична, па пак во топлинска). Прво, ќе имаш многу загуби, второ, многу скапи се сите делови за изградба на ваков систем (интертер, фотоволтаични панели, акумулатори, итн.). А и животниот век на акумулаторот ќе му го истрошиш за 2, 3 дена. Тие не се наменети да континуирано (половина час, час) влечеш од нив по 100, 150 ампери. Тоа да, ама само при палење на колата, краткотрајно. Така да, сметај дека ќе треба барем 4, 5 такви да ставиш за да се растоварат доволно за да не се оштетат по неколку дена користење.

Скапа инвестиција, во секој случај. Ќе ти се исплати тек по 10, 15 години, а тогаш таман ќе треба да менуваш пак панели. ::)
Title: Re: Помош поврзување на соларен панел со грејач од болјер
Post by: bicikle on 21.09.2020, Monday, 14:27:53
Башка акумулатори се за овие намени, не се тие за кола, но и тие не се семоќни, и даваат 1/10 од капацитетот. Може да даде и повеќе, ама ќе види зорт ...
Title: Re: Помош поврзување на соларен панел со грејач од болјер
Post by: LordZi on 21.09.2020, Monday, 14:41:06
Убаво си измислиле луѓето сончеви колектори за топла вода, не треба ни акумулатори, ни инвертори.
Title: Re: Помош поврзување на соларен панел со грејач од болјер
Post by: GigaWatt on 21.09.2020, Monday, 16:26:25
Убаво си измислиле луѓето сончеви колектори за топла вода, не треба ни акумулатори, ни инвертори.

Со тоа што треба цевки за се тоа да пушташ, но, во конкретниот случај...

Затоа што во зграда не е изводливо да се влечат цевки сакам да ја искористам следнава шема и болјерот да се поврзе директно преку инвертер.



Вакви работи во станбена зграда се многу тешко изводливи... се исплати само ако цела зграда се согласи на ваква инвестиција. Во секоја друга комбинација, единствено место каде што би се исплатело нешто вакво е куќа.

И јас имав размислувано на оваа тема и сватив дека во зграда не се исплати. Ако веќе сакаш да скратиш на сметки за струја, размисли за купување на проточни бојлери и нови апарати во домаќинството (нови и економични фрижидери и фризови, микробранови печки, итн.). Со тоа ќе се искомепнзира потрошувачката на струја на бојлерот, а нема да чини колку инвестиција во фотоволтаични панели, ивертори и слични работи.

А и помал бојлер. Нашиот дома што го имаме е 50 литри. Повеќе од доволно е за еден човек да се избања, а се загрева за 20 минути ;).
Title: Re: Помош поврзување на соларен панел со грејач од болјер
Post by: bicikle on 21.09.2020, Monday, 18:44:29
Па вака треба жици да тегниш :)
Абе сега ти е таман 50 литра.... xD
Фрижидерите секако се економични, таков им е принципот, фризојте не знам што ти се :) технички на тараса или на надворешен ѕид можеш да обесиш соларни колектори за вода и се исплати, ама нема на ништо да личи а не знам и законски дали е изводливо, може да се појават и други компликации, башка ајде на 2ри ќе се испентариш некако ќе ги заштрафиш, ама ај на 10ти? По мое ако се покрие цела јужна страна  летно време ќе добиеш заштита од топлина, зиме секако нема да те загреат зраците преку ѕид, но таа тежина треба некаде да се држи... али да е плански и колективно по мое има есап.
Title: Re: Помош поврзување на соларен панел со грејач од болјер
Post by: mikromk on 21.09.2020, Monday, 19:45:10
За овој случај наједноставно е следново,
Примарен бојлер од 50л и секундарен бојлер од 100л.
Има фотонапонски панели со димензии 600мм х 1200 мм ,напон 70V, 1A  ЦЕНА 10ЕУР овде во Македонија.
Поврзуваш три сериски и добиваш 210V . Број на  вакви модули према потреба и место на поставување. Ги поврзуваш дирекно на греачот.
Зашто е потребен секундарен бојлер?
Тој е акумулатор на топлина кога ќе се загрее примарниот бојлер на потребна температура.
Со термостат се командува кој бојлер се грее.
Title: Re: Помош поврзување на соларен панел со грејач од болјер
Post by: LordZi on 21.09.2020, Monday, 19:50:24
Има фотонапонски панели со димензии 600мм х 1200 мм ,напон 70V, 1A  ЦЕНА 10ЕУР овде во Македонија.

Кај ги има овие кај нас, да не си утнал една нула можда?
Title: Re: Помош поврзување на соларен панел со грејач од болјер
Post by: mikromk on 21.09.2020, Monday, 21:27:56
Не е грешка,
Братствоинох  Охрид ги продава по цена од 10 еур +ддв, неупотребени нови.
Title: Re: Помош поврзување на соларен панел со грејач од болјер
Post by: GigaWatt on 21.09.2020, Monday, 21:36:39
Па вака треба жици да тегниш :)

Жици е полесно да монтираш од цевки. Можеш како сакаш да ги пушташ, плус може и да висат, свитливи се, отпорни на сонце, не се толку дебели, итн.

Абе сега ти е таман 50 литра.... xD

Да да, таман е, нема проблем ;). Брзо се загрева, тоа му е голема предност ;). За што и да ти треба, за 20, 25 минути имаш целосно загреан бојлер на „двојка“ (од прилика), а тоа е повеќе од доволно топла вода за да кога ја измешаш со ладна, да имаш вода за едно бањање, плус и останува.

Фрижидерите секако се економични, таков им е принципот, фризојте не знам што ти се :)...

Не не, постарите модели повеќе струја им трошат моторите. Не ради друго, повеќе гееја моторите. Ене гледам колку грее моторот на фризот нов што го земав и на тој пред него што го имав. Кога работеше моторот, на тој стариот (претходниот), не можеше да го допреш, чуреше. Овој сега, новиов, no frost... едвај загрева... топол е, ама далеку од жежок, а повеќе лади во однос на претходниот. Ставаш од пластикине со вода за коцки лед, за еден час е целосно замрзната водата. Со претходниот, ехееееее, дур да замрзне, може и 3, 4 часа да поминат... и тоа само за да не тече од тоа пластиката, инаку внатре не е замрзната.

Не не, поефикасни се новиве, нема збор. Сметката за струја сама си кажува. Немам ништо сменето друго, освен фрижидерот и фризот, од лани до сега. Претходно плаќав 3000 до 3500, зависи дали е лето или зима. Од тогаш наваму, откако сменив фриз и фрижидер од 2000 до 2500. Последниов месец ми дојде 2900, ама знам зошто, ради климата, почесто ја пуштавме последниов месец, многу топло беше.

Има фотонапонски панели со димензии 600мм х 1200 мм ,напон 70V, 1A  ЦЕНА 10ЕУР овде во Македонија.
Поврзуваш три сериски и добиваш 210V . Број на  вакви модули према потреба и место на поставување. Ги поврзуваш дирекно на греачот.

И што добиваш? 210V (плус, тоа е еднонасочен, за да биде еквивалентен на наизменичен, треба со корен од 2 да ја делиш таа вредност, што значи дека ќе треба 5 да врзеш, односно (5 * 70) / 1.41 = 350 / 1.41 = 248V~) и 1A. Ај жити се, кажи ми што ќе праиш со 1A на 248V ;D. 250W моќност... максимум осмина од моќноста на 2KW греач, колку што скоро сите бојлери имаат ;D. Ќе ги гњавиш панелите само, ништо нема да постигнеш.

Значи, треба да врзеш по 8 во паралела, па тие 8 потоа со по 5 такви исти 8 паралелно врзани... значи 40 панели треба да земеш за еден бојлер ;D... ако имаш и нива твоја до зградата, да, се исплати ;D.

Плус, ова решение функционира само преку ден... односно дур има сонце... кога ќе снема, топки кантарови, топла вода нема ;D... барем не преку овој систем.

Тој е акумулатор на топлина кога ќе се загрее примарниот бојлер на потребна температура.

Значи јас неам друга работа, само бојлери ќе стаам низ станот ;D.

Види... овие решенија се добри, ама за во куќа. За во стан, не иде така. На располагање го имаш просторот во станот, евентуално нешто надворешен дел за ако ставиш клима и толку. Немам намера да го полнам станот само со бојлери, примарен, секундарен, ваков таков... плукни му се ако треба да го препраам цел стан за 200 денари минус на сметка за струја.

Кај ги има овие кај нас, да не си утнал една нула можда?

Ова е башка муабет, 100% е утната една нула... 10 евра 70V панел ;D.



Мое лично мислење за проблемот со високи сметки за струја поради бојлери е беспредметно. Грејте си бојлер на евтина тарифа (сеуште ја има) и така ќе заштедите.

Евентуално, ако ви дозволуваат финансиите и просторот, монтриајте си бојлер на плин. Има и такви. Не се скапи системите, преправки има минимални, а боца менувате еднаш на 2 или 3 месеци, зависи колку често се бањате. Вујко ми има ваков ставено, живее заедно со братучетка ми и братучед ми. Братучетка ми сигурно се бања барем еднаш дневно, вујко ми братучед ми... два пати, три пати неделно... зависи од годишно време. Епа со такво трошење, 500 денари за плин фрлаа еднаш на 2 до 3 месеци.
Title: Re: Помош поврзување на соларен панел со грејач од болјер
Post by: mikromk on 21.09.2020, Monday, 22:18:48
DS, бараше помош  за примена на солрни панели за загревање вода .Јас се потрудив да му одговорам стрикно на неговото прашање.
Цената на панелите кои ја напишав е (со букви) десет евра + ддв.
Треба да се направи пресметка во однос колку сака да постави панели и да се избери греач со соодветна снага,сигурно многу помала од 2кв.
GigaWatt, електрогреачите не препознаваат права од неизменична струја, не се електромотори.
 Големата акумулација на топла  вода дозволува користење и во денови кога нема сонце.
Точно за станови е проблем  монтирање на каков и да било соларен систем за загревање на топла вода, но мојот предлог  се темели на минимална инвестиција и што побргу враќање на истата
Title: Re: Помош поврзување на соларен панел со грејач од болјер
Post by: LordZi on 21.09.2020, Monday, 22:21:05
Имаш некој линк за овие панелите, нема шанси толкав панел од метро и дваесе да е 10е. ???
Title: Re: Помош поврзување на соларен панел со грејач од болјер
Post by: krema on 21.09.2020, Monday, 22:46:17
Вакви акумулатори се потребни за акумулирање од фотоволтаични панели, изгор скапи се!
(https://i.imgur.com/qwODh5y.jpg)
Title: Re: Помош поврзување на соларен панел со грејач од болјер
Post by: bicikle on 22.09.2020, Tuesday, 01:32:05
Може и болер со 2 греачи, има...
Крема, да скапи се ...
Title: Re: Помош поврзување на соларен панел со грејач од болјер
Post by: GigaWatt on 22.09.2020, Tuesday, 03:26:45
GigaWatt, електрогреачите не препознаваат права од неизменична струја, не се електромотори.

Тоа дека не препознава, нема збор.

А инаку, да, јас згрешив. 220V~ е ефективна вредност, што значи дека со истиот тој еднонасочен напон, ќе се постигне истата моќност како и со 220V~. Што значи дека сосема солидна вредност е 210V еднонасочен напон како еквивалент на 220/230V~.

Големата акумулација на топла  вода дозволува користење и во денови кога нема сонце.

100 литри бојлер да монтирам за да имам топла вода и кога нема топли денови... извини, ама пак ќе речам. Немам намера станот само со бојлери да го полнам. Подобро ќе земам ќе сработам нешто плус и ќе ги покријам тие 200, 300 денари месечно струја за бојлерот отколку цел стан само бојлери да ми е. Можеби некои имаат големи станови, ама што правиме ако некој има мал стан? Или мало WC? Па сигурно нема да го стави во спална или дневна бојлерот.

Да, ова е решение, ама не и за конкретната ситуација. Лесно изводливо и добро е за во куќа. За во стан, не. Членот кој праша живее во стан... барем јас така разбрав.

Точно за станови е проблем  монтирање на каков и да било соларен систем за загревање на топла вода, но мојот предлог се темели на минимална инвестиција и што побргу враќање на истата

Не знам што подразбираш под минимална инвестиција, ама се што е над 100 евра е голема инвестиција... барем за мене... бидејќи парите ќе си ги вратам тек по 4 или 5 години... и за што? За 200, 300 денари помала сметка за струја.

Искрено, оваков систем е исплатлив само ако планираш да правиш нешто како hosting/серверска просторија. Зошто? Ќе објаснам. Прво, компјутерите континурано влечат помалку струја во однос на бојлер. Реално гледано, можеш комотно да опслужиш две до три моќни машини (кои патем, може да опслужуваат околу 100-тина и повеќе сајтови) со систем со 20, 30 панели. Второ, не се екстремно зависни од напонот кој го добиваат на влез. И да падне, не е страшно, сите работат од 110 до 230V, не е проблем и ако падне под определена вредност. Трето, (ова е предност и кај греачите, но сакам само да напоменам), работат и со еднонасочен напон. Четврто, дури и ако наплаќаш по 20 евра од година за hosting по сајт (а најчесто се плаќа повеќе од тоа), инвестицијата си ја враќаш за рекордно време, година дена максимум... се потоа е само ќар. Дури и ако го користиш системот само преку ден, не и преку ноќ, пак си ќар, најголем дел од денот е скапа струја ;). И со тие пари, ќе си ја платиш повисоката сметка за струја поради бојлерот :P :D.

Значи, да бидам краток и јасен. Вакви инвестиции се исплатат само ако има 24/7 експлоатација на системот при (скоро) фиксна потрошувачка на уредите (примерот кој го наведов погоре). Тоа е практично системот на кој работи секоја електрична централа. Се исплати, ама само ако се експлоатира секојдневно континуирано. Во секоја друга комбинација, системот ќе биде или неискористен, или преоптоварен на моменти, што може да предизвика оштетување на системот... што значи дека нешто ќе се расипа и пак мора да греете бојлер на мрежно напојување ::).

Ова се важи под услов панелите да се навистина 10 евра по парче... па еве нека се и 20. Ако е 100 евра парче, ни ова не се исплати... односно се исплати, ама исто како и во случајот кој го наведов претходно (инсталирање на ваков систем во домаќинство), ќе ти се исплати по 10 години... да врзам 2000, 3000 евра за систем кој ќе ми се исплати по 10 години, барем за мене е фрлена пара, ништо повеќе од тоа.

Вакви акумулатори се потребни за акумулирање од фотоволтаични панели, изгор скапи се!

Тоа е башка муабет... ама да инвестирам во бизнис како што наведов погоре, да, би ги земал. Најголем проблем кај тој бизнис се сметките за струја. Серверите не влечат многу струја, исто како и PC, ама континуирано влечат бидејќи мора да бидат online 24/7. Тоа е проблемот.

И со 10-тина акумулатори ќе си го решиш проблемот за оние 2, 3 часа, по стемнување и префрлување од скапа на евтина тарифа и после ќе тераш на евтина тарифа ;).

Може и болер со 2 греачи, има...

Има, ама и тие работат на струја ;D. Пак треба од некаде да ја произведеш, така ;D.
Title: Re: Помош поврзување на соларен панел со грејач од болјер
Post by: bicikle on 22.09.2020, Tuesday, 07:31:59
Ако веќе правиш таков систем, поарно да земиш еден бољер од 150-200л со 2 греачи него 2 бољери. Не дека би правел.
Па и за во куќа немаш есап. И да имаш машина за садоби и алишта шѕо ќе ја користи таа вода, пак немаш есап.
Ако користиш систем под притисок за 5-6 години ќе се наполни со вигор, ќе почне да кородира и толку од него, поправката е скоро колку системот ( ако го земиш предвид и времето. Најчесто коштаат 300-600еу.
Вториот систем е изолиран, по долготраен но почетната инвестиција е 1000-2000евра, што ти по 500 денари ако штедиш, тоа ти се 100 еу месечно, што во најдовра варијанта ќе ти се исплати после 10 години. Да сме здеави живи после 10 години.
Како идеја ок е да се размислува нобтреба да се земе предвид и исплатливоста.
Title: Re: Помош поврзување на соларен панел со грејач од болјер
Post by: GigaWatt on 22.09.2020, Tuesday, 11:15:20
Како идеја ок е да се размислува нобтреба да се земе предвид и исплатливоста.

За исплатлив, исплатлив е, но на многу многу долг рок. За 10 години не знам дали ќе живеам тука или дали ќе бидам жив... такво е времето. Така да, јас не би се одлучил на таков чекор.

А како инвестиција во некој бизнис како што спомнав погоре, да, се исплати и парите се враќаат назад за рекордно време, една година максимум.
Title: Re: Помош поврзување на соларен панел со грејач од болјер
Post by: DS on 22.09.2020, Tuesday, 21:27:19
Благодарам на сите за сугестиите во оваа проблематика :)
Title: Re: Помош поврзување на соларен панел со грејач од болјер
Post by: bicikle on 23.09.2020, Wednesday, 07:22:07
Еното е бизнис и треба да го работиш, другото е за топла вода :)
Ама да, за 10 години здрави и живи да сме.