Ултразвучно кадиче

[nikola_bb]

Дечки мислам дека и ултразвучните кади се алат во електрониката и не ја утнав темава?
Иначе јас набавив едно односно ми го донесе татко ми од некаде и нешто не е ок односно се вклучува се ама некако нема јачина и решив да го отворам и имам што да видам:


4 отпорника се ќумур црни. чаре замена? како да утврдам вредност?

Најдов шема но не се поклапаат ознаките односно кај мене тоа што е Р10 тамо е некое си Рх(друга бројка), не е битно еве ја шемата

Code: [Select]

http://jumperone.com/files/2012/02/ultrasonic-cleaner-re/CD7810_Ultrasonic_Cleaner.pdfкај мене се изгорени Р13,Р14 и Р20,Р21. Односно се ептен црни иако кога ги мерам ми даваат 21 ом. од што би можело ова да се случи и што да сменам освен нив?
Инаку кога ќе го вклучев се слушаше некое зуење карактеристично за овие уреди, но некако не ја вршеше работата како што треба затоа решив да го отворам, дали е можно поради отпорнициве да не работел со полна снага

[ggoce]

Замени ги отпорниците тие се 22ома 3вати според шемата, провери ги транзисторите BU406

[didy]

Ако од било која причина не работел осцилаторот, во тој случај имаш проток на прав напон низ намотките, загревање на бакарната жица и промена на карактеристиките на лакот, па сега ја нема таа снага на вибрирање, а претпоставувам тој дел е излиен со лак.
некој друг со друго мислење? 

[Devil]

претпоставувам чудово работи на некоја резонантна фреквенција, ама поради кој и да било х причини била нарушена, провери си ги фетовите да не се и тие счадени (не ја гледам шемата, ама претпоставувам дека се фетови) доколку си во можност, исклучи ги фетовите и мери на осцилоскоп дали идат некакви сигнали на нив

[nikola_bb]

Замени ги отпорниците тие се 22ома 3вати според шемата, провери ги транзисторите BU406

Како можам да ги проверам овие транзистори?

[GigaWatt]

Како можам да ги проверам овие транзистори?

Code: [Select]

http://www.fairchildsemi.com/ds/BU/BU406.pdf
Со унимер поставен на diode test подрачје. Од базата према емитерот и колекторот. Во една насока не треба да проведуваат, а во друга треба да проверуваат и да има пад напон од околу 0.7V. Спојот база-емитер треба да има помал пад на напон во однос на спојот база-колектор.

[nikola_bb]

А со ова hFE на унимерот неможе? И што вредност треба да даде?

Измерив со подрачје на диода и излезе дека едниот транзистор е пробиен, за среќа сабајлево купив 2.Само не ми е јасно како од 2та што ги купив може едниот да е пробиен уште немонтиран

[GigaWatt]

А со ова hFE на унимерот неможе? И што вредност треба да даде?

Па може, да. Ама дека нема секој унимер такво подрачје, а скоро сите имаат подрачје за проверка на диоди, затоа и ти го предложв тој начин.

Измерив со подрачје на диода и излезе дека едниот транзистор е пробиен, за среќа сабајлево купив 2.Само не ми е јасно како од 2та што ги купив може едниот да е пробиен уште немонтиран

Хмммм... можно е. Провери го уште еднаш, на истиот начин на кој си го проверил другиот транзистор. Ако и во двете насоки проведува (на пример, проверуваш од база кон емитер, па потоа од емитер кон база) или во двете насоки не проведува, најверојатно е неисправен. Се случува и ова, при изработка... особено ако се некои no name Кинески изработки .

[nikola_bb]

Многу можно да е кинески више се е преплавено со копии. А кажи ми со унимер со такво подрачје што би требало да добијам како вредност?

[BOBAN]

(+) Колектор-База (-) = Голем отпор, обратно околу 600
Колектор-Емитер = Голем отпор
(-) Емитер-База (+) = Голем отпор, обратно околу 600.. отприлика вака треба да биде ако е здрав.

[GigaWatt]

Многу можно да е кинески више се е преплавено со копии. А кажи ми со унимер со такво подрачје што би требало да добијам како вредност?

На diode test го ставаш унимерот и треба да добиеш „проводност“ (условно кажано) или „непроводност“ (зависи од тоа дали транзисторот е NPN или PNP) од база кон емитер и од база кон колектор. Притоа, величината која се мери е пад на напон (ако унимерот е поставен на diode test подрачје).

Мислам дека сликава ќе објасни повеќе од зборови . За PNP транзистор, мерењата треба да се обратни . Притоа, тоа што го дава како мала отпорност на аналоген мултиметар, треба да се гледа како мал пад на напон на дигитален унимер (под услов да е поставен унимерот на diode test подрачје).

[nikola_bb]

Гига те разбрав за ова измерив на тој начин и утврдив. Прашањето ми беше за со hFE
Никаде неможам да најдам 3ватни отпорници, дали можам да напраам некоја комбинација со 2ватните, дека нив ги има

[LordZi]

Ако има место, слободно стави 5-ватни.

[nikola_bb]

Нема баш место ама изгледа ќе мора да се снаоѓаме

[GigaWatt]

Гига те разбрав за ова измерив на тој начин и утврдив. Прашањето ми беше за со hFE

Да, по правило, ако е исправен, треба да појави h_fe, ако не е, најверојатно нема да јави ништо. Вредноста на h_fe ја има дадено во datasheet.