Како се вика овој тип на електрична инсталација?

[GigaWatt]

Ме интересира како се вика овој тип на електрична инсталација, ама на Македонски, на Англиски (во Америка) ја викаат knob and tube инсталација. Не знам дали има кај нас вакво нешто, затоа и прашувам :S.

[Zdravkovski]

Јас вакво нешто немам видено кај нас имаше порано нешто слично кога се поставуваа каблите дирекно на ѕид и на секои 20-25см се ставаше шелна но со појавата на пластичните каналници сето ова веќе мислам дека не се употеребува заради тоа што на еден пластичен каналник од 2м ти се потребни три типли и штафа а за истото растојание со шелни те се потребни повеќе од 15 (да не го споменувам бушењето посебно ако се работи за некој бетон или камен)па така и економски и временски не е исплатливо а плус со новиве каналници  повеќе кабли можеш да поставиш во еден а сето тоа да изгледа сепак средено.

[GigaWatt]

Да да, јасно ми е тоа, ова се антикварница инсталации и претпоставував дека вакви кај нас немало, во Америка и Европа имало, но само бидејќи они монтирале електричи инсталации уште од крајот на 19-ти век, затоа . Сепак, ми треба да знам како се викаат :S.

Ако не повеќе, барем оние ќерамичките држачи ми треба да знам како се викаат, имаат ли некое посебно име или ќерамички држачи да ги викам?

ПС: Што е и како изгледа шелна? Ако може слика?

[Goce]

Ако не повеќе, барем оние ќерамичките држачи ми треба да знам како се викаат, имаат ли некое посебно име или ќерамички држачи да ги викам?

ПС: Што е и како изгледа шелна? Ако може слика?

Тоа се керамички изолатори ги има на секоја бандера.

[didy]

тоа се порцелански изолатори, стварно е раритетна оваа инсталација, кога на овие наши краишта се почнало со инсталација, веќе постоеле Бергман- ови цевки во кои се сместени спроводниците, кои биле изолирани со импрегнирана хартија и парафинирано платно, па кога доаѓа гумата, и изолацијата се прави со гума и за цврстина од горна страна е обложена со платно парафинско, или АТГ изолација, сеуште ја има кај нас во стари куќи, се познава по тоа и што самиот бакар површински е обработен, посребрен и има бела метална боја, не е црвен како денешниот, кој не е 99% чист бакар туку има примеси на цинк, и не е со тој стандарден пресек како некогаш, пр: најдете и споредете поранешна 6-ка со денешна 6-ка поточно 5-ка 
а за името, далеку е од цевка, ова е air instalacion 

[Zdravkovski]

пр: најдете и споредете поранешна 6-ка со денешна 6-ка поточно 5-ка 

бидејќи секојдневно работам со кабли и јас ја имам приметено разликата во дебелината ама одговорот е дека иако е потанок може да ја изрджи истата струја во ампери наводно проводноста му била поголема дали е така не знам ама сигурно е така затоа што ако не е така производителите кои работат по CE и ISO стандарди инаку би ги загубиле сертификатите за кои се плаќа дебела пара за добивање .

[GigaWatt]

Благодарам на сите за одговорите, од огромна помош ми беа .

а за името, далеку е од цевка, ова е air instalacion  

Да, ама така ја викаат Американциве, еве пишете на Google knob and tube (само ова доволно е) и видете што ќе ви извади како резултат на ова . Конкретно, зборот tube се однесува на цевчињата од ткаенина, така барем ја викаат Американциве, ако е од ткаенина изолацијата на кабелот, ја викаат tube isolation, не ги измислив јас терминиве .

Ако не повеќе, барем оние ќерамичките држачи ми треба да знам како се викаат, имаат ли некое посебно име или ќерамички држачи да ги викам?

ПС: Што е и како изгледа шелна? Ако може слика?

Тоа се керамички изолатори ги има на секоја бандера.

Ова е одговор на првото или на второто прашање? Шелна е всушност популарен назив за кермички изолатор?

[Zdravkovski]

не шелна не е популарен израз за керамички изолатор. шелна е дел кој служи за прицврстување на кабел на цид при изведување на електрична инсталација врз малтер но во денешно време поретко се користи

[dejanpetrus]

еве колега еден вид на шелна само што оваа е пластична

[stefanjanevski]

Врз малтер најдобро е да се постават од оние каналите, ем повеќе кабли собира низ нив, а и имаат маска од напред и не се гледа што има внатре

[GigaWatt]

не шелна не е популарен израз за керамички изолатор. шелна е дел кој служи за прицврстување на кабел на цид при изведување на електрична инсталација врз малтер но во денешно време поретко се користи

Да да, сега ми стана јасно за кои пластични држачи станува збор, порано (старите) имаа по два шрафа од лево и десно на кабелот и се зашрафуваа за долната основа која пак се зашрафуваше за ѕидот .

Благодарам на сите за помошта, навистина корисни информации прочитав .

[Zdravkovski]

Добро е што ти се сети ама за сите оние кои не се сетија или не знаат како изгледа еве слика

[GigaWatt]

А како се нарекува овој тип на инсталација? Јас ги знам како rail power supply, а на некои места ги има напишано и како bus bars, ама не знам како ги викаат на „нашки“, можеби се нарекува „шинско напојување“ или „напојувачки шини“, ама не знам како да ги напишам :S. Не мора да биде литературно, може да биде и некој преземен израз од некој друг јазик (како на пример Германски, и онака голем дел од терминологијата ни е од таму ), само да знам како ги викаат на нашки . Најчесто се поставуваат на места кои имаат потреба од многу големи јачини на струја (фабрики, централи...).





Исто така, знае некој како се викаат оние „орманите“ (не знам како на друг начин да ги наречам, не се канали, повеќе на ормани личат ) во кои се пуштаат овој тип на инсталации? На Англиски ги викаат bus duct, ама не знам како се викаат на „нашки“ . Еве слики на што мислам .

[MarkoMK]

А како се нарекува овој тип на инсталација? Јас ги знам како rail power supply, а на некои места ги има напишано и како bus bars, ама не знам како ги викаат на „нашки“, можеби се нарекува „шинско напојување“ или „напојувачки шини“, ама не знам како да ги напишам :S. Не мора да биде литературно, може да биде и некој преземен израз од некој друг јазик (како на пример Германски, и онака голем дел од терминологијата ни е од таму ), само да знам како ги викаат на нашки . Најчесто се поставуваат на места кои имаат потреба од многу големи јачини на струја (фабрики, централи...).


Исто така, знае некој како се викаат оние „орманите“ (не знам како на друг начин да ги наречам, не се канали, повеќе на ормани личат ) во кои се пуштаат овој тип на инсталации? На Англиски ги викаат bus duct, ама не знам како се викаат на „нашки“ . Еве слики на што мислам .

Од првата и втората слика, во право си, проводниците се викаат „шини“ или „собирници“..

Додека за каналите на другите слики, незнам, немаат посебно име..
Обично овие шини се употребуваат за поблиски растојанија во самата електроенергетска постројка, така да најчесто не се заштитени во посебни канали.. (барем кај нас не сум видел Понекогаш како некаква изолација се фарбаат со мрсна боја .. (дури некои од мајсторите тврдат дека офарбана шина носи повеќе струја од неофарбана, ама ова некако ми нема логика на мене)

[GigaWatt]

Додека за каналите на другите слики, незнам, немаат посебно име..

Е имаат, на Англиски се викаат bus duct, ама не знам како се викаат на нашки :S. Јас ги крстив „ормани за напојувачки шини“, малку долго, ама мислам дека најдобро ги опишува .

Понекогаш како некаква изолација се фарбаат со мрсна боја .. (дури некои од мајсторите тврдат дека офарбана шина носи повеќе струја од неофарбана, ама ова некако ми нема логика на мене)

До некаде има логика, особено ако се обоени со мат црна боја (не мора да е мат, ама да е црна). Полесно се одведува топлината и автоматски повеќе струја може да проведат .