Иако ова не е нешто многу интересно за поширокиот аудиториум, сепак решив да го документирам овој (делумно успешен) обид да се поправи еден типичен проблем кој се јавува кај овие синтисајзери.
Имено, во секој ваков синтисајзер има по шест custom направени VCF/VCA Voice Chip интегралци со ознака 80017A, хибридни кола направени на керамичка плочка и потоа залиени во некаква пластика или смола. Проблемот е што таа пластика со тек на време станува проводна и предизвикува откажување на чипот (или повеќе чипови), по што едино чаре е замена. Ова е чест проблем и порано или покасно ќе се јави кај сите вакви чипови. Бидејќи веќе не се произведуваат, единствен извор е од стари и растурени машини, но цената на ибеј не им е баш мала. Затоа луѓето пробале разни начини да се оживее чипот, па така на интернет може да се најде решение во вид на потопување на чипот во ацетон 48 часа за да оменкне пластиката и да може да се отстрани (излупи) по што има шанса чипот да проработи. Иначе во нашиот случај дефектен беше еден (вториот) чип.
Ова е нашиот пациент:
Вака изгледа под хаубата:
Напојувачкиот дел, чисто аналоген, без SMPS и сл:
Да не биде се аналогно, има и малце дигиталија:
Ова е плочата со чипот што не интересира, вториот voice чип е означен е со стрелка:
Вадењето е најлесно да се направи со дувалка на топол воздух, бидејќи падовите му се релативно мали и може да се оштетат од превише греење со леткум. По желба на муштеријата на местото на чипот ставивме подножје, за евентуално пробување и замена подоцна:
Иначе вака изгледа самиот чип (сликата е од нет, заборавив да го сликам после вадење):
Еве го нашиот на бањање во тегла со ацетон:
После 48 часа во ацетон и чистење на пластиката, чипот изгледа вака:
Го вративме назад, но за жал не проработи, можно е од проводната пластика да настрадал некој од интегралците. По желба на муштеријата, го извадив шестиот чип и го ставив на место на вториот, со што доби барем пет полифони по ред, без шестиот, не е она на што надевавме, но е сепак подобро од претходно, а во меѓувреме ќе биде нарачан заменски чип.
Шестката од овде...
...дојде овде, на место на двојката:
Засега е тоа, извадениот чип ќе оди уште некое време во теглата со ацетон, за да може под лупа убаво да се отстранат и последните траги од пластиката заглевени помеѓу пиновите од интегралците, да не прават евентуално сеуште некој спој, ако не проработи и после ова ќе оди друг на негово место...