Подобро врзи отпорник наместо диодата (ако нема да му пречи на сопственикот да има мал дел од екранот кој нема да биде баш најдобро осветлен... ќе се познава дека таму фали нешто
). Вредноста ќе треба експериментално да ја одредиш (јас барем така би постапил). Наједноставно е ако врзеш некој малку помоќен реостат (да може да издржи барем 500mA струја низ него) наместо диодата и би врзал два strip-а за напојувањето, исправен и неисправен. Реостатот стави го во минимална позција (0R). Врти го реостатот додека не добиеш приближно исто осветлување и на двата strip-а. Извади го ресотатот и измери ја вредноста на отпорноста меѓу неговите краеви. Толкав отпорник треба да ставиш на местото на диодата
.
Не дека не те советувам да ја гасиш заштитата, но во конкретниов случај, мислам дека тоа не е добра опција. Гасење на заштита се прави само во случаи кога не можеме да откриеме што е точно проблемот со заднинското осветлување или едноставно, чипот почнал да реагира на понизок threshold (најверојатно проблем е некоја од компонентите околу контролерот, но која... ај иди дознај ако се е изведено во SMD технологија
) и знаеме дека всушност не е пролемот во осветлувањето, туку нешто околу заштитата. Во конкретниов случај, не е таква ситуацијата. Заднинското осветлување си има проблем, има изгорена диода, па реагира заштитата.
Генерално земено, ако не му пречи на соптственикот, може да ставиш скоро било каква bright white LED, само провери струјата низ неа да не е помала од струјата која тече низ strip-от (претпоставувам дека сите диоди на strip-от се врзани во серија... има и strip-ови кај кои сите се врзани во паралела, ова е доста честа ситуција кај LCD мониторите, или пак комбинирана врска сериско-паралелна, што понекогаш се користи кај телевизорите, поретко кај LCD мониторите), бидејќи ако е помала, ќе ја изгориш диодата
. Е сега, како да провериш колкава е струјата низ диодата... повторно експериментално. Земи стабилизиран извор за напојување, стави го да дава некој напон (на пример, 12V) и со помош на некој софтвер (линк подолу
), пресметај вредност на отпорник кој треба да се врзе во серија со диодата. Пробај да ја намалуваш таа вредност (на пример, ако ти пресметал вредност од 47R, пробај да ставиш 33R или 27R), мери ја струјата низ диодата и остави ја така пуштена да работи 2, 3 часа. Види како се однесува (дали многу грее, итн.), допри ја, ако не грее многу, види која е вредноста на струјата низ неа и види дали е помала од струјата низ еден исправен strip. Ако е поголема или тука нека (скоро еднаква) колку струјата низ еден strip, стави ја неа
.
Е сега, ако е од ние испакнатине bright white LED (како што имаа запалките) и нема како да се монтира дифузерот на неа...
... tough luck... пробај како знаеш и умееш да го монтираш некако да стои на неа (супер лепак... било што), ако не успееш, ништо тоа е тоа... ќе си стои една посветла точка на екранот кога ќе монтираш назад на кадата и така ќе си работи
.
Пак ќе кажам, сите овие решенија се крпења и се прават само ако муштеријата се сложи на нешто вакво. Во случај да не се сложи, ќе мораш да најдеш подобро решение.
Ако имаш на располагање некоја расипана LED сијалица, може да пробаш и со диоди од неа
. Тешки се за вадење, но има туториали на YouTube, се вадат со пегла
. Само провери им го поларитетот и дали се исправни, ако одговара поларитетот, слободно директно замени ја, дури и ако димензиите се малку помали или поголеми
. Тие сите се наменети за поголеми струи, би требало да работи без поголем проблем
. И не му ја мисли премногу ако не е баш погодена температурата на бојата на диодата, не е премногу голем проблем, скоро незабележително ќе биде тоа во крајниот резултат, само гледај да го наместиш дифузерот колку-толку како што треба
.
Линк до софтверот:
http://elektronika.mk/index.php?topic=576.0
А не е лошо и да ја ѕирнеш оваа тема. Не е поврзана конкретно со LED осветлување на телевизори, но се разви добра дискусија околу LED осветлување, менување на LED диоди од сијалица, пресметки на отпорници, струја низ LED диоди, итн.
.
http://elektronika.mk/index.php?topic=14482.0
А, и да не заборавам, како за крај
. Откако се ќе направиш и склопиш,
ЗАДОЛЖИТЕЛНО постави го заднинското осветлување на Мedium (50%, како и да се подесува во софтверот) и задолжително посочи му на муштеријата да не го става на појако од Medium. Изгорени LED се најчеста ситуација кај LCD телевозорите со LED заднинско осветлување.
Исто така, ако случајно имаш програматор, ќе може да го исчиташ софтверот и да го ставиш тука на форумов
?