Денес агенцијата за електронски комуникации врз основа на Законот за електронски комуникации и во согласност со планот за доделување и користење на радиофреквенции во Република Македонија објави Јавен повик за доставување на барања за издавања на одобрение за користење на радиофреквенции во опсег 790-862 МХз или популарно кажано 4Г.
„АЕК објави јавен повик за доделување на фреквенции за нудење услуги на четвртата генерација мобилна телефонија (4Г). Станува збор за меѓународен повик кој ќе го објавиме и во меѓународни медиуми така да очекуваме интерес не само од страна на домашни компании туку и други странски компании како што се Водафон, Теленор и други големи оператори кои во моментов не се присутни на македонскиот пазар. Сакаме да бидеме технолошки развиена држава согласно западноевропските. Тоа е техника која доаѓа, со нова мрежа. Тоа е во контекст на комплетната дигитализација која се одвива во Македонија, а треба да заврши на 1 јуни 2013 година, По тој датум, ќе имаме мобилни оператори кои ќе работат со 4 Г технологија и телевизи кои ќе функционираат апсолутно на дигитална платформа“, изјави Роберт Орданоски, директор на АЕК.
Се очекува мобилните оператори да почнат да работат на оваа напредна мрежа која е нов стандард и на светско ниво и овозможува многу побрз пристап до интернет.
Заинтересираните страни треба да достават барање за издавање на одобрение, извештај за билансот на состојба и успех или ревизорски извештај издаден од страна на реномирана ревизорска куќа, барањето треба да се достави на адреса на АЕК.
извор од превземената новост:
http://www.netpress.com.mk/mk/vest.asp?id=93174&kategorija=1