Изведба на миксета со 14 канали

[GigaWatt]

Исто така на еден од каналите ќе има 2 MIDI влезови за да можам да пишувам музика со миди ноти.

Многу ме интересира како ова ќе го изведеш.

А дали може миксетата да се направи да има 2 излеза, еден USB излез, и еден XLR излез(само еден ќе биде приклучен)? Ако може дали можи да ми кажите како е за со USB? Фала однапред
Стефан

Друже, очигледно немаш доволно големо искуство. Послушај го batka, ако ти е само за снимање, купи си половна, во право е, сега има прилично голем избор .

А да не зборуваме дека веќе има DAW USB картици по прифатливи цени, кои, во принцип се цели миксети.

-Да му помогнам на колегата со миксерот-ако сакаш да приклучиш флеш меморија односно усб побарај на ebay имаш такви за вградување во кутија,усб читачи по доста солидни цени еве

Не сум чул, така да, не можам да коментирам, но чисто се сомневам во квалитетот на звукот. Имаш datasheet од SOC-от на MP3 плеерот?

[batka]

Тоа се решава на излез со екстерна звучна карта во вид на усб стик,околу 500 денари е /со 3,5 мм стерео џек на влез за микрофонот.Но. стави и посебен трафо 1:1 за раздвојување на масите. Како што реков не е толку едноставно,како миксер за обично озвучување.
Споено мислење: 26.10.2015, Monday, 13:40:11За 5000 денари се наоѓа звучна екстерна ,4 канална со можност за миди приклучок,па со едноставен додатен миксер може чуда да  прави,размисли.

[Lantash]

КилоВолт разбрал точно, сакам миксетата да има излез за да можам дирекно со USB кабел да го уклучам во компјутер

[KiloVolt]

Јас лично имам пробано од тие екстерни USB звучни картички, 540 ја зедов, тотално ме разочара, кога слушам 320kbps MP3 исто како да слушам 100kbps MP3. А за тие екстерните со MIDI влез што ги спомнува батка неможам да коментирам.
Споено мислење: 26.10.2015, Monday, 20:27:02А конкретно дали вреди работава, ако стварно ти требаат 14 канали вреди, ако ти требаат 6 негде, подобро е на старо. Ти процени. А ако ти е за да направиш нешто добро, за себе и со љубов, само напред.

[batka]

КилоВолт разбрал точно, сакам миксетата да има излез за да можам дирекно со USB кабел да го уклучам во компјутер

Цитирам: Миксетата ќе има 14 моно канали со xlr и 3.5мм влезови за секој канал, ќе има EQ и контрола за јачина на звукот. Ќе има и уште еден канал кој ќе биде стерео и ќе ги контролира сите канали заедно. Многу делови имам дома па нема да ме кошта толку многу, а не купувам миксета половна зашто ги нема сите карактеристики што ми требаат…Исто така на еден од каналите ќе има 2 MIDI влезови за да можам да пишувам музика со миди ноти.

Не cум сретнал миксета која има XLR  и 3,5 мм влезови за секој канал.Такво нешто немам видено.И нема миксер со канал кој ке ги контролира сите други канали – тоа е работа на мастерите.Исто така немам сретнато миксета од разгласен тип со MIDI влезови и комбинирани аналогни и дигитални излези - и сето тоа за 5000 денари ! И миди ноти не постојат.Постојат миди влезови и излези, а нотите си се музички елементи.

Малку ти се појмовите измешани ,ама да резимирам - 14  канала  миксер  + оние други додатоци кои ги сакаш могукратно ке ги надминат парите кои ги имаш.Затоа велам - најди екстерна звучна со барем два влеза и еден аналоген миксер + Кјубис и ке можеш и демо снимки да правиш.Во спротивно самоградба не верувам за тие пари да направиш.Објективно.

[Lantash]

Користам Cubase 8 Pro во моментов и имам направено повеќе песни со миксетата во Cubase но сакам да имам надворешна миксета. Еве доказ дека миди ноти постојат, но сепак сфаќам што сакаш да кажиш:



За стерео каналот што спомнав, мислев мастер каналот. Јас имам пријател со миксета со миди влезови а има и XLR i 6.35mm vlezovi na koi ima adapteri za 3.5mm и сакам и во мојата да има. За парите, треба само да купам потенциометри со лизгачи, XLR џекови(женски), 3.5mm џекови, MIDI влезови, сите други делови што ги има во шемите ги имам освен едно интегрално коло што ќе го заменувам.

[batka]

Тоа не се МИДИ ноти,ами нотите се прикажани со фреквенциите која ја има секоја нота.Секоја нота има своја звучна фреквенција.Ако пишуваш музика не ги пишуваш фреквенциите на нотите ами нотните симболи.За останатото мислам дека се ти напишав.Прочитај ги  добро постовите што сите ти ги пишаа,не само јас ,па одлучи што сакаш.Ако си од Скопје прошетај до Артист,Мими,Зец,ДоРеМи и види барем што се нуди.Ако пак конкретно бараш шеми,пиши освен клип-от што ти треба.

[Lantash]

Јас ги разгледав сите миксети од тие продавници но сите се или многу скапи или се со малку канали. А јас и сакам да ја правам миксетата зашто ми е интересен проект а и ќе ми користи. Ке ми требаат и некои други шеми но не сега засега.

[batka]

Јас лично имам Focusrite Saffire Pro 14 + Alto S12 и користам Кјубис 5 ( лиценциран), со  куп плагин-и  и сум задоволен.Цената  им е околу 300ЕУ. Може да се направи во домашни услови се што сакаш со нив.Да правам такво нешто во аматерски услови не ни помислувам. Во секој случај,ако имаш желба, пробај.

[GigaWatt]

КилоВолт разбрал точно, сакам миксетата да има излез за да можам дирекно со USB кабел да го уклучам во компјутер

Ти сакаш да направиш USB звучна картичка/миксер .

Ај малку реално да гледаме, ова е... горе долу, невозможно во аматерски услови. Барем не за квалитетот на звук кој сакаш да го постигнеш (студиски).

Еве доказ дека миди ноти постојат, но сепак сфаќам што сакаш да кажиш: ...

Друже, бркаш поими. Нота е нота, а како ќе се презентира нотата, односно како ќе биде означена е веќе сосема друга работа. Ако сакам, јас може да ги означам и со алфа, бета, гама, делта... како сакам може да ги означам и паузите и 1/2 и 1/4 и 1/8... тоа е се договор, дали ќе бидат прикажани/напишани вака или онака.

Значи, да се разбереме кратко и јасно, MIDI ноти нема. Има MIDI репрезентација на нотите, ама не постојат некакви си посебни „MIDI ноти“ .

Јас ги разгледав сите миксети од тие продавници но сите се или многу скапи или се со малку канали. А јас и сакам да ја правам миксетата зашто ми е интересен проект а и ќе ми користи. Ке ми требаат и некои други шеми но не сега засега.

Реално, побарувањето кое го имаш опишано, моментално спаѓа во домен на научна фантастика. Прво, за реализација на ваков проект, како што имаш опишано (USB, MIDI, аналогни влезови, A/D и D/A конверзија) потребно е многу време, второ, многу знаење, трето, многу пари и четврто, никој нема шема за вакво нешто. Ако користиш посебни модули за дел од компонентите на миксетата (конкретно USB и MIDI), можеби нешто и може да се направи, но не верувам дека ќе бидеш задоволен со квалитетот на звукот кој ќе го репродуцира овој дел од миксетата... особено не ако набавуваш Кинески модули од ebay. USB аудио картиците имаат generic драјвери, а ако успееш преку ASIO4ALL некако да направиш ASIO линк со картицата, кој знае тоа како ќе изгледа и звучи . А, да бидеме реални, никој не работи професионално, ниту пак полупрофесионално (барем не под Windows) без картица која нема ASIO драјвери. Ако планираш да ја тераш картицата со generic драјвер, си играш играчки.

Значи, ако ти треба за снимање и професионална/полупрофесионална продукција, подобро чувај пари и фрли ги на нешто така... по саглам. Се знае, никој кој планира сериозно да се бави со ова, не се бафта со домашно правени миксети, па кинески USB картички, па MIDI конвертори со кој знае каков кинески чип на нив . Си има професионални уреди за оваа намена. А ако сакаш да си играш продукција, слободно фрли се на правење на миксетава.

Советов е чисто добронамерен, за да не се разочараш. Тоа што сакаш да го изработиш, најчесто го мислат и работат тим на инженери, не еден човек.

Пиши на Google "usb audio interface mixer", да видиш што се ќе ти извади. Цените се далеку од прескапи .

[KiloVolt]

Вака, само миксета е екстремно лесно за правење.
Ама после ги имаме другите опции, како:
- EQ
- VU meter/клип детектор
- MIDI влез
- USB интерфејс
Последните две го прават проблемот.
За MIDI влез, најдобро е да си најдеш некој посебен MIDI-to-USB интерфејс, затоа што за MIDI не ти треба миксета, не е возможно да се применат контролите што ги применуваш на другите аудио влезови. Добро, некои се применливи ама со многу додатни модификации а и скапо ќе те фати.

Краток одговор, без MIDI влез и USB интерфејс е изводливо и може да се добие добар квалитет. Со нив, не сум баш сигурен дали е изводливо без жртва во квалитетот.

[batka]

Да резимираме:  иако не би сакал да прорекувам,ама изгледа и овој пост ке заврши * без завршница*. Но,мислам  дека морам како Модератор да дадам експлицитен одговор  на сите поставени  реални барања и одговори.Мило ми е што сите постари членови едногласно застанавте зад еден и единствено  исправен став – реално му докажавме  на новиов член дека неговите барања ги преминуваат  можностите за самоградба. Можеби некој стои на ставот дека – се може да се направи,но да напоменам дека самоградбата ниту естетски,а ниту  ни квалитетно може да спои аналоген и дигитален сигнал на ниво кое би го нарекле *(полу)професионална изведба*.Видовме во постовите зошто е така,а понатамошно докажување би било само *удар во ѕид*.Ке повторам дека електрониката денес  е многу напредната и евтина ( за нас не знам дали е толку евтина!),па ни во светски рамки не гледам некој да се зафаќа со правење на дигитални ( или некоја комбинација Д/А)уреди ,кога може лесно да ги набави на и-беј или друг   референтен извор.Значи колега,нереално е за 5000 денари да направиш миксета со 14 канали и карактеристики кои ги посакуваш.Сето тоа теоретски изгледа лесно остварливо,ама во пракса  тоа не е баш така.Да не помислиш дека сме спремни само да критикуваме на Форумов – сакаме да помогнеме секому,ама со реално остварливи барања.Доколку мислиш дека грешиме,докажи ни со финален проект кој е функционален  и како таков представи го на Форумов.

[Zan]

14 канали по 5 потенциометри = 70 потенциометри
70 потенциометри по 100 денари = 7000 денари

 

[batka]

Не рачунај така,членот рече дека има  некој материјал дома,па не  знаеме дали 3 или 30 потенциометри ке купи.Но ,друг пример - да речеме - еден миди кабел in midi/out midi to USB port чини отприлика 50ЕУ.Од искуство пример јас врзувам аналоген миксер на екстерна звучна и снимам на РС со Кјубисот.Софтверот има можност за наснимување,доснимување и обработка на сигналите на поедините инструменти и вокали.Јас никогаш се сум употребил повеќе од 4-5 канали за еден инструмент,макар тоа бил  и голем комплет тапани.Значи,мајсторијата е не во тоа да употребиш максимално 12 канала,ами снимените сигнали квалитетно да ги споиш ,спрема замислата.Со екстерна звучна од 100 ЕУ и барем 6 канален аудио миксер кој чини околу 200 ЕУ може да се направи домашно демо студио и да се прават квалитетни снимки.Останува уште 300-400 ЕУ за добра РС машина со барем I 5 процесор 8 Гб РАМ итн. Остатокот би бил : неколку микрофона,сталки,евентуално сет за тапани,клавијатура .... Се на се  инвестицијата би била некои 1000 ЕУ.Е,сега колку пари -толку музика,Тоа е минимумот,а се под таа цифра не поминува.Во музиката може да си одличен пример гитариста,ама ако немаш добра гитара,појачувач,неколку ефекти на педалата,бадијата ти е талентот.Не можеш на метла да свириш и да си добар!! И во случајов е така - еден добар шибер е некаде 300 денари,а само копчето за него е доплнително 1 ЕУ.А колку е цената на еден XLR конектор?? Да не ви кажувам...

[Lantash]

Zan, не ми требаат по 5 потенциометри на секој канал зашто ќе има само 3 за EQ и еден со слајдер за јачина на звук, и друго треба само 14 со слајдер да купам и XLR конектори другото се имам.

Batka, јас имам добра клавијатура, имам добра гитара и појачало, на компјутер имам Inter Core i7-4790k, 16 gb ram, Nvidia Geforce GTX980 иако не ми е потребна за аудио продукција, исто така се занимавам со моделирање и правам игри. Имам 3 микрофони но ќе купувам уште зашто ми се потребни. Тапани не купувам сега засега зашто ги снимам кај еден пријател. А сега да ти кажам за јас како снимам за каналите. На 2 канали имам ритам гитари што ги прави по-полни да звучат. На друг канал снимам соло гитара, потоа пет канал за тапани, еден за бас гитара, еден за вокали, еден за виолина, и еден за хор, зашто јас снимам Power, Viking, Speed Metal и ми требаат сите за да звучи така како што сакам. Па затоа и сакам миксета со повеке канали. Сега ке купувам и екстерна звучна карта ама незнам каква точно па ако знаеш некоја дали може да ми препорачаш? А за Midi-to-USB вујко ми има и не го користи ама сакав да биди вграден во миксетата ама ако велите сите дека неможи тогаш неправам.