Мислам дека името на темата не е баш најдекватно, но ти си знаеш. Колку што сватив, зборуваме за општа дигитализација на аналогни снимки, а не стриктно за од VHS на DVD.
Ова може да биде многу долга или многу кратка дискусија. Се зависи колку пари си спремен да фрлиш. Има многу добри картици кои имаат одлични capture перформанси, но најчесто се многу скапи. Секое решение од 10, 20 долари е под знак прашалник. Можно е capture чипот да е добар, можно е да е лош... нема правило.
Генерално земено, дали е добра или не capture картицата, без разлика дали е на USB, Firewire или интерна, се гледа како ќе се снајде со оштетена лента (таканаречени „дропсови“, џвакана лента, лепена лента, итн.). Ако закочи или почне да генерира „стоп кадар“ кога ќе изгуби синхронизација (бидејќи, тоа всушност се случува кога лентата е оштетена, се губи синхронизација, оди сигнал, ама не знае што е), не ја бива. Повеќето евтини картици кои се на USB го имаат овој проблем. Имам пробано со две со различни чипови на USB, не ги бива.
Имам добро искуство со старите FM/TV картици. Повеќето од нив го користеа SAA7130HL како capture чип. Имам пробано со две различни картици на PCI со овој чип, искепчаниот сигнал беше прилично солиден по квалитет
. Најважно беше тоа што не кочеа кога ќе дојдеше оштетен дел од лента, што е многу честа ситуација кај домашните снимки на VHS
. Баш чувам дома една од нив, за секој случај
.
Од друга страна, имам работено и со многу скапи capture картици, Matrox, DeckLink, AJA. Не можеш овие FM/TV картици од 1000, 2000 денари да ги споредиш со картица од 1000 евра, квалитетот на сигналот е неспоредлив и, се разбира, ниедна од овие картици не „кркља“ на оштетена лента. Но, колку ќе платиш, толку ќе клатиш.
Можеш да најдеш стари Matrox и DeckLink Blackmagic картици на ebay, користени, за кои нема x64 драјвери, за релативно ниска цена (30, 40, 50 евра). Ќе кепчаш на x86 машина, па потоа, по потреба, материјалот ќе го обаботуваш или експортираш на друга машина. Знам, ова е гњавење, ама ако немаш пари да си купиш ваква нова картица, друг избор немаш :S.
Има и понови модели од овие картици, за кои има x64 драјвери, кои исто така може да се најдат online на старо, а ги продаваат бидејќи немаат, на пример, 4K поддршка или не кепчаат од HDMI, но се разбира, поскапи се во однос на овие само со x86 драјвери (центе им се движат од 100 до 200, 300 евра, зависи што картица ќе начекаш и кои опции ги има).
Околу обработката во HD, има plugin-и за NLE софтвери, како Premiere, кои имаат вакви опции. И самиот Premiere може да прави ваква обработка, но само заматува пиксели, ништо друго. Некои од овие plugin-и имаат прилично добра „регенерација“ на материјалот во HD.
Генерално земено, не можеш да направиш HD од SD. Може само да го „нашминкаш“ многу добро искепчаниот материјал, ништо повеќе од тоа.
А ако зборуваш чисто само за upsampling, тоа лесно се прави при експорт на искепчаниот материјал. NLE едиторот ќе си го експортира како HD, ќе си додаде пиксели, ќе си замати кај што треба и ете ти "HD" снимка
.