Македонски форум за електроника

Стручна литература => Туторијали => Topic started by: GigaWatt on 07.04.2018, Saturday, 02:52:38

Title: Како да ги направите кулерите да ви траат вечно!
Post by: GigaWatt on 07.04.2018, Saturday, 02:52:38
До овој начин на преправка/поправка на кулери стигнав после многу експериментирање со најразлични методи. Ова е дефинитивно најдобриот начин и кулерите навистина траат вечно 8)! До сега, на овој начин имам преправено преку 50-тина кулери, повеќето од нив работат нон стоп (24/7) скоро 2 години без да откаже ниеден ;). И не само што вака може да поправите закрчени кулери, туку може и пролупани (со изедени пиксни) да ги направите како нови, без да бучат, тропаат или нешто слично ;). И најважно, ова не е привремено решение, најчесто е трајно, а дури и да не е, ќе трае многу, многу долго. Ако и по оваа преправка, пак се зезне нешто кај кулерот, значи му нема спас ;D, фрлајте во ѓубре ;). Така да, не се секирајте, начинов на преправка е 100% проверен, гарантирам за тоа ;) ;D.

Ајде, да почнеме ;). Прво, ни треба некое заморче. Еве едно на сликата подолу.

(http://www.mediafire.com/convkey/84a2/63q68wpb8p8tjgazg.jpg)

Немирно било ова, бербат се направило ;D, ај малку да го зачистиме ;). Јас обично ги чистам со влажни марамчиња или евентуално некое крпче потопено со 70%-ен алкохол... а може и исушено влажно марамче потопено со 70%-ен алкохол, како сакате ;D.

(http://www.mediafire.com/convkey/4723/c4xhschccy45zytzg.jpg)

Ајде сега да го расклопиме и спремиме за операција ;).

(http://www.mediafire.com/convkey/6f6e/s62cfby2f0gbfn6zg.jpg)

(http://www.mediafire.com/convkey/6d7a/30wggpah0zi1blzzg.jpg)

Аиии, ова требало уште малку да се зачисти :).

(http://www.mediafire.com/convkey/dfa1/xsxb19r51t7ljuwzg.jpg)

(http://www.mediafire.com/convkey/ebbb/27tudh1mu0zir3ezg.jpg)

Ете така, сега и пиксничката му е чиста ;) ;D.

Важно е пиксната убаво да биде исчистена. Чистете ја како знаете и умеете ;D. Јас обично ги чистам со валканите влажни марамчиња што останале од чистењето на кулерот, ги намотувам на врвче од тенок шрафциер или нешто слично и собирам што е останато од коломаста (кај закрчените, најчесто сува ::)), а на местата на кои не може убаво да дофати марамчето, користам ваква игла (http://elektronika-mk.net/index.php?topic=13421.msg116169#msg116169) и потоа ја бришам од влажното марамче ;). Внатрешноста на пискната ја чистам со протнување на влажното марамче низ пиксната и како што прави Том од „Том и Џери“ кога си ги чисти ушите ;D, лево десно со влажното марамче низ пиксната ;).

Е сега, да прејдеме на главното. Откако убаво ќе ја исчистите пиксната, од страната на кулерот (не од долната страна, каде што е капачето за пластичниот осигурувач) ставате... па, така... поголема количина коломаст. Не е важна бојата, зелена, кафена, бела, било каква ќе заврши работа ;). Важно е да има мноооогу ;D. Нанесувате со тенко шрафцигерче ;).

(http://www.mediafire.com/convkey/61c1/7t4dggh9oz7fi6kzg.jpg)

Потоа ја протнувате перката од кулерот со оската низ пиксната и од другата страна ќе излезе малку коломаст.Оваа треба да ја остраните. Лесно се вади со некоја пинцета или нешто слично ;). Се разбира, потоа ја бришете пинцетата со валканите влажни марамчиња ;D.

(http://www.mediafire.com/convkey/f1be/6qvuwaov09l2zh7zg.jpg)

Е сега, време е да ја вратиме амортизационата гумичка и пластичниот осигурувач назад на оската на кулерот ;). Во конкретниов пример, имаме и пластичен дистанцер под пластичниот осигурувач, но повеќето немаат. Некои немаат ни амортизациона гумичка, имаат само пластичен осигурувач ;D. Која и да е комбинацијата, враќате се назад по обратен редослед од оној кој сте ги извадиле ;). Вадењето и враќањето на пластичниот осигурувач е најпроблематично, знам :S, може да летне, да се изгуби :S... затоа и за вадење и за ставање ја користам онаа иглата од линкот погоре во post-от и пинцета во комбинација со неа. Со иглата го проширувам осигурувачот или го придржувам кога го буткам осигурувачот надолу (бидејќи е остра иглата, се заринкува во пластиката и не дозволува да се лизга/бега осигурувачот), а со пинцетата го буткам осигурувачот надолу ;).

(http://www.mediafire.com/convkey/2ebb/zaynw4ldt34frdxzg.jpg)

Е сега, од оваа страна, од страната на пластичниот осигурувач, со шприц и игла вбризгуваме моторно масло ;). Било какво ќе заврши работа, дури и старо/менувано ;D. Ова што го ставам мислам дека е двотактол ;D, ама не сум сигурен бидејќи одамна го пукнав оригиналното пластично шише и сега ми стои во тегла ;D ;D ;D.

(http://www.mediafire.com/convkey/37c6/fqozntdolemlqvnzg.jpg)

(http://www.mediafire.com/convkey/f0fa/fd1ugp3bymf4dc2zg.jpg)

Треба да има поголема количина и од моторното масло. Колку? Па... дискутабилно е ова. Од прилика, колку да се пополни целиот слободен простор во пластичното лежиште на пиксната, но да не претече откако ќе се стави пластичното капаче. Ова е многу важно. Ако ви претече откако ќе се стави пластичното капаче (некогаш е и гумено), задолжително извадите малку од моторното масло. Јас обично со вишокот го натопувам валканото влажно марамче ;D. Ако мислите дека многу сте одземале, пак додадете малку ;).

На крајот, се става пластичното (гуменото) капаче и целата конструкција се залива со течна пластика (пластични патрони) ;).

(http://www.mediafire.com/convkey/5e85/h155wczcnh5h39nzg.jpg)

(http://www.mediafire.com/convkey/9f6f/5znl40ipcs4fiwhzg.jpg)

(http://www.mediafire.com/convkey/f8ec/aqeg2ck5fbipsbdzg.jpg)

Како што се гледа, пластиката ја топам и разнесувам со леткум и верувајте, ова најдобро се работи со леткум. Во принцип, јас и онака оваа пластика ја топам скоро исклучиво со леткум или со SMD лемна станица, никогаш не користам пиштол, но дури и ако користите, во конкретната ситуација нема да функционира. Важно е да се постигне добра кохезија (спојување, стега) меѓу пластиката од кулерот и пластиката од пластичните патрони, а ова не може да се постигне само со пиштол за пластични патрони. Можете да нанесете пластика со пиштол за пластични патрони, но не и да ја оставите пластичната маса онака како што сте ја нанеле. Важно е убаво (рамномерно) да ја распределите на сите страни околу пластичната/гумената затка. Пожелно е ова да се прави на прилично висока температура (јас работам на температура од околу 400 степени). Исто така, важно е маслото да не претече при нанесувањето на пластиката. Можно е да се случи да претече бидејќи поради повисоката температура, се околу маслото и самото масло се шири, па се намалува волуменот во лежиштето во кое стои и претекува низ пластичната/гумената затка. Затоа е важно добро да се дозира колку масло се става во лежиштето на пиксната. На почетокот, првите неколку кулери, најверојатно ќе згрешите, но потоа ќе стекнете искуство, колку е доста ;). Во случај да истече масло од затката, терате и понатаму, не прекинувате со нанесувањето и распределувањето на пластиката низ површината на затката и чекате да се олади пластиката. Откако ќе се олади, очигледно е кои места се проблематични (ќе се познаваат како дупчиња низ кои истекло малку масло) и овие дупчиња мора да ги затнете (ајде пак со течната пластикааа ;D).

А да, и како за крен совет, ова задолжително да го правите во добро проветреана просторија. Течната пластика многу мириса кога се топи со леткум, а освен тоа, ако моторното масло ви истече преку затката, и тоа доѓа во контакт со леткумот и смрди, труе ;D. Ќе се испогушите ако работите во непроветреана просторија (проверено ;D ;D ;D).

И еве како изгледа течната пластика откако целосно ќе се нанесе и распредели на површината од кулерот но додека уште е жешка ;).

(http://www.mediafire.com/convkey/13dd/sm8grh3y0w0ww0gzg.jpg)

На едно место се гледа дека има мало воздушно балонче. И ова исто така треба да го елиминирате. Јас откако ја направив сликата, го пукнав со леткумот (додека уште беше топла пластиката, се разбира ;)). Овие балончиња претставуваат потенцијални џебови и можно е преку нив да си најде маслото пат надвор од лежиштето во кое треба да биде, па затоа, подобро е навремено да ги елиминирате, пред да станат проблематични ;).

И еве како изгледа дополнителната пластична затка откако пластиката ќе се олади;).

(http://www.mediafire.com/convkey/d07e/eakq8zn14vhssoazg.jpg)

Се гледа дека има и едно мало возушно балонче на средина од дополнителниот пластичен чеп, но ова балонче најверојатно нема да направи проблем бидејќи не се наоѓа на спојката измеѓу пластичното капаче и кулерот, како во претходниот случај... а и се гледа дека не е толку големо како претходното ;).

Ако случајно забележите дека имате вакви балончиња по ладењето на пластиката, слободно пак загрејте ја пластиката со леткум и елиминирајте ги ;).

А еве го и кулерот во акција :D.

(http://www.mediafire.com/convkey/7ae4/12jnpmiqdpyi1plzg.jpg)

Верувајте, ќе си ги препородите кулерите со оваа преправка ;). Најверојатно ќе работат и подобро од денот кога сте ги купиле ;). Нема никогаш повеќе да чуете бучење, брмчење, лупање, тропање, итн. ;).

Со среќа во преправките ;).



Мал update на темава. Подобро е да се направи мешавина од моторно масло и коломаст за внатрешниот дел од кулерот (каде што се става пластичниот осигурувач) за клуери на места каде што нема кулерите да работат нон-стоп (класично desktop PC), а на места каде што ќе работат нон-стоп (сервери), да се стави само коломаст. Коломаста е тврда кога не е загреана, така да, потешко ќе почне кулерот да врти од ладна (неразработена) позиција ако има само коломаст, но откако ќе се загрее, коломаста омекнува и практично има многу слична вискозност како и моторното масло. Затоа подобро е да се стави само коломаст во кулери наменети за сервери (бидејќи практично и не се гасат, така да, отпорот од коломаста што кулерот ќе го осети на почетокот, брзо ќе помине поради загревањето на кулерот и пиксната), но од друга страна, ако во кулер за desktop PC се стави само коломаст, тој отпор ќе го осеќа кулерот при секое вклучување во работа на PC-то.

Комбинацијата не е критична, т.е. не грешно да се стави и комбинација на масло и коломаст, и само коломаст и во едната и во другата ситуација (desktop PC и сервер), но поентата е да се продолжи векот на кулерот, како и временскиот интервал на кој ќе треба да се подмачкува, нели ;).
Title: Re: Како да ги направите кулерите да ви траат вечно!
Post by: LordZi on 07.04.2018, Saturday, 10:12:51
Добар туторијал... ;)
Иначе како се однесува маста на подолг рок, пошто доста ја има количински, нема да се растече насекаде кога ќе се загрее кулерот?
Title: Re: Како да ги направите кулерите да ви траат вечно!
Post by: GigaWatt on 07.04.2018, Saturday, 10:51:03
Не, нема никаков проблем ;). Не се растекува, не лета никаде бидејќи се загрева само пиксната, а се друго околу маста ротира и, сакал нејќел, ја лади, така да, ништо не тече. Тече ако ова истово го направиш и на двете страни со моторно масло. Имав и така пробувано, веќе кажав дека експериментирав некое време пред да ја откријам оваа „формула“ ;D, и ова е тоа... немам најдено подобро решение од ова, а и не ми треба бидејќи ниеден кулер што го имам преправено вака, не ми откажал ;) 8) :D.
Title: Re: Како да ги направите кулерите да ви траат вечно!
Post by: krema on 07.04.2018, Saturday, 16:37:15
Дали е подобро наместо моторно масло да се користи машинско масло?

Јас горенаведената постапка ја права замалку слично со таа разлика што ставам малку коломаст и машинско масло (капка до две) кај капачето, потоа лепам изолир трака  над капачето.

Инаку идејата е одлична и ќе ја применам во прва прилика.
Title: Re: Како да ги направите кулерите да ви траат вечно!
Post by: GigaWatt on 07.04.2018, Saturday, 20:15:13
Не знам дали машинското масло имаше помала или поголема густина. Може да се направи и со машинско ако има помала густина од моторното. Ако има поголема, не знам дали ќе биде добро како и со моторно... не дека ќе пречи, туку прашањето е дали ќе има ист ефект.

Финтата е во тоа што од едната страна на пиксната влегува коломаст, а од другата моторно масло. Автоматски, на средина се мешаат и таа смеса е доволно густа да остане кулерот добро подмачкан ;). Згора на тоа, и од двете страни на пиксната правиш мало резервоарче и од двете течности за да има за мноооогу долго време ;). Моторното масло ја разредува коломаста, дури и ако истата се наполни со прашина, а згора на тоа, прашина не може да влезе во резервоарчето со моторното масло бидејќи е херметички затворен тој дел ;).

А за затворањето со изолир трака, и така имам пробувано, ама порано или подоцна, или испарува моторното масло, или истекува :S. Дури и ако го направиш со комбинација на коломаст и масло (како што пиша), по некое време, од испраувањето на нафтените деривати, почнува да се распаѓа лепакот на изолир траката и попушта лепенката :S.

Гледајте ако можете да најдете потврди пластични патрони. Имам пробувано и со помеки, некои од помеките знаат да почнат да се распаѓаат од моторното масло :S. Не дека целосно се распаднуваат, ама изгледа помеките полесно реагираат со други нафтени деривати. Потврдите воопшто не реагираат ;). Потешко се топат, ама појако стегнуваат ;).

Може да пробате и со некаков друг тип на пластични маси ;). Искрено, немам пробано со друго освен со пластични патрони, но би требало да функционира било која смеса која херметички ќе го затне пластичното капаче ;).
Title: Re: Како да ги направите кулерите да ви траат вечно!
Post by: krema on 07.04.2018, Saturday, 22:24:13
Машинското е потенко масло (малку погусто од вода).

А за херметичко затварање на капачето треба да се проба и со восок (оној црвениот што го користат за удирање печат).

Code: [Select]
https://imtec.ba/pribor-za-radni-sto/21476-vosak-pecatni-s-10-crveni-toplo-pecacenje-3850134560003.html
Title: Re: Како да ги направите кулерите да ви траат вечно!
Post by: GigaWatt on 07.04.2018, Saturday, 22:50:59
Да, може да се проба и со тој восок, и тоа би требало да функционира ;).
Title: Re: Како да ги направите кулерите да ви траат вечно!
Post by: batka on 07.04.2018, Saturday, 23:19:06
Црвениот восок е крт и не е отпорен на удар, вибрации.Подобар би бил обичен восок или во краен случај ОХО, УФО или слични лепаци кои остануваат подолго време еластични.
Title: Re: Како да ги направите кулерите да ви траат вечно!
Post by: krema on 08.04.2018, Sunday, 00:31:36
Да се сложувам за крутоста, но има и мек ваков восок.

Code: [Select]
https://www.kancelarijskimaterijal.rs/vosak-za-pecat-458.html
Како и да е, идејата е да се запечати убаво капачето за да содржината која што е под него остане подолго.
Title: Re: Како да ги направите кулерите да ви траат вечно!
Post by: batka on 08.04.2018, Sunday, 13:20:50
Јас и со НЕОСТИК сум затварал кулери( на времето кога беа скапи). Сега само ако е специфичен (silent) го средувам и тоа најчесто со сива графитна силиконска маст за процесори.
Title: Re: Како да ги направите кулерите да ви траат вечно!
Post by: bicikle on 10.04.2018, Tuesday, 23:44:47
Одличен туторијал.
Можи е малу оверкил за кулери, ама и онака го имам нештово
Code: [Select]
https://eshop.wuerth.de/Product-categories/Adhesive-lubricant-HHS-5000/14013008060301.cyid/1401.cgid/en/US/EUR/ - брка работа, течна товатна маст, т.е. товатна во спреј.
Title: Re: Како да ги направите кулерите да ви траат вечно!
Post by: GigaWatt on 11.04.2018, Wednesday, 02:27:24
Да, ова е одлично за кулери ;). Па и не би рекол дека е баш overkill... баш напротив, слободно може да се користи и најверојатно е добра замена за процедурата погоре ;). Туториалот е добар во случај да го немаш овој спреј, со производи кои, горе долу, може да се најдат во секоја продавница за моторни делови ;).
Title: Re: Како да ги направите кулерите да ви траат вечно!
Post by: bicikle on 11.04.2018, Wednesday, 20:17:30
550 или 750  ден. мислам го платив, затоа реков дека е оверкил. Ем има пола литар, доволно најверојатно за 100-150 кулери, за 2-3 кулери не се исплаќа.
Инаку го има во
Code: [Select]
http://wurth.com.mk (пинтија), хубо (од тамо го зедов јас), бриколаж и меркур мислам го носат, ако сепак некој сака да го набави.
Е сега има и ххс2000, ок еи тој, ама ова е таман  густ(вискозен) ни протекува ни го кочи кулерот.
Инаку за диу лубрикант се сложувам со батка за графитната маст, самиот графит има доста мало триење и создава каков-таков заштитен слој на деловите кои се тријат за уште  по долготрајни кулери.
Патем има некој елегантен начин за осигурачот вадње, освен насиље? :) Претежно многу сила употребувам за ними, мада тераат и така ама подобро некако со полезет ако има финта.
Title: Re: Како да ги направите кулерите да ви траат вечно!
Post by: GigaWatt on 12.04.2018, Thursday, 01:12:29
Патем има некој елегантен начин за осигурачот вадње, освен насиље? :) Претежно многу сила употребувам за ними, мада тераат и така ама подобро некако со полезет ако има финта.

Вадењето и враќањето на пластичниот осигурувач е најпроблематично, знам :S, може да летне, да се изгуби :S... затоа и за вадење и за ставање ја користам онаа иглата од линкот погоре во post-от и пинцета во комбинација со неа. Со иглата го проширувам осигурувачот или го придржувам кога го буткам осигурувачот надолу (бидејќи е остра иглата, се заринкува во пластиката и не дозволува да се лизга/бега осигурувачот), а со пинцетата го буткам осигурувачот надолу ;).

Code: [Select]
http://elektronika-mk.net/index.php?topic=13421.msg116169#msg116169
Требаше можеби да сликам или едно видео да направам за да се долови моментот како го правам тоа, ама заборавив :S... а освен тоа, фото апаратот само во SD ми снима, нема опција за HD :S.

Ај, можеби во некој нареден post ќе снимам и ќе го ставам видеото ;).
Title: Re: Како да ги направите кулерите да ви траат вечно!
Post by: bicikle on 12.04.2018, Thursday, 11:29:06
Да да го прочитав тоа ама... Ај ако ти се вдаде можност бувни една снимка, и SD нека е...
Title: Re: Како да ги направите кулерите да ви траат вечно!
Post by: GigaWatt on 12.04.2018, Thursday, 11:41:07
ОК, нема проблем, нареден пат ќе гледам да снимам ;).
Title: Re: Како да ги направите кулерите да ви траат вечно!
Post by: Toma on 12.04.2018, Thursday, 14:07:11
Според мене сметам дека најдобро средство за подмачување е „Графитна маст за хомокинетички зглобови“.
Не сум пробал. Претпоставувам дека би било добро од причина што самите хомокинетички зглобови кај возилата се во многу тешка група за издржливост и оптеретување.
Еден примерок од маст што ја има и во Македонија а веројатно за мала количина би ви дал секој автомеханичар!

(https://www.mediafire.com/convkey/a6a9/p5xe55tqkbetwlqzg.jpg)
Title: Re: Како да ги направите кулерите да ви траат вечно!
Post by: trouble92 on 13.04.2018, Friday, 01:51:27
Операцијата успешна, кулерите "спијат" :D средив два кулери не ни се слушаат дека работат фала за споделеното  истражување ;D
Title: Re: Како да ги направите кулерите да ви траат вечно!
Post by: GigaWatt on 13.04.2018, Friday, 02:03:47
Со среќа да си ги користиш ;)... најверојатно дур не настане апокалипса ;D.
Title: Re: Како да ги направите кулерите да ви траат вечно!
Post by: GigaWatt on 10.05.2020, Sunday, 12:25:38
Допишав нешто во туториалот, врз база на дополнителни искуство ;).

Мал update на темава. Подобро е да се направи мешавина од моторно масло и коломаст за внатрешниот дел од кулерот (каде што се става пластичниот осигурувач) за клуери на места каде што нема кулерите да работат нон-стоп (класично desktop PC), а на места каде што ќе работат нон-стоп (сервери), да се стави само коломаст. Коломаста е тврда кога не е загреана, така да, потешко ќе почне кулерот да врти од ладна (неразработена) позиција ако има само коломаст, но откако ќе се загрее, коломаста омекнува и практично има многу слична вискозност како и моторното масло. Затоа подобро е да се стави само коломаст во кулери наменети за сервери (бидејќи практично и не се гасат, така да, отпорот од коломаста што кулерот ќе го осети на почетокот, брзо ќе помине поради загревањето на кулерот и пиксната), но од друга страна, ако во кулер за desktop PC се стави само коломаст, тој отпор ќе го осеќа кулерот при секое вклучување во работа на PC-то.

Комбинацијата не е критична, т.е. не грешно да се стави и комбинација на масло и коломаст, и само коломаст и во едната и во другата ситуација (desktop PC и сервер), но поентата е да се продолжи векот на кулерот, како и временскиот интервал на кој ќе треба да се подмачкува, нели ;).