250W SMPS без регулација за засилувачи

[slidermc]

Иако оваа шема веке ја имаше, јас ја преправив на мој начин и вака работи многу подобро. Деловите се лесно достапни (од стари АТХ) а IR го има во продавниците за електроника. Ке дадам и подетално објаснување.







Секако дека е пробано со засилувач, за тоа е и предвиден нели. Заземјувањето мора да е приклучено, и тогаш нема ниту брум ниту шум, а кулерот мора да биде добро филтриран со калемче и поголем кондензатор.

Превземено и доградувано од:

Code: [Select]

http://www.elitesecurity.org/t446664-SMPS-za-pojacalo

[Hahahaha]

А што напони може да даде напојувањево, дали може да се добие 2х35 волти до кај 250 вати. Ми треба за појачало 2х100 вати. Доколку може што делови треба да се сменат?

[slidermc]

Зависи од јадрото. На пример со неколку различни типови EI33. Со еден тип ЕИ33 без премотување добивам 2х22V на 100W оптеретување, а со друг 2х25V. Зависи од производителот колку навои ставил таму. Може без проблем да го премоташ трафото и со пресметка според тие навио да направиш 2х35V.
Мора да го намоташ исто како што било, а трафото јас го отварам со топол фен (технички не обичен). Некои го варат или печат, твој е изборот на процедурата.

Можеш да пробаш со ЕD или друг тип, тие се појаки (колку поголем пресек на јадро толку повеке вати). Можеш и до 400W да стигнеш, но најверојатно ке мораш да премотуваш за тој напон. Треба првин да пробаш што се добива без премотување и после на операција
Споено мислење: [time]27 Август 2014, 00:04:21[/time]Деловите остануваат константни за било кој напон. Работната фреквенција е 75кХЗ, со нејзе се менува моќноста а не напонот! Оваа фреквенција ја одбрав бидејки повекето трафа од АТХ можат да работат на оваа ФР и притоа да извлечеш повеке моќност.

Единствена опција за друг напон е премотување на трафото.

[bicikle]

Лакот на тие трафа крепи до 200 степени, а квалитетните трафа неа теорија со вриење да се одлепат, додека пак ако се прегрее трафото ќе испука феритот. Башка лепакот треба да е феромагнетен мислам. Ова колку за инфо.
Тие што се storage  намотките, зависи од јадрото, може и на сплит трафо да ги моташ. Не значи дека за секое јадро одат по 1.8 намотки, на некои и до 2,5 одат по волт, значи за 35в може да дојдат 87 намотки, рацете ќе ти паднат. Башка треба да внимавате на скин ефектот, додуша за 2-3 ампери може да се користи и потенка жица со гореспоменатиот лак, но за појака струја треба 5-6 жици увртени да се мотаат.
Патем тие на едно јадро се мотаат за +и- или а башка јадра се ?

[slidermc]

Storage јадрото наједноставно се зима од самиот АТХ, но има и да се купат некои поголеми, за подобро зачувување на енергија, макар мислам нема потреба.

Околу мотањето на Storage Core, најубаво е да се избројат намотките за 12В кои веке ги има на торусот од самиот АТХ, а потоа да се направи едноставна пресметка колку навио по волт би оделе. Мотањето се прави со лак жица барем 0.8мм за да има многу мал отпор, а скин ефект нема да има бидејки имаме исправена струја DC, после диодите оди ова јадро.
Мотањето следи со 2 жици, една за - и една за +, na торусното јадро од АТХ
СЕ мотаат паралелно заедно, но на крај се заменуваат излезите (уредно мотање и стрпение-спасение! )
+ин----------+оут
-оут---------- -ин
Доколку забележите поголема разлика меѓу + и - према маса, веројатно не сте ги завртеле изводите за -

Трафото мора да биде мотано бифиларно (самите фабрички се бифиларно со 2х0.6мм лак жица). Тука навистина треба да не загрижи скин ефектот, но со оглед на тоа дека не ја ставив преголема фреквенцијата туку некоја златна средина од 75кХз, нема да има проблем со фабрички намотаното трафо.

Досега не ми се случило да ми се скрши јадрото, имам искуство со 4 ЕИ33, ЕИ35, ЕД35 и нз други. На интернет мислам ке најдат поубав начин за одлепување на трафото, а назад се лепи со цијанокол.

При работа највеке се греат диодите, тие треба да имаат поголем ладилнк, додека IRF840 не се греат нешто баш ни оптеретени. Отпорникот од 27к 5W е нормално да стига и 60 степени!. Во мојот случај, пар диоди и еден транзистор се ставени на еден ладилник, а на другиот исто таква конфигурација. Измерив околу 35 степени целзјусови при оптеретување од 100W без форсирано ладење.

Кулер всушност и не треба, ама во мојот случај беше пожелно заради друга причина. Како ладилници искористете ги од АТХот, сосема доволни се.
Споено мислење: [time]27 Август 2014, 02:42:05[/time]Пред проверка дали работи обавезно се приклучува сериски ламба на влезот од СМПСво. Едноставна е шемата, работи од прва, но доколку има и најмал спој меѓу излезните + 0 -, СМПСто завршува со работа прилично спектакуларно!

При горење, најчесто горат 2та транзистори, а поретко самиот ИР чип. Затоа и ставив подножје, а 2та транзистори да бидат на достапно место, за едноставна замена.

[batka]

Само неколку напомени да дадам,се разбира без намера да ја омаловажам работата на колегава:бицикле даде добар коментар околу јадрото,мотањето и лепењето.Значи,сепак сватете дека ова се само експериментални модули,кои за жал јас не би ги користел за озбилна работа ( пример за погон на појаки засилувачи за (полу)професионална работа.Ако некој од вас има можност да разговара со некој професионалец кој се бави со поголеми или помали озвучувања или пак тера свирка и користи разгласи,снагаши итн., ке видите дека сите тие бегаат * како ѓавол од крст* кога се во прашање SMPS напојувања.Од искуство,сите тезгароши плаќаат и повеќе при купување на пример Динакорд со трафо,а бегаат од новите модели со SMPS! Сепак,добро е да се проба со различити типови напојувања.И друго- ако некој SMPS добро работи со едно појачало ,не значи дека и на друго исто ќе работи! Од искуство,јас многу за аудио употреба не би го користел.Сепак класика си е класика.

[slidermc]

Batka, треба да прекинеш да им всадуваш на луѓето во глава, дека на светов треба да постојат само трансформатори. Тоа е твое мислење и не треба во секоја можна тема и при секоја прилика да го потенцираш тоа.

Ова не е исправувач за ПА засилувачи. Само 250W се доволни за 2х80W АБ класа засилувач.

[batka]

Прво ,тоа *всадуваш* е лош израз,бидејќи се граничи со * принудуваш*,а никого не сакам да принудувам на нешто.Тоа што си направил SMPS,не значи дека тоа мора да се употреби за аудио-уред.Јас напоменав дека јас лично (што е тука всадување!?) не би употребил SMPS за појачувач,од било која јачина.Што тука не е јасно? Јас се базирам на свое искуство и пракса.Не викам никој да не прави SMPS, и да не употребува.Бицикле начна само еден дел од проблемите на трафото,а она * вадите од стари АТХ..* е се само не препорака за идните градители.И после не работела проверена шема!? Тоа ти е.

[LordZi]

и најмал спој меѓу излезните + 0 -, СМПСто завршува со работа прилично спектакуларно!

Ова кажува многу работи...

[slidermc]

За жал, СМПСто е многу нежно, не дозволува грешки. На засилувачи работи супер, пробано ми е со TDA2050, TDA7294. Падот на напон е околу 2-3 волти максимум, при неоптеретено и фул сила.

Нема повратна спрега за контрола на напонот на секундарот, ниту пак има заштита од краток спој. Доколку некој е заинтересиран, може да вгради дополнително.

Батка, а каде има да се купат феритни јадра? Осем од интернет и минимум 10 парчиња.

[LordZi]

Би требало барем да има осигурувачи на плусот и минусот.

[slidermc]

Не велам дека СМПСво е перфектно, туку ефтина варијанта на напојување за некој посилен засилувач.
Споено мислење: [time]27 Август 2014, 13:45:32[/time]

Би требало барем да има осигурувачи на плусот и минусот.

Да, идеата не е лоша. Може да се вметнат како такви надвор од шемава.

[bicikle]

после грецот струјата не е ни наизменична ни чисто еднонасочна, него е пулсна, не знам дали ќе се појави скин ефект?
Јадрата ќе се раздробат доколку се претера со температура, на 200-300 степени немаат гајле, на пример да ја пуштиш до мксимум ринглата тогаш ќе се раздроби, мада нема потреба, ќе ја муштиш на 1/3 од снагата и ќе си почекаш 15-тина минути
Овој вид на смпс е полумост, затоа се неопходни строаге јадрата, додека кај целомостните смпс-а нема ни потреба од стораге јадра.
Толно дека бројот на намотки зависи исклучиво од плоштината на јадрото и од материјалот, затоа реков дека може да дојдат и многу намотки...
И мое мислење- смпс се одлична замена за трафо доколку станува збор за домашна употреба, а за разгласи и слични намени, каде што уредот се експлоатира максимално, не ретко и по 16 саати дневно лично јас би трафо.
Осигурачите само ќе спречат натамочно ширење на дефектот, ккао кабли штекери инсталација итн... тешко дека со жица ќе се заштити полупроводник.

[slidermc]

после грецот струјата не е ни наизменична ни чисто еднонасочна, него е пулсна, не знам дали ќе се појави скин ефект?

Па така некако ке му дојде, но како што гледам и на повекето модели од купечки засилувачи и на самите АТХ не е мотано бифиларно на Storage пригушницата. На други модели од јамаха и меки, нема воопшто пригушница туку директно само кондензатори. А сепак е Half-Bridge конфигурација. Можеби е подобро storage core да се мота со 2х0.6мм жица, но сосема е ок и со 1х1мм жица, бидејки не се грее воопшто јадрото.

Оваа шема е Half-Bridge СМПС

Сепак користењето на СМПС во помодерни звучници е неминовно, скоро сите домашни вуфери од по 200 вати сега се оперирани од СМПС.

[bicikle]

не  греат ако не ги оптовариш, зависи дебелината на жицата која стуја може да ја истера...