Мерење на звучници - чекор до подобар звучник

[slidermc]

    На звучниците им се измеруваат неколку важни карактеристики за да се "наштимаат" а тоа е нивото на дисторзија, фреквенциската карактеристика, поларна карактеристика, waterfall дијаграм, степ функција. Овие се најважните работи кои треба да бидат измерени за звучникот.
    Секој звучник помалку или повеке има дисторзија, а по измерувањето таа се изразува во проценти. Класични звучници имаат дисторзија од 1-4%, а навистина добрите достигнуваат и дисторзија помала од 0.5%
    Фреквенциската карактеристика прикажува колку еднакво звучникот ги свири сите фреквенции изразено во децибели. Ниеден звучник не ги свири сите фреквенции еднакво гласно (на график права линија). Најдобрите достигнуваат +/-2dB разлика.
    Поларната карактеристика не е ништо друго, туку колку звучникот под различен агол е способен да ги репродуцира сите фреквенции. Просто кажано, фреквенциски карактеристики под различен агол.
    Waterfall дијаграмот е многу сложен- прикажува на која фреквенциа, колку долго звучникот свири одкако првичниот сигнал прекинал. Се изразува во милисекунди, а што помалку, толку подобро.
    Степ функцијата прикажува буквално како мембраната се придвижува при импулс.

[GigaWatt]

Одлично објаснето . Се надевам дека ќе им користи на дел од членовите .

[batka]

Како од учебник!

[Maki]

slidermc, дали си измерил некои фабрички звучни кутии,нешто као B&W, JBL..? Ако имаш нешто такво,дај постирај.. 

[slidermc]

Немам за жал.
Споено мислење: 11.08.2013, Sunday, 21:31:30     Еве слика како обично тоа се прави.
     Како сигнал генератор се користи самиот компјутер (најчесто розов шум или фреквенциски свип со синусен сигнал). Преку појачалото, се испраќа во звучникот кој е монтиран во кутија соодветна со неговите ТС параметри. Исто важи и за нефланширани високотонци кои секако им се изменува фреквенциската карактеристика ако не се фрезирани(вдлабнати во плочата). Притоа мерењето се врши во анехоична просторија или пак на отворен простор при што звучникот е свртен да свири нагоре (полупростор).
     Микрофонот се мести најчесто на 1 метар право пред звучник а може и да се испита секоја оска (30, 45 степени најчесто). Потоа измерениот сигнал иде во звучна карта каде преку самиот софтвер се гледа фреквенциската карактеристика и се анализираат многу други параметри.
    Денес има многу комплицирани и прецизни програми кои дури и во обични простории може да го измерат спектарот многу прецизно.
   Секако во пракса е многу посложено од ова и бара многу време и работа. барем 20тина пати бара да се проба позиција, сигналот до звучник, итн.

[GigaWatt]

Како сигнал генератор се користи самиот компјутер (најчесто розов шум или фреквенциски свип со синусен сигнал).

Розов шум? Сигурен си за ова? Да не е бел случајно?

[slidermc]

Pink noise дефинитивно.

Code: [Select]

http://www.sweetwater.com/insync/pink-noise-versus-white-noise/

[GigaWatt]

Хмммм... интересен напис . Го прочитав . Јас пак од секогаш мислев дека се калибрира со бел шум . Благодарам за информацијата .

[slidermc]

Еве нешто интересно за позицијата на бас звучникот во собата. Кратко истражував, но резултатите се очигледни.

[batka]

Не знам дали си ти Михаил Толев,оној професор од Електро ( во пдф документот стоеше тоа име! ),ама ме радува кога некој врши вакви инструментални испитувања.Јас сум практичар и знам дека различни звучници во ист простор се понашаат различно и дека не мора звучниците да бидат супер скапи за да звучат добро.Често сме во ситуации да немаме инструменти,време или едноставно не можеме/сакаме да  вршиме мерења.Затоа постојат 12 златни правила кои хај фај љубителите ги напишале и ако се придржувате кон нив секако резултатите ке бидат многу подобри.Јас сум секогаш овакви работи да се решаваат со проба,разместување  и слушање!Стално зборувам дека секоја звучна комбинација не звучи исто во различни простории.Затоа ,ако сакате да добиете добри резултати,пред се треба да сте начисто што сакате да слушнете! Би ти препорачал само уште нешто - ако можеш фазно да ги поместиш високите и басот,па да извршиш мерење.Ке добиеш многу интересни резултати.

[slidermc]

Професорот од електро е дедо ми Јас сум Михаил Толев помладиот. Во праксата дефинитивно како што кажа батка треба да се придржуваме до правилата. Токму и затоа го направив овој напис, за да луѓето не верваат само слепо туку и да има доказ.

Инаку, високотонецот во овие активни звучници има спецјално коло, кое го прави малку да доцни и да изгледа и звучи исто како во линија на басот. Долго и макотрпно проектирање на шемата и еден куп мерења додека го наместам во точната фаза .

[batka]

Ако си како дедо ти ,ке бидеш добар! Поздрав до него,не му бев студент ама соработував со него.Многу методичен и практичен,со јака меморија ( малку сме слични,само што е многу постар)

[slidermc]

Фреквенција на пресек е 2800Хз, со 24дб/октава филтри. Најлесно може да се види кохерентноста на бас и високотонецот на црвениот график.

[slidermc]

Еве зашто треба да се фрезираат високотонците со оштри рабови. Погледнете ја фреквенциски-амплитудната карактеристика на TELE STS1104 кога е фрезиран и кога е директно поставен на плочата.

Најзабележителен е падот од цели 7dB на 7kHz, кое се случува заради дифракција на тие фреквенции од работ на високотонецот.

Радиусот од центарот на високотонецот (најсилна точка на радијација на звук) до рабовите е 5цм. При тоа добиваме бранови во контрафаза на следните фреквенции околу 7kHZ како резултат на промена на правезот на брановите при удар со работ на високотонецот.

Пресметката е ваква:
F={34400cm/s (брзина на звук)} / {5cm(радиус до работ на високотонецот)}
F=6880Hz (истата фрекценција е највеке афектирана на графикот)

[tefov]

Како сигнал генератор се користи самиот компјутер (најчесто розов шум или фреквенциски свип со синусен сигнал).

Розов шум? Сигурен си за ова? Да не е бел случајно?

Ми даде идеја една. Има ли шеми за самоградба на уред кој ќе се поврзе со компјутер за мерење на карактеристиките на звучниците?