Теории и пракса

[batka]

73! + SK

[DX-er]

средено, темата е поделена и може да продолжиме со муабетот. Само не користите некои зборови кои се непријатни. 73

[Z31GH]

Во секој случај Батка има право. Тој масвел или кој и да е пред повеќе од 100 години даде една теорија која до сега е 100 пати подобрена од денешните научници, сепак базата на таа теорија е истата. Значи Батка тука има право дека таа е досега надмината. ТОЧНО Е ТОА дека што поголема фреквенција има помал домет. Дали некое ФМ радио, на пример Антена ФМ може да се слуша во Шпанија? Е како да не!!!!!!!!! 50 Мхз секако може да се слуша подалеку од комерцијално ФМ радио, или од радиоаматерски опсег на 433 мегахерци! без разлика на модулацијата. Ај вака.........2.4 ГХЗ интернет конекција нека ми пушти некој од Скопје до Битола, колку сака Вати нека употреби, па шо сака ќе му дадам. Какви сака равенки нека користи. Површинските бранови нема шанси да одат далеку оти имаат голема фреквенција, за разлика од ниските фреквенции што патуваат по атмосферските слоеви.

[DX-er]

ама збориме ако ја исклучиме јоносверата и пропагацијата бидејки ако имаме 2 предаватели и двата да се по 500mW но на различни фрекфенции, не може да збориме за пропагации и јоносвера поради нивниот мал домет кој секако не не би стигнал до првите слоеви на јоносверата па да се одбие назад и да има задоволителна снага за да може да се слуша на радио станица.

Пример:

Имаме предавател на 50MHz со 500mW
Имаме предавател на 433MHz со 500mW

Прашањето беше кој ке се слуша во:
1. Поголемиот дел од градот ?
2. Кој ке се слуша во поголемиот дел од пелагониската рамнина ?
3 Кој ке се слуша во поголем дел од некоја густа шума во која препреки се само дрва ?

[ivica.s]

DX -ер на овие прашања не може да се даде едноставен одговор.  

Едно општо правило е дека радиобрановите со висока фреквенција патуваат само праволиниски и не се одбиваат од јоносферата. Колку фреквенцијата е повисока, толку овие две својства се поизразени.

50 мегахерци е доволно ниска фреквенција за да може одбива од јоносферата кога постојат потребните услови за тоа.

433 мегахерци од друга страна не може да се одбива од јоносферата и сигналот ќе патува слично како светлината, праволиниски или евентуално на одбивање од згради, ридови и сл. Ако си на врв од планина сигналот ќе патува подалеку оти скоро со сите места што можеш да ги видиш ќе може да се востави врска ако ја имаш потребната моќност.

Исто зависи многу од модулацијата, на пример ако се користи телеграфија доволни се само околу 1 килохерц бранова ширина за пренос. Едно нешто кое ретко се знае е дека колку оваа бранова ширина е помала, толку шумот во приемникот е помал и тоа значи дека може да се прима послаб сигнал. Со самото тоа дометот за телеграфија бил многу поголем оти може да се примаат многу послаби сигнали. За разлика од телеграфијата, фм модулацијата користи +/- 5 килохерци за пренос на глас, а пак во ФМ подрачјето (88 - 108) брановата ширина е +/- 75 килохерци, значи вкупно 150 килохерци.

Ова е причината поради која со 500 миливати телеграфија може да се воспостави контакт на 100 километри, со гласовна комуникација (фм токи воки на пример) дометот би бил можда околу 10 км, а пак со фм предавател за ФМ бандот од 500 миливати би било успех ако се постигне 1 километар. Исто на повисоките фреквенции природниот радио шум што го создава самата атмосфера е помал и ова значи дека дека со иста моќност поголем домет би се постигнал на пример на 100 мегахерци отколку на 100 килохерци.

За АМ модулација (во АМ подрачјето) нема ни да зборувам, оти за да се постигне било каков поголем домет потребни се  огромни моќности поради големиот природен радио шум како и неефикасната природа на самата АМ модулација: 70 % од моќноста одат на самиот носач на сигналот, а само околу 30 % на корисните информации кои тој сигнал ги носи (музика и говор). Поради ова предавателите за ова подрачје често имаат моќности кои се мерат во мегавати.  

[batka]

Е ,па  да не одиме повторно офф топик: теоријата си е теорија,само во праксата има многу примери каде што теоријата останува нема.Почнавме да зборуваме за радио-аматерските врски,нивниот домет ( значи за домет се работи!!!).Аматерите се чудни луѓе и секогаш настојуваат(конструкторите и QRPP зависниците) со минимални средства и опрема да одржат врска што подалеку.При тоа се служат со антени (вакви или такви,сопствени конструкции),со системи на антени,со модифицирани уреди итн и пред се со стрпливост.Чекаат со денови,недели,да *се отвори* опсегот и да почнат да се слушаат ДХ -овите. Е,тогаш со 5W се работи Мавританија.Сејшели,Карибите, Галапагос и Чиле ( карикирам!! ) Тоа значи дека покрај сите теории за простирањето на брановите постојат и низа други природни ,но и човекови фактори! Се организираат експедиции,се поставуваат станици на планински врвови,се градат линеарци и антенски системи.Радио-аматерите постојано се во потрага  по новитети,истражуваат.
Јоносферата е позната поодамна,многу врски,експериментални емисии,разни проби се извршени,ама дословно се уште сме на некој почеток со одржување на аматерски врски со помош на јоносферата,метеорски трагови и прашина.Иако одамна за аматерите се достапни и некои канали на комерцијалните сателити,сепак од нашите аматери се неискористени,пред се поради недостаток на опрема и неинформираност.

[DX-er]

Иако одамна за аматерите се достапни и некои канали на комерцијалните сателити,сепак од нашите аматери се неискористени,пред се поради недостаток на опрема и неинформираност.

Интересно! Ова не сум го знаел. Може да пишеш за што се работи, дали тоа се сателитите како Astra, Eutelsat, Intelsat, Hotbird и др. ?
Што радиоаматери пренесуваат во тие канали и дали каналите се аналогни или дигитални?

[batka]

Во моментов не знам точно дефинирани податоци ,само знам дека на Hotbird и Astra постојат такви канали каде претежно SSTV ,FM и RTTY поминува. За точни фреквенции ,поларизација итн .ке пишам кога ке добијам точни податоци.

[DX-er]

Во моментов не знам точно дефинирани податоци ,само знам дека на Hotbird и Astra постојат такви канали каде претежно SSTV ,FM и RTTY поминува. За точни фреквенции ,поларизација итн .ке пишам кога ке добијам точни податоци.

Чекај, да не случајно тоа се канали кои до пред некоја година се користеа за аналогна телевизија но како што телевизиите се префрлаа на дигитална така аналогните транспондери остануваа неискористени па ги доделиле на радиоаматери или пак уште при лансирање на сателитите има транспондер наменет исклучиво за радиоаматери ? Што од ова е точно?

Ако е точно првото, во тој случај сите нови сателити што ги лансираат се со дигитални транспондери за телевизија бидејки нема заинтересираност кај телевизиите да се приклучат на аналогно сателитско емитување.

Офф топик, мое мислење: Респект за аналогната сателитска телевизија на KU и C-band

[batka]

Не,не се работи за комерцијални канали.Ке се потрудам да добијам наскоро информации.

[Z31GH]

@Batka
Ако се работи за неинформираност во врска со сателити за пренос на сателитска програма тогаш си можеби во право, оти прв пат слушам за ова.
Јас знам за врски преку сателит, ама тие се радиоаматерски сателити и немаат врска со сателитите што емитуваат комерцијални канали. тие се многу мали сателити, обично 1 кубен метар големи, а најмалиот радиоаматерски сателит на светот се вика Swiss cube и е голем колку 1 дециметар кубен. Радиоаматерскиуот сателит патува по орбитата на земјата и него мораш да го пратиш каде е и во кое време, не како обичните сателитски антени, намести ја и толку. За разлика од тиер сателити, радиоаматерскиот сателит е долку подвижен што треба да го бркаш и секогаш да имаш компас со тебе. Ако не се лажам имало некој обид за тоа што велите ама тогаш тоа не би било радиоаматеризам, туки најобична радиотелефонија

[batka]

Види,не ги пратам редовно скедовите на 14 Мхз (  само два-три пати месечно,ако налетам! ) на SSTV аматерите кои дискутираат за такви работи.Проблемот е што не познавам ( јас лично) ниеден македонски аматер што активно се бави со SSTV спортот ( за неупатените - тоа е споро анализирачка телевизија - македонски не знам колку адекватен превод).Значи.проблем е пред се опремата (која е скапечка) ,а потоа информираноста.Што вели Гига - исправете ме ако грешам!

[DX-er]

jaс имам работено со SSTV уште пред неколку години и тоа, од еден компјутер праќам сигнал преку ФМ модулатор (тие за во кола) а од друг компјутер декодирам преку програм. Проблем е секако многу спорото праќање на слика, треба да се изначекаш 3 минути за една слика што е секако многу споро.

Едно прашање, зошто SSTV се нарекува дигитален мод, односно дигитално пренесување на слика ? Кога тоа е сосем неточно и проверено од мене! Кога сигналот е послаб се јавува класичен шум (снег) на сликата а ако беше дигитален како што тврдат некои ке имаше пикселицација.

[batka]

SSTV не е дигитално пренесување, не знам од каде таков израз .Еве некои фреквенции на кои се работи аналогната SSTV.
Ako некој сака да види како изгледа тоа еве неколку линкови.


SSTV Video From The International Space Station


N3CEO SSTV Image Museum Video 1

Classic Slow Scan Television (SSTV) Demonstration

[DX-er]

еве ја сликата без логото на youtube ако на некој му треба без лого хаха се шалам





Batka во кои денови и термини емитуваат овие:

2 metres: (FM)
145.500 MHz 2m Band SSTV Call Freq.
145.600 MHz 2m Band SSTV Call Freq.
144.550 MHz SSB SSTV Call Freq. ?