Во оваа тема ќе претставам еден мој проект кој го изведувам потполно самостојно, освен се разбира плочката која ја нарачав од LordZi. Се работи за лисичар за 3,5 мегахерци, односно за 80 метра бранова должина. Повеќето лисичари што ги користат радиоклубовите се многу стари, скоро 40 години, чија технологија е веќе застарена, но сепак добри се и не смеам да ги потценам бидејќи два пати со стар лисичар освоив место, во 2013 трето, а оваа година второ место на меѓународниот натпревар во ARDF одржан во Катланово.
Овој спорт ми дава инспирација да направам сопствен лисичар, понов тип а и лисичар кој нема да иома потреба да го враќам назад во клубот. Пребарувајќи на интернет најдов бројни шеми имав големи главоболки за каков да донесам одлука. Многу од нив беа како „за почетници„ и немаа некоја посебна осетливост кога „лисицата„ се наоѓа доста далеку. За среќа најдов една страна од германски радиоаматер кој преставе радио гонометар како што вели и самиот со висока осетливост и одличен за натпревари кој не е само за почетници, туку и за понапредни. Тоа беше доволно да ме убеди за да се обидам да направам сопствен уред за натамошни натпревари.
Линкот е тука
http://www.dl4cu.isa-geek.net/ardf.html Кликнете лево на ARDF RX 80m
Добро го владеам германскиот јазик и не ми беше воопшто тешко да ја разберам целата процедура околу изградбата. Толку е убаво објаснето и дадена е дури и плочката и секој дел е прикажан каде треба да се залеми.
Во алфа ги најдов сите делови за некои 300 денари, освен фамозниот TCA440 кој го нема никаде, а го најдов случајно во едни стари елементи што сум ги чувал со години. Всушност тоа интегрално коло е срцето на овој приемник бидејќи такви се користат во сите АМ приемници и е многу докажано за овие намени.
Изработката беше лесна, иако со години не сум фатил леткум во рака го составив за неполни два часа како што е сега.
Еве неколку слики од изработката....
Со ова плочката е довршена. Останатите дупчиња на плочката се за поврзување на жици, со који би се поврзала батерија од девет волти, како и дупчиња каде што ќе биде поврзана антената која ќе има два калеми. Исто така треба да се поврзат потенциометар за гласност и променлив кондензатор на кој што ќе се подесува фреквенцијата. Овие наведени елементи ќе се поврзат на плочката само кога ќе се избере кутија, бидејќи тие ќе бидат монтирани на кутијата.
Имам тука и две прашања за кое се надевам дека ќе можам да добијам совет од вас што се разбирате многу добро во радиотехника. Значи....Дали е подобро метална или пластична кутија? Во постарите лисичари антената, односно феритното јадро намотано со намотки е во метална кутија, а имам видено и лисичари кој се во пластична кутија. Според мене подобра би била пластична кутија, меѓутоа на ова мое мислење некои радиоаматери се противат и велат метална е подобра.
Толку околу кутијата. Другото прашање е......Дали има начин да се изработи уште едно помошно коло, односно индикатор на сигнал кое ќе служи за попрецизно наоѓање на лисицата. Тоа би работело на принцип колку повеќе си во правец и се доближуваш до лисицата, толку стрелката да оди во максимум.
Ваков индикатор имам видено на лисичар за 144 мегахерци, но не знам дали е можно да се направи нешто да може и за 3,5 мегахерци да послужи, но за оваа фреквенција немам видео лисичар со индикатор.
Пред да го довршам лисичарот би сакал да ме посоветувате нешто околу овие две прашања, за да знам како да продолжам
