а за колку ампери треба за појачало од 20w како можи да се дознај или зависи од интегралното колку трга струја?
Да, може да се дознае колку струја е потребна за засилувач од 20W (на пример, се разбира може и за некој послаб или појак). На пример, доколку тој засилувач се напојува со напон од 15V, значи дека (во совршен случај, ова е чисто теоретски) би требало да „влече“ 20W/15V= 1.33A. Е сега, како што знаеме сите, „домашниот есап не излегува на пазар“
. Истото важи и во овој случај. Секоја активна и пасивна компонента определен дел од енергијата што ќе ја прими (во конкретниов случај, тоа е струја) ја претвора во топлина (овој феномен е познат како Џулови загуби на енергија). Поради тоа, мора да се додаде повеќе енергија (односно да се „внесе“ додатна струја) за да може да се извади на излез од засилувачот дефинираната моќност. Како што пиша LordZi, за засилувачи во AB класа е некое непишано правило трансформаторот да има дупло поголема моќност од таа што треба да ја вади на излез засилувачот (иако според теоретските пресметки ефикасноста на засилувачите во AB класа е некаде околу 70%, не сум сигурен за оваа вредност, нека ме корегира некој ако грешам). Сличниот принцип важи и кај засилувачите изведени со операциски засилувачи (колку што сватив барем, повеќе те интересира ова проблематика). Ако имаме пресметано дека со напон на напојување од 15V за засилувач од 20W му се потребни 1.33A струја, би требало да имаме трансформатор кој на својот излез може да даде моќност од околу 30W. Е сега, наизменичниот напон на неговиот излез би бил 15V/1.41~10V. Бидејќи знаеме дека трансформаторот има моќност од 30W (VA), следува дека излезната струја која може да ја испорача овој трансформатор би била 30W/10V=3А, што е доволно за напојување на засилувачот од 20W
.
а за колку ампери треба за појачало од 20w како можи да се дознај или зависи од интегралното колку трга струја? и ако е така за на секој излез од трафо да си има своја моќност епа значи јас како шо ги пресметвам трасформаторите според површината на јадрото тоа му е заедничка моќност на цело трафо и послем таја се дели на сите излези?
Така ќе му дојде, и јас искрено ова не го знаев, но некој го спомна на форумов (не ми текнува сега која беше), а искрено теоријата „држи вода“
.
ете ова трафо како да дознам колку W e на еден излез вади 15V и на него го имам приклучено појаалото ТДА1553q а појачалото е 2х22w значи ќе треба најмалце да е 44w само тој излез од трафо ај малце објаснете за ова
Има пресметки за да дознаеш колкава струја (а со тоа и моќност) може да извади определен трансформатор на неговиот излез (кои јас искрено не ги знам, ако некој ги знае нека пише), но доста комплицирани се (барем колку што сум гледал нешто, чат пат), треба да се познава дебелината на жицата на секундарната намотка (што некогаш тешко може да се открие, особено ако е олопен целиот трансформатор), димензии на јадрото и типот на јадрото... претпоставувам уште некои други податоци, но не знам кои. Поедноставна метода (јас барме ја имам користено) за да дознаеш (од прилика) колкава струја може да даде на излез трансформаторот е следнава. Купи некој отпорник од 0.47 оми и моќност од 20W (можеш да најдеш и од некој стар телевизор ваков отпорник). поврзи го меѓу краевите на секундарната намотка на трансформаторот. Ако напонот на излез од трансформаторот е на пример 20V, тогаш струјата што би портекла низ отпорникот (доколку може да ја даде таа струја трансформаторот) би била околу 40А. После врзувањето на отпорникот, вклучи го трансформаторот во струја види дали почнува веднаш да загрева отпорникот или не. Ако почене веднаш да загрева, исклучи го трансформаторот (да не го изгорш случајно отпорникот). Ако не загрева многу, повторно исклучи го трансформаторот и измеѓу едниот од изводите на трансформаторот и едниот од изводите на отпорникот врзи амперметар кој мери наизменична струја и види колкава струја повекува отпорникот. Истовремено врзи и волтметар за наизменичен напон на краевите на отпорникот (или ова можеш да го направиш и одпосле, одкако ќе ја измериш струјата и повторно го врзеш отпорникот на трансформаторот). Види колкав е напонот на краевите на отпорникот (сигурно ќе биде помал одколку кога трансформаторот работи во „празен од“). Помножи ги вредностите на напонот и струјата што си ги измерила и (приближно) ќе ја добиеш моќност која може да ја даде трансформаторот.
Само пази, овие мерења треба да ги вршиш релативно брзо бидејќи доколку трансформаторот не може да ја даде моќноста која отпорникот може да ја „поднесе“, трансформаторот ќе се „мачи“ и ќе пробува да испорача моќност која не може да ја „даде“, па поради тоа ќе почне за релативно кратко време да грее. Доколку отпорникот почне брзо да грее, значи дека најверо трансформаторот може да испорача струја со јачина од околу 40A, но ова не мора секогаш да е точно, отпорникот може релативно брзо да почне да грее и доколку струјата што тече низ него е околу 30А (на пример). Сепак, како што реков и претходно, овој метод е само приближен, колку да видиш дали може со мали или без никакви проблеми конкретниот трансформатор да напојува некој уред
.