Еве по некоја случајност баш денес после којзнае колку време правев плочка со тонер трансфер методот, па имав шанса да направам некоја слика. Пошто како што ви кажав и претходно, ме има фатено некоја мрза околу правење плочки, работев малце набрзина (читај: не толку квалитетно
), ама мислам дека излезе пристојно.
Ова е предлогот, печатен на лист од старо списание - одберете некој попразен (помалце да има штампано на него)
Ова се добива после пеглањето, пеглата се мести на 2/3 моќност, се пегла 20-30 сек. со благо притискање да се помине целата површина. Ако се притиска многу, тонерот ќе се размачка, ако се притиска премалку нема да фати сегде. Најдобро за ова е да се користи ламинатор за пластични фолии, кој може да најде. После пеглањето плочката се потопува во врела вода со сјај, убаво да впие, ама пошто сум мрза
ја ставив во обична ладна вода и тоа очигледно прекратко, па на места сосе хартијата се излупи и тонерот.
После поправање на некои места и нагризување, се добива ова - сосема пристојна и употреблива плочка