Се извинувам за кодирањето, ама сега линкот не е кликабилен.
Користам уред Coming/Leaving Home System кој има функција да ги пали светлата, позициите кога автомобилот ќе го отклучите на далечинско или заклучите.
Шема за поврзување му е следната:
За да функционира уредов му требаат 12v напон како побуден сигнал за да се активира. Кога ќе се отклучи на далечинско да му прати 12v на кафеава жица и уредот се активира. Кога се активира тој ги пали светлата и светат се додека има 12v побуден напон. Кога напонот ќе го снема на кафеавата жица му се активира неговата функција да свети одреден временски период (од 10 до 40 сек). Сега јас сакам да го скратам тој побуден напон кој што кај мене трае 15 секунди бидејќи додека го има тој напон светат сијалиците и плус кога ке се исклучи напонот пак светат од неговата функција мин 10 сек. Сакам да го избегнам првото светење и да го намалам времетраењето на побудниот напон од 1 секунда, да изгледа како трепнуваат светла и потоа светат 10 секунди. Погледнете го видеото:
Тоа го имав направено на претходниот автомобил Peugeot 206, ама всушност таму имав сигнал баш од 1 секунда бидејќи централната беше електрична. Сега имам Audi A4 каде што централната е на друг принцип т.е. со вакуум пумпа и активирање на неа оди преку негативниот пол. Затоа не можам да најдам никаде +12v во момент на отклучување туку секаде има константен напон. Вадам напон директно од пумпата кој што го има 15 секунди додека пумпата врти.
Диодите ги користам како заштита кога светлата ќе ги вклучам на ракета да не пушти напон кон уредот бидејќи него го поврзав директно на осигурувачите и има директен контакт ракета со уредот.
На следнава слика ќе се обидам да објаснам како е всушност поврзано.