Македонски форум за електроника
Аналогна електроника => Сè останато => Topic started by: alex on 23.05.2010, Sunday, 20:31:12
-
решенија за изолација
1. со трансформатор 1:1
Ова е добро решение, намален е шумот а и сигналот е скоро недопрен (квалитетот на сликата е ист)
(http://www.mediafire.com/convkey/98db/schzk4gus1lkp89zg.jpg)
2. со два кондензатора
Кондензаторите ги пропуштаат фреквенциите на кои се носи корисниот сигнал, а брумот од 50hz е намален скоро на минимум. Двата кондензатора мора да се минимум за 250V AC (400V DC).
Принципот на работа е тоа што, за ниски фреквенции колото има висока импеданса, а за фреквенции каде што е корисниот сигнал има ниска импеданса.
(http://www.mediafire.com/convkey/b9c8/eupf2ldjqjzlyohzg.jpg)
3. со изедначување на импедансите
За да се избегне случајот со неизедначени импеданси на влез и излез кај одредена трансформација на сигналот, се користи ова коло. На влез и излез се користат преобразувачи на импеданса (англиски: baluns) кои импедансата ја дигаат на одредена вредност (во случајот 300 ома) и потоа ја враќаат на 75 ома.
(http://www.mediafire.com/convkey/fd79/0fpbi539tlsyzmrzg.jpg)
доколку има некој дополнителни информации за решенијата, или некаква исправка нека пиши ;)
-
Од каде овие *решенија* затоа што мислам дека нема ниту едно да работи па дури и ќе го влоши сигналот/брумот ?
-
А зошто да не би работеле ?
што им фали?
мислам дека со кондензаторите е убаво решение
-
Па и трансформаторот е добро решение, јас баш имам проблем со напонот на масата на кабелот од кабелската телевизија, напонот е преголем во однос на заземјувањето на постоечката трофазна напојувачка мрежа, а бидејќи PC-то ми е врзано со модемот преку USB кабел, масата од кабелската е маса и на куќишето на PC-то, па секој пат кога ќе го допрам PC-то, ме „мава“ струја.
Не се лоши идеиве, ќе пробам некоја од нив, па ќе видам како функционираaт ;).
-
Кондензаторите можеби ... незнам за таа идеја, но првата, зошто би додавале уште еден трансформатор кога во ТВ уредот веќе има еден ? Ништо не постигнуваме.
Ова со импедансите е тотално неточно и смешно. Доколку импедансата е точна т.е. 75 оми, со нејзино менување и повторно враќање на 75 оми донесуваме само грешка во системот ништо повеќе.
-
Чим човекот се потрудил и нацртал шема тоа значи дека ја применил и во пракса и од истата е задоволен иначе не би цртал шема која не работи добро така да јас ке ја направам шемава бидејки е доста корисна работа.
-
Кондензаторите можеби ... незнам за таа идеја, но првата, зошто би додавале уште еден трансформатор кога во ТВ уредот веќе има еден ? Ништо не постигнуваме.
За ова во право си, не е баш трансформатор, но може на некој начин да се каже дека е. Но што правиме со мојот случај. Во кабелските модеми нема трансформатори или било каков друг тип на галванска изолација од каблеската мрежа, а и да имаше, ќе имаше само на жилата по која се носи сигналот, а не и на масата. Ова е проблем, бидејќи баш на ширмот, односно масата на коаксијалниот кабел, напонот е некаде околу 40V (верувале или не) над напонското ниво на „земја“ (добро, барем кај мојата кабелска инсталација, претпоставувам дека едноставо сигналот е прејак, друго објаснување не можам да најдам). Баш поради овие причини, некое од овие решенија е супер за моите потреби, т.е. да не ме „лупа“ струја секој пат кога ќе го допрам куќиштето.
-
Чим човекот се потрудил и нацртал шема тоа значи дека ја применил и во пракса и од истата е задоволен иначе не би цртал шема која не работи добро така да јас ке ја направам шемава бидејки е доста корисна работа.
Верувај дека не е баш како што велиш. Само после доволно долги експериментирања може нешто да се кажи со сигурност. Јас со сигурност кажувам дека (во врска со третиот дел) зголемување/намалување на импедансата само го покварува првичниот сигнал како и првичната импеданса. Ова го тврдам затоа што практично сум се уверил дека е вака и не верувам дека една сликичка ќе ми го разубеди мислењето.
Кондензаторите можеби ... незнам за таа идеја, но првата, зошто би додавале уште еден трансформатор кога во ТВ уредот веќе има еден ? Ништо не постигнуваме.
За ова во право си, не е баш трансформатор, но може на некој начин да се каже дека е. Но што правиме со мојот случај. Во кабелските модеми нема трансформатори или било каков друг тип на галванска изолација од каблеската мрежа, а и да имаше, ќе имаше само на жилата по која се носи сигналот, а не и на масата. Ова е проблем, бидејќи баш на ширмот, односно масата на коаксијалниот кабел, напонот е некаде околу 40V (верувале или не) над напонското ниво на „земја“ (добро, барем кај мојата кабелска инсталација, претпоставувам дека едноставо сигналот е прејак, друго објаснување не можам да најдам). Баш поради овие причини, некое од овие решенија е супер за моите потреби, т.е. да не ме „лупа“ струја секој пат кога ќе го допрам куќиштето.
Можеби кај тебе е како што викаш или прејак сигналот (али нешто невероватно прејак) или пак инсталацијата на кабловската не им чини или некаде по бандерите допира некоја фаза :)
-
Телевизиските (и кабловски) инсталации скоро секогаш имаат некој потенцијал кој се добива некаде низ патот каде се носи сигналот (од некој уред, неквалитетна инсталација за заземјување и слично). Ова е верувале или не редовна појава. Ако сака некој да проба (со претпазливост) нека го допре кабелот на оклопот од коаксијалниот кабел и нека допре на заземјување. Некаде едвај ке се осети напон а некаде (недај боже) може да осети дури и над 100 волти!
Околу шемите: Првата мислам дека е добра но ќе треба специфичен ВФ трансформатор или да се проба со проба и преправка да се направи рачно дома. Втората шема мора да се употребуваат исклучиво керамички кондензатори и ќе работи но мислам дека е малку полошо од првата шема. Третата шема може ќе работи но мислам дека идеата со подигнувањето на импедансата на 300 оми и пак назад на 75 оми е направено од друга причина а тоа е слабеење на сигналот низ обичен коаксијален кабел. Имено кабелот Twin-Lead (од 300 оми) од старите кои се употребуваа порано за антени има многу помало слабеење од коаксијалниот кабел и со тоа може да се пушта на поголеми далечини без засилување. Проблемот е што не е оклопен и ќе собира пречки. Порано немало многу извори на пречки и не било тоа голем проблем. Денес за жал ако употребиме ваков кабел сликата би била со пречки значи последната шема денес би била скоро неупотреблива.
-
Можеби кај тебе е како што викаш или прејак сигналот (али нешто невероватно прејак) или пак инсталацијата на кабловската не им чини или некаде по бандерите допира некоја фаза :)
За брановата форма на сигналот, не сум видел, а ако „фаќа“ до некоја фаза ширмот или ако е до лоша инсталација како што викаш ти и BоrceBT, по некоја логика најверојатно ќе се покаже синусоида (можеби малку изобличена) на осцилоскоп ;).
Ај ќе гледам утре или задутре ако можам да измерам па да post-ирам слика ;).
-
Напонот кој што постои на кабловската мрежа не е случаен - од допир на фаза, дефект на уред и сл.. Тој напон постои заради напојување на засилувачите на сигнал кои ги има на одредени места во кабелската мрежа.
На кабелските оператори не им се исплати за секој засилувач да бараат приклучок на струја од ЕВН, па си имаат направено сопствен систем за дистрибуција на струја преку антенските кабли. Во одредени точки од мрежата („нодови“) имаат приклучок на струја, и од таму ги напојуваат околните засилувачи. Вредноста на тој напон треба да е точно 75 V 50 Hz, ама поради повеќе причини како што се пад на напон, неправилно заземјен извор и сл. многу варира, па, како што кажа Борче може да отиде и над 100 V.
Сега околу решението за галванска изолација:
Шемите со трансформатор и со кондензатори ми се испробани, и можам да кажам дека таа со кондензаторите доста го слабее сигналот. Онаа со трансформаторот изгледа подобра - кај мене и таа го ослабна сигналот ама мислам дека со правилно изработен трансформатор - одредено јадро, број на навивки, тип на жица.. ќе работи. Или не???
Јас имам едно уникатно решение направено, ај малце покасно ќе го нацртам и прикачам.
-
Од моето искуство до сега, можам да кажам дека втората шема со кондензатори е најчесто употребувана, не само како алтернативно решение, туку и како трајно решение кај голем дел од производителите на телевизори. Голем дел од производителите на самиот влез на антенскиот приклучок имаат кутивче во кое има три керамички кондензатори (најчесто биле 3), на кој целта им било галвански да го одвојат антенскиот приклучок од шасијата на телевизорот. Имало случаи кога некој мајстори го одфрлале овој додаток од антенскиот приклучок со неточната теза дека заради овие кондензатори се влошува квалитетот на сликата и потоа се чуделе зошто пола телевизор им е експлодиран ;D ;D ;D...
Другото решение со трансформатор во однос 1:1 е добро замислено решение, мо мислам дека е малку комплицирано за изработка од х причини...Веројатноста да дојде до грешка е многу поголема него кај онаа со кондфензаторите...
Третата и последна ми делува некако како најлоша, заради причините кои ги наведоа и претходните членови во погорните постови :))
-
Од моето искуство до сега, можам да кажам дека втората шема со кондензатори е најчесто употребувана, не само како алтернативно решение, туку и како трајно решение кај голем дел од производителите на телевизори. Голем дел од производителите на самиот влез на антенскиот приклучок имаат кутивче во кое има три керамички кондензатори (најчесто биле 3), на кој целта им било галвански да го одвојат антенскиот приклучок од шасијата на телевизорот. Имало случаи кога некој мајстори го одфрлале овој додаток од антенскиот приклучок со неточната теза дека заради овие кондензатори се влошува квалитетот на сликата и потоа се чуделе зошто пола телевизор им е експлодиран ;D ;D ;D...
хахахахах ;D ;D ;D, секакви типови на луѓе ќе начекаш ;D. За определени работи, морам да кажам дека биле ставени залудно, како на пример 1000 шрафови на систем или некаков друг уред, како да ќе биде дел од џамбо џет ;D. Ама барем за вакви работи, треба малку да се размисли пред да се вадат такви работи и да се прогласуваат за непотребни ;).
Back On Topic. Треба да се испробаат, да се види со која ќе има најдобри резултати, но 1:1 трансформатор е малку тешко да се најде, и како што кажаа определени членови, ќе треба рачно да се изработи. Ако случајно некој го изработи тоа решение, нека пише какви резултати дава и како го изработил трансформаторот ;).
-
За да се испита третото *решение* ќе треба уред кој се вика антенски анализатор кој што го анализира gain-от на антената како и нејзината ипеданса. Доколку има некој таков (затоа што е малку скапичок) може да се испита дали воопшто тоа чудо ќе работи (мој став е дека е тотална смешка, исто како што би било да земеме едно црево со него да полниме буре а потоа од бурето да влечеме вода со црево за да можеме да ја користиме).
-
Погоре ја спомнав употребата на третата шема, мислам дека не е првичната намера изолација туку употреба на Twin-Lead 300 омски кабел наместо коаксијален за дистрибуција.
-
И што ќе се добие со тоа ? Само повеќе пречки.
-
„Good condition 300 ohm twinlead actually has less UHF attenuation/ft than most coax.“
Извор:
http://www.avsforum.com/avs-vb/showthread.php?s=119d75c427c74179f0ea70a9e0f9da58&p=13561230#post13561230
-
„Good condition 300 ohm twinlead actually has less UHF attenuation/ft than most coax.“
Ова е интересно
-
Еве го решението што го споменав во некој од претходните постови:
(http://www.pic.mk/thumbs/kablovskas.jpg) (http://www.pic.mk/?v=kablovskas.jpg)
Значи се состои во лепење на селотејп лента оклоу машкиот конектор (кондом:). На овој начин се формира кондензатор од машкиот и женскиот приклучок со селотејп како диелектрик:)).Ја измерив и вредноста, не се сеќавам точно ама мислам дека околу 150 nF беше.
Зачудувачки, ама од сите овде споменати начини, овој кај мене најдобро функционираше, скоро без загуби имаше сигнал.
Најбитно е ова да се направи на влез во ТВ приемникот - значи да не се прави на друго место на патот на кабелот, туку баш на влезот да се искористи постоечкиот женски приклучок на ТВ.
Не сум сигурен зошто е ова така, ама најверојатно при оваа галванска изолација, сигналот после изолацијата е поподложен на пречки, бидејќи ја нема оригиналната „маса“, па затоа треба тоа да е што поблизу до ТВ.
Пробајте па кажете за искуството ...
-
Го проба некој методот со селотејп, ништо не кажавте :( :( :(
-
Никој нема пробано, јас немам кабловска ( имам 2 сателитски така да не ми треба )
сликата ми е стакло така да немам потреба од вакви работи ;D
-
Ни јас не сум пробал, зафатен бев, скенирав книга (радувајте се, знаете која е ;D). Кога ќе завршам со тоа, дефинитивно ќе пробам, ама само на модемот, не ми треба на телевизорот, ако модемот може да се конектира на серверот и на тој начин, ова решение ќе ми го тргне проблемот со струјните удари ;D.
-
Јас користам варијанта на шемата со кондензатори. Тоа ми е копија од оригинал TV.
На жешкиот крај има кондензатор од 100pF/2kV.
А на масата два исти такви, наместени симетрично/дијагонално околу "цилиндричниот" профил на коаксијалниот приклучок.
Малку го слабее сигналот, но за кабловска работи супер, не се осеќа.