Променлив извор на наизменична струја и напон

[Devil]

Потребна ми е шема идеа нешто што било како да направам променлив извор за напојување ама да биде наизменичен
На излез ми  треба наизменичен сигнал од 1- 30V AC
имав идеа да се користи тријак, ама таа отпаѓа пошто стандарден тријак почнува да работи на напон од 50V
идеа ми е да направам напојување со LM317 за еднонасочен напон кој ќе треба да контролира еден транзистор/ мосфет нешто кој ќе регулира напонот кој ќе врви низ него 
така некако ми е замислата

[Goce]

Промена на наизменичен напон можеш да направиш со вариабилен автотрансформатор

[BorceBT]

Не ми е јасна замислата, во втората реченица зборуваш за DC напони, што ќе ти е 0-30V AC, за да направиш да не лечува тријакот? Тоа може да го направиш со негативен напонски импулс (за да исклучи тријакот). И не е точно дека тријакот почнува да работи на 50V, тријакот работи и на 5V меѓутоа има пад на напон од 1-2 волти што за ниски напони (12V) е скоро неупотребливо и заради тоа наместо него се користат мосфети или релеи.

[Devil]

Мене ми треба извор на наизменична струја и напон, а DC напон ќе се користи за контрола и за поларизирање на  мосфетот.
LM317 го спомнав бидејќи со него ќе се контролира мосфетот низ кој треба да поминува наизменичната струја.
замисла е вака
да направам напојување со LM317. На излез од ова напојување ќе ставам BUZ11.
Гејтот G од мосфетот ќе биде приклучен на излез од напојувањето. А на дрејнот D ќе донесам наизменичен сигнал. Од сорсот ќе излегува тој сигнал
И во зависност од промената на напонот на гејтот на мосфетот ќе се менува и наизменичниот сигнал.
Ако стигнам после ќе нацртам како ќе изгледа сето тоа 

[BorceBT]

Јасно ми е, сакаш да ја регулираш амплитудата на наизменичната струја но тоа нема да биде добро така. Мосфетот кога го користиш како променлив отпорник има два проблеми: 1. Многу ќе се загрева и ќе губиш на ефикасност 2. Бидејќи струјата зависи од отпорот но и напонот ниските напони на синусоидата ќе бидат многу ослабени а повисоките нема да бидат, значи вршиш хармониски изобличувања на наизменичната струја. Бидејќи и така имаш хармониски изобличувања со твојата идеа би ти трепорачал едноставна финта а тоа е да ставиш димер (за сијалици) на обичен трансформатор и да видиш како ќе менува и дали ќе биде добро.

[Devil]

мислиш димер со тријак ?
ако е таков имам а ако е како оние само потенциометар што имаат или од што се веќе немам .. ќе треба да набавам па да испробам

[BorceBT]

Да, димер со тријак, обичен за сијалици. Пробај и кажи како ќе работи во твојот случај.

[Devil]

Не работи така со овај димерот :S
некое друго решение ?

[BorceBT]

Хммм, имам една „идеа“, вака: поврзи 2 трансформатори (примарите нивни) редно. Првиот трансформатор ќе ти ги дава потребните 0-30V AC во зависност од оптеретувањето на долниот трансформатор. Долниот трансформатор може со грец да го оптеретуваш со отпорник и DC регулатор. Пробај ја оваа идеа.

[Devil]

нешто поедноставно ?
со некој регулатор не може ?

[BorceBT]

Ти сакаш чиста синусоида, ваљда не сакаш да правиш мосфет засилувач за 50Hz и да го појачуваш Volume за да го менуваш напонот, така?

[Devil]

не бе шо ќе ми е тоа, уште посложено ќе биде така

[BorceBT]

Пробај вака може ќе има некаква регулација а и како идеа ќе може не да се замени ама за тест барем да се замени варијакот.

[deophorant]

Devil пиши ако сакаш повеќе информации за карактеристиките на уредот па ќе смислиме нешто.
Пр:
1. 30V AC чиста синусоида?
2. 30V амплитуда или ефективна вредност?
3. Сакаш регулација на ефективната вредност на напонот или на амплитудата (дали мора да е чиста синусоида или битна е ефективната вредност) ?
4. За која моќност станува збор (која струја) ?
5. Мора да има галванска изолација од мрежа или не?

Да не збориме на памет патем пиши и за што би го користел уредов па можеби ке смислиме некое поедноставно и поевтино решение.

Поздрав

[Devil]

30V ефективна вредност, регулација на напон моќнос да е барем 50W на 30V излез, не мора чиста синусоида , сега да не е иглест сигнал
пошелно е со галванска изолација , не сакам да скокам од стол
идеата беше претходно за експериметирање со напојувања и со некој трансформатори
ама може да се најде и за нешто друго