Изработка на плочка со фломастер

[eptenstrucnak]

Имам едно прашање до оние кои знаат да прават плочка со фломастер.
Не ми е јасно кој дел од плочката треба да се нацрта со фломастерот, оној дел од плочката каде што сакаме бакарот да отпадне или каде што сакаме остане, и после во каков раствор се става.
Почетник сум во електроника па доколку сака некој нека ми објасни!!! 
Позз.

[Zdravkovski]

треба да се нацрта оној дел на кој сакаш да ти остане бакарот но мора да бидеш внимателен затоа што некои маркери не можат да издржат во растворот и така се ќе ти се нагриза и ќе ти отиде плочката во АУТ  .
А за раствор користи солна киселина и хидроген.

[Georgi]

Барај алкохолен фломастер.

[LordZi]

Овие денешните фломастери се катастрофа во споредба со оние што ги имаше пред десетина години и ретко да најдеш некој доволно добар за правење плочки, во секој случај пред да правиш нешто пробај нацртај со фломастерот неколку линии на некое отпадно парченце пертинакс да видиш дали ќе го биде или не, да не си ја упропастиш целата плочка после.
Растворот во домашни услови најлесно се прави од 2 дела солна киселина (ја има во секоја продавница) и 1-1,5  дел 12% хидроген (го има во секоја аптека), прво во пластичен сад се става киселината, се става плочката во киселината, па се додава хидрогенот.

[GigaWatt]

Во врска со фломастерот, ако можеш да најдеш едни Кинески, MediaX се викаат, по правило се користат за потпишување на дискови, ама одлични се и за плочки .

[eptenstrucnak]

А  ти користиш Mediax??

[deophorant]

Секој перманентен фломастер би требало да заврши работа.

[eptenstrucnak]

А до колку пари се тие алкохолните?

[cekaj]

Околу 40-50 денари, треба да видиш убаво дали има мастило откако ќе нацрташ, ако не, пробај линијата (водот) да ја направиш со точки една до друга, за да пушти повеќе мастило. Ова важи за потанките линии оти можат да бидат растворени, па после дополнително треба да си ја средуваш плочката.

[GigaWatt]

А  ти користиш Mediax??

Да, MexiaX користам, мада искрено долго време немам правено плочки (со било каква постапка), али последен пат кога работев работев баш со овој маркер, остава многу убав дебел слој врз бакарот и е отпорен на растворот од хидроген и солна киселина . Малку поскап е од обичните маркери, околу 100 денари е, ама затоа одличен е, мене еден таков маркер ми трае околу половина година потпишувајќи дискови секој ден (backups). Го има низ неколку книжари, јас го купувам во Малиот Принц, една книжара во центарот на Скопје (ова не е реклама за книжарата, само кажувам каде се наоѓа и колку кошта ).

[eptenstrucnak]

Дома имам еден перманентен "edding 300" и мириса на алкохол, мислиш ли дека ќе сврши работа.
И уште нешто, хидроген треба 12% а колку % солна киселина треба, нема врска или колку повеќе толку подобро.

[nCounTr]

Јас бев земал две плочки од логинг и еден маркер од 80 денари, велам поскап е ќе биде подобар, кога земам цртам, ја ставам плочката во растворот и оп нема ниту маркер ниту водови само плочка без бакар  
Но потоа за втората плочка зедов лак за нокти и излезе добро со мала поправка на еден вод, на едно место излезе со мали дупчиња па морав да го поправам со калај.
Инаку од тогаш си ја имам научено лекцијата и најдобро е со користење на тонер трансфер со Gloss хартија.
Среќа двослојните плочки со димензии 10на15 сантима беа 50 денари тогаш сега незнам колку се.

[eptenstrucnak]

Добро тоа но не ми кажавте колку постотна солна киселина да користам.

ја ставам плочката во растворот и оп нема ниту маркер ниту водови само плочка без бакар

Жал ми е за плочката .

[cekaj]

Јас знам еден рецепт со 17% ама да ти кажам не игра многу улога солната киселина.. Таа служи само да го „разблажи“ влијанието на хидрогенот.. Можат да се изработуваат плочки и само со хидроген но со помала концентрација.

[eptenstrucnak]

Можат да се изработуваат плочки и само со хидроген но со помала концентрација.

А дали може само со хидроген со околу 3 до 4% (да не ставам солна киселина)