Mи треба проводен лепак

[GigaWatt]

Баш сега пробував нешто со графитен прав и Neostik, ОК е смесата, само што треба многу брзо да го додадете правот за да не се усуши Neostik-от и треба да се стави многу прав, на пример, волуменски околу 5 пати повеќе од тоа што се ставиле Neostik (можеби и грешам за односов, можеби треба и повеќе од ова да се стави, ставете колку што мислите дека треба, колку повеќе толку подобро, само да не биде прегусто ). Графитниот прав го правев од HB молив со шмирглање на ситна водена шмиргла. Го измешав се ова и за живо чудо, проработи , мерев со унимер, околу 30 или 40 оми отпор има, ама на кратко растојание, околу 1mm, што е повеќе од доволно ако преспојувате со додатен проводник (краткоспојник) . Може и вака да ги поправам водовите, ќе видам, некој начин сигурно ќе искористам, морам да ја средам тастатурава :S.

[Devil]

графитна прачка имаш и во батерии, мислам дека со неа би требало да има помал отпор, пошто тоа во моливите начесто е некоја смеса

[GigaWatt]

Ама во алкални или во оние обичнине? Бидејќи мислам дека имам вадено од оние обичнине графитни мини (оние што се 4 за 20 на пазар ), а за алкалните, не знам :S.

[ivica.s]

Ама во алкални или во оние обичнине? Бидејќи мислам дека имам вадено од оние обичнине графитни мини (оние што се 4 за 20 на пазар ), а за алкалните, не знам :S.

Во обичните, во алкалните мислам дека нема графит.

[GigaWatt]

Во обичните, во алкалните мислам дека нема графит.

Ај баш ќе пробам и од нив да извадам, колку што ми текнува, во нив графитот беше најмек, а мислам дека тој има најголема проводност (поправете ме ако грешам ).

[donis92]

зошто ми беше избришан постот???

[DX-er]

зошто ми беше избришан постот???

Зошто?
За тоа што рекламираш фирма, а комерцијалните реклами се против правилата.

[donis92]

океј извини, нема да се пофтори

[GigaWatt]

Вака сега, го купив овој проводен лепак:

Code: [Select]

http://www.ebay.com/itm/Repair-DIY-No-Soldering-Iron-Solder-Wire-Glue-/370564995928?pt=BI_Electrical_Equipment_Tools&hash=item5647651b58
И функционира . Супер си работи . Ме чинеше околу 5 долари (250 денари) но си ја средив тастатурата . Еве, сега со неа куцам . Само што треба уште да се подмачкаат дирките, ама нема везе, тоа е лесна работа, ова беше потешката .

Така да, кој си има проблем со вакви работи (нешто што не може да се леми), ако може нека нарача од ebay, лепаков е супер . Одлично лепи и се суши, само што е кршлив, не станува како силикон на крајот туку станува кршлив :S. Се суши релативно брзо (за околу 5 мин), така да, не го оставајте отворено капачето, бидејќи ќе ви се исуши лепакот . Проводноста му е голема, ама кога ќе се исуши, кога е течен не јавува скоро никаква проводност :S. Ќе почекате да се стврдне и тогаш мерете . Мислам дека е на база на графит (иако во упатството за употреба пишува дека е на база на некои карбонски материјали, искрено, не ми се верува).

Ако лепите водови од тастатура, нанесувајте го лепакот со четкичка од римел (она што жените што го стваат на очи ), четкичката е многу тенка и ептен добро се нанесува со неа , дури и на многу тенки водови (јас корегирав вод со дебелина од околу 0.2 или 0.3mm со четкичката без поголеми проблеми ).

Со лепаков можете да корегирате и графитни контакти (било какви), цената не му е превисока, а количината што ја добивате е голема (има доволно за 100 или 200 далечински управувачи да ги репарирате целосно ). Така да, ако некој има сличен проблем на мојот, топло му го препорачувам лепаков .

[stefanstip]

Како го порача од ebay,нели не можеше или грешам

[Bojan]

Како го порача од ebay,нели не можеше или грешам

може ако имаш paypal...иначе јас му го порачав, за еден месец скоро стигна