За проектот
Овај проект беше направен „по нарачка“ на татко ми, па и мене ми изгледаше интересен па го направив. Изработката на плочката заедно со лемењето и ставањето во кутијата беше околу 3 часа, повеќе изгубив време во антената. Требаше да се сечи парче алуминиум 15х15 цм и антена (алуминиумска шипка) од 15 цм па нагоре. Во случајов мојата е 25 цм од кои околу 5 цм се во кутијата, за стабилност. Имав некои проблеми со дупките кај потенциометарот и тримерот - беа на различно растојание од пиновите, па ги проширував. Исто така имав некои грешки во ППК - на шемата од еден претходен терамин, имаше еден отпорник повеќе, па на грешка сум оставил место за тој отпорник, но во оваа верзија, тој е непотребен. Исто така, можете да забележите дека на шемата имаше 12 отпорници но во мојот терамин имаше 15. Причината беше дека немав отпорници по 270kΩ, па ставив сериски од по 220kΩ и 47kΩ што е приближно 270kΩ.
Опис на колотоОвај склоп има две интегрирани кола познати како „хекс инвертери“ кои се користат за основните функции на тераминот. Тие се CMOS (Complimentary Symmetry Metal Oxide Semiconductor) кола кои се користат во дигиталните кола за изведување на логичката функција „инверзија“. Секое ИК содржи шест идентични секции, од каде што доаѓа името „хекс инвертер“.
Секциите А и B на интегрираното коло U1 заедно со R1, R2 и C1 формираат променлив осцилатор кој работи на фреквентен опсег од околу 73kHz. Антената формира половина од променлив кондензатор кој е дел од одредувањето на фреквенција на осцилаторот, а раката на корисникот ја формира другата половина. Како што се менува растојанието помеѓу раката и антената, така се менува и капацитивноста, па така се менува и фреквенцијата на осцилаторот. Секцијата C од U1 обезбедува доволно струја на излезот од променливиот осцилатор, за да обезбеди изолација од останатиот дел од колото.
Секциите А и B на интегрираното коло U2 заедно со R11, R12, RV1 и C9 го сочинуваат внатрешниот осцилатор на тераминот, прилагодувани со потенциометарот PITCH ZERO CONTROL (Контрола на висина на тонот) и тримерот ZERO CAL (Нагодување на фреквенција). Тримерот RV1 е вграден на ППК и се користи за нагодување на фреквенцијата на внатрешниот осцилатор. Со соодветно нагодување на RV1, фреквенцијата на внатрешниот осцилатор ќе биде еднаква на фреквенцијата на променливиот осцилатор (надворешниот осцилатор), со раката најдалеку од антената. Под овие услови врската на двата осцилатори ќе биде константна, па кога раката е далеку од антената, уредот нема да дава звучин сигнали. Секцијата C од U2 обезбедува доволно струја на излезот од внатрешниот осцилатор, за да обезбеди изолација од останатиот дел од колото. Останатите 3 секции од U2 не се искористени, па затоа нивните излези се поврзани кон маса.
*Текстот е преведен од оригиналната страна:
http://harrisoninstruments.com/101/101_schematic.html
ППКhttp://rapidshare.com/files/418026437/theremin_101.LAY
СликиВидеоMinimum Theremin 101 by cekaj