Читам на интернет дека многу луѓе прават модификации на програматоров. Колото CH341A се напојува со напон од 5V, значи и на излезните пинови го има истиот напон, со што може да се оштетат чиповите што работат на 3.3V. Според шемата, напонот за напојување на чипот што се програмира е 3.3V, но на пиновите за програмирање има 5V.
Ова исто така не е добро за чипови што работат на 5V, како на пример 24Cxx или 93Cxx eeprom-и.
Би било добро да се стави џампер за префрлање на 3.3V или 5V. Сеуште размислувам каде би било најдобро да се стави џамперот и како да се поврзе. Ако имате предлози, повелете, изјаснете се. ![Cheesy :D](http://elektronika.mk/Smileys/default/cheesy.gif)
Не знам, до сега мене не ми зезнал ниеден чип. Претпоставувам бидејќи голем дел од чиповите имаат внатрешни заштити од overvoltage и напонски делители во нив.
Може да се изведе со напонски делител на пиновите за програмирање, ама за тоа треба доста преправки да се прават... практично, ќе треба нова плочка да се изработи со преклопник или џампер за избирање на напонот за програмирање.
Мене тоа ми текнува од хардверски аспект. Треба да се разгледаат спецификациите на CH431A и да се види дали може со команда преку драјверот, на излезите да дава и 3.3V. Тоа би било многу полесно. Во тој случај, само софтверот за програмирање ќе треба да се модифицира. Прашањето е, дали хардверски чипот нуди таква опција и дали драјверите имаат таква опција (бидејќи не се open source и не можеме да видиме баш како функционираат). Можно е за Linux да има некој open source driver model за овој чип, врз база на хардверските спецификации, ама пак, тоа значи дека некој треба да го разгледа кодот и да го преправи за под Windows или било кој друг оперативен систем.
Се ова е „ако“... практично, најсигурна, од овој аспект (но и најкомплицирана... барем за мене, за кого како), би била хардверската преправка.