Други технологии > Електроенергетика

Правилна побуда на SCR

<< < (2/3) > >>

GigaWatt:
Е да, малку е хаос :D.

Го корегираше? Да препрочитувам или ??? :)?

KiloVolt:
Не, секако гледам дека нема одговори....  :-\

GigaWatt:
Дента кога го прочитав бев уморен, потоа нешто друго работев и пак не можев (реално... не сакав :P :D) да се прешалтам со паметот тука.


--- Quote from: KiloVolt on 04.02.2019, Monday, 21:05:46 ---Да не забегувам многу, дали мислите дека е соодветно да имам 5В изолирано напојување само за побудата, преку оптика.
--- End quote ---

Ако планираш да побудуваш со микроконтролер не би рекол дека е премногу. Ако планираш да побудуваш со некое друго интегрирано коло... зависи од колото. На пример 555 е прилично издржливо на варијации во напон, така да, не би сметал дека е апсолутно неоподно да ставиш оптокаплер за изолација од високонапонскиот дел. За микроконтролер, да, би се сложил дека е неопходно.

Се разбира, важна е и намената и условите во кои ќе се користи тоа коло. Ако е за индурстриска намена или во екстремни услови (надвор, дожд, снег, ветар), да, дефинитивно е неопходно користењето на оптичка изолација на високонапонскиот дел од нисконапонскиот, без разлика каков тип на коло се користи за контрола. Освен тоа, кога станува збор за вакви типови на дизајни (наменети за екстремни услови на работа или индустриска употреба), пожелно е, каде може, да се избегнуваат SMPS напојувањата или напојувања изведени директно на мрежен напон (без галванска изолација). Тоа значи дека, во случај да користиш микроконтролер, обично трансформаторче, грец, кондензаторчиња и стабилизаторче 7805 е сосема солидно решение за напојување на колото за контрола. Од друга страна, SMPS напојување не би го издвоил како солидно решение... пред се поради фактот што самото напојување, иако помало по големина, има повеќе електронски компоненти во него отколку класично напојување, а освен тоа, во однос на долговечност, се има покажано дека SMPS напојувањата се далеку пократковечни во однос на класичните напојувања. SMPS се користи само каде што мора и во домашни уреди. Исто така, во уреди за индустриска употреба и/или екстремни услови на работа, не треба да се разгледува ни под разно директно напојување од градската мрежа (оние напојувањана решени со пластичен кондензатор, диодичка, електролитче и една зенерка... како што ги правеа за домашние изведби за LED осветлување или некое слично уредче кое не влече многу струја). Тоа може, ама само ако е за дома и ако не работи постојано. За континуирана работа... ни под разно!


--- Quote from: KiloVolt on 04.02.2019, Monday, 21:05:46 ---како би изгледало соодветно коло за побуда на SCR што би било имуно на (сметњи) пречки?
--- End quote ---

Од страната на контролата... па и не мора да има, и онака е галвански одвоена од високонапонскиот дел преку оптокаплер. Од високонапонската страна... мислам дека доволно би било да додадеш EMI филтер помеѓу анодата и катодата на SCR-ите (или анода 1 и анода 2... заборавив дали беа триаци или тиристори :P :D).


--- Quote from: KiloVolt on 04.02.2019, Monday, 21:05:46 ---Овој конкретен модул има вградено 16 оми отпорност од гејт во катода, па мислам дека не е многу захтевно, но бидеќи досега имам работено само мосфети и биполарни транзистори, се чуствувам несигурно во оваа област.
--- End quote ---

Не би знаел да кажам што точно функција има тој отпорник меѓу гејт и катода... не сум многу навлезен во висконапонска електроника и контроли.


--- Quote from: KiloVolt on 04.02.2019, Monday, 21:05:46 ---Исто така, никаде не можам да најдам, нели уствари SCR е Шоклиева диода со плус една електрода? Дали може да се побудува на ист начин, т.е. дали имате негде сретнато, вклучување со зголемување на dV/dt над дозволеното, со брза струјна заштита за да не се пречекори струјниот лимит на уредот?
--- End quote ---

Подобро да пишеш што точно сакаш да направиш бидејќи вака муабетот е „абе ова вака треба да биде, ама не е, е сега зошто онаквото со она таквото не сака да работи со оваквото“ ::). Добар почеток би бил, како сакаш да го побудуваш SCR-от. Знаеш дека е всушност струјно контролиран елемент, како и биполарниот транзистор, така?

И јас колку што знам SCR е диода со контрола... не ми текнува точно каква беше, треба да се потсетам (Шоклиева ???... или јас сум заборавил, или мислиш на Шотки ???), но важно е дека е диода со контрола. Не мора многу да навлегуваш во принципот на работа, освен ако не планираш да ги изработуваш ;). Доволно е само да ја видиш распределбата на полупроводничките слоеви во субстратот... а и тоа не е потребно за практично користење на SCR, туку ајде, да не речеш дека викам да не читате :P :D.


--- Quote from: KiloVolt on 04.02.2019, Monday, 21:05:46 ---Или вклучување со позитивен пренапон анода-катода? Тогаш би можел да работи самостојно како еден вид напонски активиран прекинувач.
--- End quote ---

Не разбирам што сакаш да кажеш со ова... можеби сакаш да направиш напонска контрола ???.

Види, генерално, скоро секогаш кога станува збор за контрола, размислуваме од аспект на напон (полесно ни е), така да, само на крајот вршиме „конверзија“ на колото од напонска контрола во струјна (практично, само се става еден отпорник и, тадаааа, струјна контрола ::)).

Малку ги преедноставив работите, но генерално, така е. Секоја идеја за контрола почнува со „овој напон оди нагоре, ова оди надолу“ ::)... така сме навикнати да размислуваме, преку напон. Затоа и аналогните кола со биполарни транзистори се тешки за опис. Еквивалентирај со струјни генератори, па ова па она ::)... „више дара него масло“ ;). Кај MOSFET, се е многу просто... особено ако станува збор за контрола. Дури и не мора да има никакви дополнителни компоненти, освен buffer отпорници... а и тие се поставуваат само за „изолација“ на колото за контрола од колото за прекинување ;).

KiloVolt:
Не бев со време доволно за да напишам добар одговор, па затоа доцнам.

Најпаметно ми е со некое 2-3 вати трафо мислам...
Пишува вака:
IH  Tvj=25°C typ./max.    150/250    mA
IL Tvj=25°C; Rg=33Ohm typ./max. 300/600 mA

Не знам кое од овие е за што, а не се поклопуваат вредностите никако. Страв ми е да не го оптоварам. Иако SCR имам слушано дека се многу отпорни на злоупотреба...


--- Quote ---Не би знаел да кажам што точно функција има тој отпорник меѓу гејт и катода... не сум многу навлезен во висконапонска електроника и контроли.
--- End quote ---
Гејтот бил премногу осетлив и на најмали струи и шумови, па ова е за да се намали осетливоста.


--- Quote ---Подобро да пишеш што точно сакаш да направиш бидејќи вака муабетот е „абе ова вака треба да биде, ама не е, е сега зошто онаквото со она таквото не сака да работи со оваквото“ ::). Добар почеток би бил, како сакаш да го побудуваш SCR-от. Знаеш дека е всушност струјно контролиран елемент, како и биполарниот транзистор, така?
--- End quote ---
Сакам да експериментирам со изведба на инвертер, кој теоретски со многу спори компоненти може да даде висока фреквенција. Тиристорот би го менувал поврзувањето на кондензатор, во едната позиција би го полнел од напојување, а во другата би го врзувал во резонантно коло каде што кондензаторот би ја исфрлил целата енергија и процесот би се повторил. Со два кондензатори и два тиристори, додека еден кондензатор би се полнел, другиот би резонирал и обратно, па би имале релативно константна излезна моќ. Ама прво ми треба нешто што знам дека правилно ќе го вклучува за да можам да експериментирам.

--- Quote ---И јас колку што знам SCR е диода со контрола... не ми текнува точно каква беше, треба да се потсетам (Шоклиева ???... или јас сум заборавил, или мислиш на Шотки ???), но важно е дека е диода со контрола. Не мора многу да навлегуваш во принципот на работа, освен ако не планираш да ги изработуваш ;). Доволно е само да ја видиш распределбата на полупроводничките слоеви во субстратот... а и тоа не е потребно за практично користење на SCR, туку ајде, да не речеш дека викам да не читате :P :D.
--- End quote ---
Shockley diode- a diode consisting of four alternating layers of semiconductor material (PNPN)
Се вклучува самата кога напонот преку неа е доволно голем.
Кога откриле дека ако низ последниот PN спој пуштиш струја, таа се вклучува на било кој напон, го откриле тиристорот.
Во овој случај, доколку би избрал соодветни тиристори, теоретски не би ми требало кочо кое кога ќе детектира одреден напон ќе ми го актовора тиристорот, што автоматски ја олеснува работата многукратно.
Не мислев на напонска контрола, туку на ова.

GigaWatt:

--- Quote from: KiloVolt on 24.02.2019, Sunday, 16:06:51 ---Сакам да експериментирам со изведба на инвертер, кој теоретски со многу спори компоненти може да даде висока фреквенција. Тиристорот би го менувал поврзувањето на кондензатор, во едната позиција би го полнел од напојување, а во другата би го врзувал во резонантно коло каде што кондензаторот би ја исфрлил целата енергија и процесот би се повторил. Со два кондензатори и два тиристори, додека еден кондензатор би се полнел, другиот би резонирал и обратно, па би имале релативно константна излезна моќ. Ама прво ми треба нешто што знам дека правилно ќе го вклучува за да можам да експериментирам.
--- End quote ---

Јас би пробал прво со оптокаплер... она што го имам на располагање. Ако го имаш тоа трафо на располагање, пробај со со него, ама оптокаплерите се евтини и може да се најдат скоро секаде ;). А и врз база на едно мое истражување во оваа тема, излезе дека оптокаплерите не се ни оддалеку толку осетливи како компоненти ;).


--- Quote from: KiloVolt on 24.02.2019, Sunday, 16:06:51 ---Во овој случај, доколку би избрал соодветни тиристори, теоретски не би ми требало кочо кое кога ќе детектира одреден напон ќе ми го актовора тиристорот, што автоматски ја олеснува работата многукратно.
--- End quote ---

Не би ти препорачал да го вадиш колото за контрола. Зошто? Ако решиш да ги смениш тиристорите со, на пример, некои појаки, целото коло ќе се разгоди. Ова не е добар инженерски пристап - работи, ама само со тие компоненти. Освен тоа, од кај знаеш дека сите производители ги произведуваат на ист начин овие компоненти? Карактеристиките во datasheet се идеален случај, најчесто, компонентите се со полоши карактеристики од оние пишани во datasheet (ова е ситуацијата во денешно време, за жал... порано, не беше вака). Исто така, ја занемаруваш температурната девијација. Овој напон најверојатно ќе се зголеми или намали на различни температури. Овие работи не се оставаат на случајност, особено кога станува збор за напојувачки секции. Се може да откаже, но не и напојувачката секција (барем кај добро дизајнирани уреди)... а да не го спомнувам и фактот што можно е да се смени излезниот напон... ова ептен не треба никогаш да се случи.

Твоја е одлуката, но колото за контрола на тиристорите, барем според мене, треба да остане.

Navigation

[0] Message Index

[#] Next page

[*] Previous page