Постојат повеќе софтвери за програмирање кои го поддржуваат JDM програматорот а најпопуларни два се ICProg и WinPic800. И двата се бесплатни.
Првиот можете да го симнете од овде:
http://www.ic-prog.com/icprog106B.zip
Вториот можете да го симнете од овде:
http://www.winpic800.com//descargas/WinPic800.zip
Начинот на работа со првиот (ICProg) ќе биде објаснет тука додека за начинот на работа со вториот (WinPic800) ќе мора да читате сами.
Пред да го стартувате ICProg пожелно е да го имате инсталирано специјалниот драјвер за сериски порт кој е направен за ICProg. Тој драјвер можете да го симнете од овде:
http://www.ic-prog.com/icprog_driver.zip
Фајлот icprog.sys го снимате во истиот фолдер каде што се наоѓа програмата ICProg.exe.
По стартувањето на програмата ви се појавува корисничкиот интерфејс кој би требало да е јасен:
Значи прво го подесувате хардверот:
Притискате F3 и во прозорецот избирате тип на програматор JDM, избирате Direct I/O интерфејс, сите чек боксови ги оставате празни (исклучени), избирате COM порт на кој ви е поврзан програматорот и подесувате I/O Delay. Овде е битно да се напомене дека I/O Delay помало од 3 не се препорачува, 5 би требало да работи на сите компјутери а ако не работи ќе пробате со 10. Засега оставете го на 5 а ако подоцна увидите дека работи и на 3 разликата е што ќе програмирате побрзо. Притискате ОК за да ги снимите промените.
Сега избирате Settings-->Options.
Во прозорецот го барате табот Misc и во него го избирате само чек боксот Enable NT/2000/XP Driver
Напомена дека ова е потребно доколку имате Windows NT, Windows 2000 или Windows XP. Доколку работите на Windows 98 (можеби компјутерот за програмирање на микроконтролери ви е постар) оваа опција оставете ја исклучена.
Со ова подесувањата се завршени. Исклучете ја и повторно вклучете ја програмата.
За да програмирате прво од листата избирате тип на микрокотролер (или EEPROM меморија доколку програмирате таква работа) и потоа со притискање на CTRL-O го избирате вашиот HEX фајл кој треба да го програмирате. Притискате F5 за да почне процесот на програмирање. Ако се е како што треба (правилно направен и поврзан JDM програматор, исправен микроконтролер, добро подесен програм, драјверот ставен и I/O Delay вредност пробана дека работи) тогаш би требало да добиете Verify Successful порака. Доколку Ви се случи грешка проверете се дали е во ред. Проблеми во програмирањето може да настанат при следниве работи:
1. Многу бавен компјутер или бавен сериски порт, пробајте зголемете го I/O Delay или дури пробајте Windows API наместо Direct I/O.
2. Серискиот порт на тој компјутер е многу слаб, пробајте на друг (пожелно постар) компјутер.
3. Користите сериски порт на лаптоп или користите USB to Serial конвертор. Која било од овие две комбинации нема да програмира воошто или ќе дава грешки при верификација.