Македонски форум за електроника

Останато => Алат => Topic started by: GigaWatt on 10.01.2016, Sunday, 06:03:28

Title: Универзални рачни и електрични алатки и алати
Post by: GigaWatt on 10.01.2016, Sunday, 06:03:28
Имам некаде post-ирано слика на форумов од ова „алатче“, ама не ми текнува каде. Пред некој ден некаде низ работилница го изгубив (кој знае каде сум го затурил во тој хаос ;D, најверојатно некаде е паднато, ама кој да знае каде ;D), па по таа иницијатива решив да си направам ново ;).

Еве неколку слики од новото „универзално алатче“ ;D.

(http://www.mediafire.com/convkey/a420/emfh3z544fnkj5izg.jpg)

(http://www.mediafire.com/convkey/f719/p445fkebx974ncrzg.jpg)

Тоа што претходно го имав, му имав направено потенка дршка, ама и оваа не е лоша ;). Инаку, алатот не е бургијата, ако некој случајно се збуни ;D, туку шилецот (иглата) на другиот крај од бургијата ;). До сега, барем за мене, имал буквално илјадници примени :).

Еве неколку слики кои прикажуваат за што се може да се користи ова алатче ;).

Чистење на вакуум пумпи ;).

(http://www.mediafire.com/convkey/6913/xe41hxqmuf49tblzg.jpg)

Вадење на осигурувачи на кулери... па и од многу други уреди ;).

(http://www.mediafire.com/convkey/c2f4/udnnlcuxtfj9akhzg.jpg)

Исправање на малечки ситни пластични клапни, држачи, итн. ;).

(http://www.mediafire.com/convkey/1be0/4c2ru3sipyss8jwzg.jpg)

Гребење на бакарни и други видови на метални повшини, вадење на гареж, киселина од батерии, чистење на оксидирани или оштетени водови, итн. ;).

(http://www.mediafire.com/file/n8pe8djhkbt880j/SDC15249.jpg)

Гребење на пластични затки, чепови, итн. ;).

(http://www.mediafire.com/convkey/405f/e3dua61iva3l6tlzg.jpg)

Голем дел од овие работи може да се прават и автоматски, со помош на гравирка или некој друг сличен алат, но понекогаш, прецизноста е пресудна, а се разбира дека прецизноста се намалува колку е потежок алатот кој се користи/држи (можно е да ви се лизне на страна и несакајќи да поткачите некоја компонента :S).


Е сега, што ви треба за да го направите ;).

1) Шипче со адекватна дебелина. Може буквално да биде било што (како што се гледа, јас имам искористено стара бургија ;D) и да има било каква форма. Всушност, пожелно е да нема кружна форма (за да не се лизга по работната маса), така да, шипчиња со шестоаголен, па дури и квадратен напречен пресек, би биле подобар избор отколку кружни. Шипчиња... па скоро од се може да извадите: оски од серво уреди од стари CD-ROM-ови, стари VHS плеери/рикордери, стари CD/DVD плеери, стари скршени шрафцигери... од кај најдете, од таму ;), само да ви одговара дебелината и должината. Околу должината... не можам да ви помогнам, варира од рака до рака, така да, ќе си определите врз база на фатот на вашата рака. Дебелината... пожелно е да биде подебело од 3mm, за подобар фат и полесна натамошна изработка и доработка ;).

И, се разбира, најважно е да е направен од метал кој може да се леми. Во принцип, тука спаѓаат скоро сите пораспространети метали (кои најчесто може да ги најдете во стари уреди, „фурда“): железо, челик, месинг, бакар, но не и алуминиум. Од моето досегашно искуство, најдобро е ако шипчето е железно. Доволно тврд е, а може и релативно лесно да се обработува (буши). Челикот е малку тежок за обработка, но затоа нема да имате проблеми со оксидација и дршката секогаш ќе ви биде сјајна. Бакарот е многу лесен за обработка и калај најлесно се фаќа на него, но мек е и знае да се свитка (ако малку појако стиснете со алатчево). Освен тоа, брзо оксидира, така да, не би рекол е најдобар избор за дршка на алатчево.

Алуминиумот не може да се леми (барем не со класичен калај), така да, за оваа намена, не ви одговара алуминиумско шипче... или или шипче од некоја легура на алуминиум (оние сивите легури што... колку што знам, правени се од метален отпад и кој знае што има во нив ::)). Лесно се познаваат алуминиумските шипчиња, лесни се и кога ќе пробате да ги сечете со шмишајбна, не летаат искри од листот на шмишајбната. И од бакарот не летаат, ама бакарот барем по боја се познава, а алуминиумот... може на прв поглед да личи и на железо, така да, не е лошо прво да проверите дали може да се леми ;). Ако не може, алуминиум е ;).

2) Дебела игла. Најдете ја најдебелата игла што ја имате дома и скратете ја до адекватната должина. Која е адекватна должина... не би знаел да ви кажам, повторно, ова е индивидуално, можеби некој ќе сака подолг врв, некој пократок... зависи. Во секој случај, не е пожелно да биде предолга иглата (малку да е скратена) бидејќи можно е да се свитка додека ја употребувате. Така да, најдобро е ако ја кратите по малку или скратете ја до некоја должина, па пробајте. Ако не одговара, скратете ја уште малку ;).

3) Моќен леткум ;). Во превод, пожелно е да имате лемна станица, но и леткум од... 60-тина вати би требало да заврши работа ;).

4) Бормашина и шмишајбна, или, уште подобро, шрафилица и гравирка со додаток за малечко шмишајбниче ;).


Е сега, како се прави ова алатче ;).

1) Ако шипчето е предолго, го скратувате до адекватната должина со помош на шмишајбната или гравирката со додаток за малечко шмишајбниче. Ако не знаете колку е доволно, скратувајте по малку и потоа поставете ја во рака дршката (шипчето), движете ја малку низ рака и видете дали ви одговара тежината и должината. Ако мислите дека е ОК, тоа е тоа ;). Ако не сте сигурни, не го скратувајте премногу шипчето, секогаш може да се оземе, ама тешко може да се додаде ;).

2) Бушите дупка со должина од 1cm до 1.5cm во средината на шипчето (не мислам на средината по должина, туку по напречен пресек... иако мислам дека е очигледно од сликите, но, за секој случај, да наведам ;)). Со колкава бургија... зависи колку е дебела иглата. Ако имате на располагање и шублер или (уште подобро) микрометарски винт, измерете ја дебелината на крајот од иглата (до каде што ја имате исечено), додадете уште 0.1 или 0.2mm и бушете со бургија со добиената дебелина. Ако не можете да најдете бургија со адекватна дебелина (на пример, ви излегла вредност од 1.3mm), бушете со наредната вредност која е „стандардна“ (во конкретниот случај, околу 1.5mm). Од моето досегашно искуство, најчесто доволно дебела е бургија од 1.5mm ;). И да има малку фазла простор, не е проблем, тој ќе се пополни со калај, а дури и да не се пополни, ако е добро фатен калајот со површината на дршката (шипчето) и иглата, верувајте, нема да мрдне иглата ;).

Најдобро е ако бушите со шрафилица на мала брзина (почнувате полека, нели, дур си направи бургијата лежиште), па потоа можете слободно да го стиснете копчето до максимум ;). Ако не ви е точно на средина дупчето, не е проблем, ова може подоцна да се искорегира ;), а и да не се искорегира, не е голем проблем ;). Бормашините се тешки и затоа не би ги препорачал за оваа намена. Од друга страна, гравирките имаат голем број на вртежи, така да, можно е лесно да се оштети бургијата, особено ако дршката е челична :S. Ако немате шрафилица (како мене ;D), ќе мора да ја ладите бургијата од време на време. Или вадете ја од дупката, почекајте да се олади и потоа пак бушете или ладете ја со моторно масло или вода (систем „капка по капка“ ;D).

Значи, најдобар (но и најспор ;D) избор е шрафилица, но во прицип, може да се користи било кој алат кој го имате на располагање, а е наменет за бушење ;).

3) Претходно скратената игла ја ставате во дупчето и проверувате дали должината и е адекватна. Ако должината не одговара, кратете ја по малку (2, 3mm) и видете кога ќе ви одговара должината ;). Кратете со помош на шмишајбна или гравирка со додаток за малечко шмишајбниче. Практично, ќе заврши работа и поголема цвикцангла, но, прво, тие ќе ја скршат иглата и не знаете кое парче каде ќе зврши :S (парчињата ќе се разлетаат на различни страни) и, второ, цвикцанглите најверојатно ќе бидат оштетени на местото на кое сте ја стиснале иглата. Ако се доволно големи, оштетувањето најверојатно ќе биде минимално и нема да пречи при работа, но ако се помали, можно е иглата да направи поголемо оштетување и практично, цвикцанглите да станат неупотребливи :S.

Околу летањето на парчиња кога иглата се скратува со помош на цвикцангла, ова лесно може да се реши ако едно од парчињата го држите со рака (она парче кое ви треба ;), каде што е врвот на иглата ;)), така да, треба да се грижите само каде ќе летне другото, но сепак, можно е да се случи да не го најдете, а бидејќи станува збор за челик, најчесто неправилно се кршат парчиња (не е мек метал и не се витка како бакар или железо) и можно е крајот кој сте го откинале да е остар и некој ден (не дај боже) несакајќи да стапнете или да се наденете на него.

Затоа, најсигурна опција при кратење на иглата е шмишајбна или гравирка со адекватен додаток. Ако немате при рака, позајмете од некој ;).

4) Ја ставате иглата во дупчето и лемите околу него ;), слично како да лемите компонента на плочка, но најверојатно ќе ви треба поголема стрпливост ;). Притоа, дршката се поставува вертикално и се држи со некој помошен алат (клештичка, „трето раче“ или нешто слично), но немојте да ја ставате дршката на менгеме. Менгемето одзема голем дел од топлината при лемењето, така да, можно е да не можете добро да ја залемите иглата за дршката.

Ако имате леткум со температурна регулација (лемна станица), најверојатно ќе треба го поставите на максимална температура (околу 400 степени). Кинеските "combo" лемни станици (SMD лемна станица со додатна обична лемна станица), обично одат до 480 степени, но оваа температура најверојатно е превисока. За овие лемни станици, 3/4 од отклонот на потенциометарот би било доволно ;). Ако има скала со температурни ознаки, поставете ја станицата на 400 степени и по потреба, подесувајте (повеќе или помалку).

За оние кои имаат обични леткуми или леткуми со регулација со триак, поставете го потенциометарот за контрола на триакот во максимална позција (максимална температура) и откако ќе се загрее леткумот, поставете го врвот до металната дршка (шипчето) и иглата за да почнат да се греат ;). Држете го врвот од леткумот во таа позиција едно 10-тина до 20 секунди. Ставете малку калај (кој содржи флукс, се разбира) и видете дали ќе почне да се леми целата конструкција. Ако сеуште не се леми, најверојатно не е загреана доволно. Можно е леткумот да ви е преслаб или да не сте ја грееле конструкцијата доволно. Загрејте ја целата конструкција пак (овој пак, подолго) и пробајте пак. Ако повторно имате проблеми, можно е да е проблематичен калајот. Купете поквалитетен калај или паралелно со калајот стопете и малку калафониум врз конструкцијата. Ако пак имате проблеми или ако калајот се фаќа само на иглата, но не и на дршката, најверојатно дршката е алуминиумска :S. Ќе треба да најдете друга. Затоа, најдобро е прво да пробате дали се фаќа калај на дршката пред да ја бушите ;). Со ова, ќе добиете и претстава од прилика колку време треба за да се загрее дршката ;). Калајот кој ќе се фати на дршката лесно може да се отстрани со вакуум пумпа или со шмишајбна за повторно да добиете рамна површина на која може да бушите ;).

Откако ќе ја залемите целата конструкција, оставете ја неколку минути да се олади (5 минути се повеќе од доволно) и ако ја држите со клештичка, гледајте да бидете што е можно помирни, барем првите 20-тина секунди за да може калајот убаво да се стегне за целата конструкција. По првите 20 секунди, можете да ја спуштите дршката на маса и да почекате целосно да се олади ;).


Па, горе долу, тоа е тоа. Ако имате некои прашања, идеи, итн., слободно пишете ;).

ПС: Оригиналниот наслов на темата беше „Универзално алатче“, но, подоцна темата си завзеде сопствен правец, така да, соодветно беше да се смени и името на темата ;).
Title: Одг: Универзално алатче
Post by: Z31GH on 10.01.2016, Sunday, 09:50:58
Гледам си го преврзал и прстот  ;D Од алатот ли е? 
Title: Одг: Универзално алатче
Post by: LordZi on 10.01.2016, Sunday, 10:23:12
За вакви работи незаменливи се забарските алатки, кој може да најде, има разни шила, полуги, шпакли и што не... После одреден број стерилизирања потемнуваат и не се повеќе за медицинска употреба, па ако го замолите убаво вашиот стоматолог може да добиете неколку бесплатно... ;) Исто така доста се корисни и хируршките хемостати, ги гледав на бувљак, за држење мутерчиња и сл. на недостапни места се незаменливи...
Title: Одг: Универзално алатче
Post by: batka on 10.01.2016, Sunday, 16:44:07
Добродојдовте во 2016 и пожелувам повеќе слични теми како ова на Лордзи!! Само напред,секој има некоја своја *цака* и добро е да се слушне за тоа на Форумов,
Title: Одг: Универзално алатче
Post by: LordZi on 10.01.2016, Sunday, 18:18:05
Си ме помешал со GigaWatt , негова е темата... :D
Title: Одг: Универзално алатче
Post by: GigaWatt on 10.01.2016, Sunday, 19:18:24
Quote from: Z31GH on 10.01.2016, Sunday, 09:50:58
Гледам си го преврзал и прстот  ;D Од алатот ли е? 

Хахахахах ;D ;D ;D, не, не ми текнува од што беше, ама не беше од алатчево ;D. Сликиве се сликани поодамна. Сакав да отворам тема за алатчево од поодамна, ама никако да стигнам, и сега, кога требаше да си правам ново, апро по тоа, си викам, ај веќе кога го правам, да ја отворам и темава ;).

Quote from: LordZi on 10.01.2016, Sunday, 10:23:12
За вакви работи незаменливи се забарските алатки, кој може да најде, има разни шила, полуги, шпакли и што не... После одреден број стерилизирања потемнуваат и не се повеќе за медицинска употреба, па ако го замолите убаво вашиот стоматолог може да добиете неколку бесплатно... ;) Исто така доста се корисни и хируршките хемостати, ги гледав на бувљак, за држење мутерчиња и сл. на недостапни места се незаменливи...

Да да, во право си ;). Ете, видиш, не ми текнало до сега ;). Ќе пробам ако можам да најдам ;).

А хемостати се оние што личат на ножици, ама всушност се како клештички на крајот? А имаат и краен дел за „заклучување“ во определена стегната позиција, така?
Title: Одг: Универзално алатче
Post by: LordZi on 10.01.2016, Sunday, 20:45:18
Quote from: GigaWatt on 10.01.2016, Sunday, 19:18:24
А хемостати се оние што личат на ножици, ама всушност се како клештички на крајот? А имаат и краен дел за „заклучување“ во определена стегната позиција, така?

Токму така... ;)
Title: Одг: Универзално алатче
Post by: batka on 11.01.2016, Monday, 00:02:53
Sorry GigaWat ! ;D Изгледа Божиќ не ме напушта лесно . 8) Се на се освен името ништо друго не повлекувам - да се знае! Добра тема!
Title: Одг: Универзално алатче
Post by: GigaWatt on 11.01.2016, Monday, 07:51:52
Хахаха ;D ;D ;D, нема везе, здрави и весели само нека сме сите ;).
Title: Одг: Универзално алатче
Post by: Z31GH on 12.01.2016, Tuesday, 18:48:11
Ваков алат користам и јас.  Еве ја мојата верзија на истиот, не е правен од мене, фабрички е. Принцип на пенкало. Го користам веќе 10 години и шилецот е секогаш остар и досега не сум го острел.

(http://i1086.photobucket.com/albums/j460/transkop/IMG_2014_zpsvuldj6ma.jpg) (http://s1086.photobucket.com/user/transkop/media/IMG_2014_zpsvuldj6ma.jpg.html)

(http://i1086.photobucket.com/albums/j460/transkop/IMG_2017_zpsaw4gb59p.jpg) (http://s1086.photobucket.com/user/transkop/media/IMG_2017_zpsaw4gb59p.jpg.html)

Досега многу ми се има најдено во машинската струка, како и во електрониката  :)

Title: Одг: Универзално алатче
Post by: GigaWatt on 13.01.2016, Wednesday, 00:04:58
Да да, принципот е горе-долу, тој ;).
Title: Одг: Универзално алатче
Post by: Z31GH on 14.01.2016, Thursday, 01:19:10
Темата за ваков алат ми даде инспирација да се обидам да направам еден таков и за чудо испадна успешно. Методот е едноставен, иако тука нема лемење или заварување на тврдиот шилец. Потребни се само два елементи, и тоа мека шестоаголна шипка и една бургија од 2,5 мм.

(http://i1086.photobucket.com/albums/j460/transkop/IMG_2018_zpscikimvuq.jpg) (http://s1086.photobucket.com/user/transkop/media/IMG_2018_zpscikimvuq.jpg.html)

Тенката шестоаголна шипка е дебела 5мм
(http://i1086.photobucket.com/albums/j460/transkop/IMG_2031_zpsbm1aryom.jpg) (http://s1086.photobucket.com/user/transkop/media/IMG_2031_zpsbm1aryom.jpg.html)

Прво се задупчува за да се отвори лежиште за бургијата да биде во центар.
(http://i1086.photobucket.com/albums/j460/transkop/IMG_2021_zpsebxfv5e4.jpg) (http://s1086.photobucket.com/user/transkop/media/IMG_2021_zpsebxfv5e4.jpg.html)

Се отвара дупка со бургија 2,5мм отприлика 10мм во должина.

Бургијата беше целата жртва на овој проект, но бидејќи не се толку скапи, отприлика 30-40 денари воопшто не се двоумев да ја искористам како шилец. Откако ја скршив на менгеме ја ставив во отворот на шестоаголната шипка.
(http://i1086.photobucket.com/albums/j460/transkop/IMG_2023_zpsb2nyko1u.jpg) (http://s1086.photobucket.com/user/transkop/media/IMG_2023_zpsb2nyko1u.jpg.html)

За да се избегне заварување или лепење со лепило или било што, кое нема да помогне да се залепи една бургија, имам еден посебен докажан метод за ваква работа. Деловите како што се се ставаат отприлика 10мм во футерот од машината.
(http://i1086.photobucket.com/albums/j460/transkop/IMG_2025_zpsffwzjuuh.jpg) (http://s1086.photobucket.com/user/transkop/media/IMG_2025_zpsffwzjuuh.jpg.html)

Следниот чекор е интересен. Се стега колку што се може на пакновите, го стега на три места исто како да е со преса срегнато. Шипката е мека и за подобро да се стегне на клучот од главата стегав колку што можам со шипка.
(http://i1086.photobucket.com/albums/j460/transkop/IMG_2026_zpspegxlsqp.jpg) (http://s1086.photobucket.com/user/transkop/media/IMG_2026_zpspegxlsqp.jpg.html)

Резултатот се гледа одма. Се гледа трага од пакнот на алатот, тоа како вдлабнат правоаголник. Такви траги има три, на секоја втора страна на шестоаголната шипка. Сега бургијата е толку стегната што гарантирано никогаш нема да излезе  :)
(http://i1086.photobucket.com/albums/j460/transkop/IMG_2027_zpspowdqndi.jpg) (http://s1086.photobucket.com/user/transkop/media/IMG_2027_zpspowdqndi.jpg.html)

Острење на шилецот
(http://i1086.photobucket.com/albums/j460/transkop/IMG_2028_zpsjlsey5c8.jpg) (http://s1086.photobucket.com/user/transkop/media/IMG_2028_zpsjlsey5c8.jpg.html)

Завршна фаза, оборување на ивиците.
(http://i1086.photobucket.com/albums/j460/transkop/IMG_2030_zpsltqfejx4.jpg) (http://s1086.photobucket.com/user/transkop/media/IMG_2030_zpsltqfejx4.jpg.html)

(http://i1086.photobucket.com/albums/j460/transkop/IMG_2033_zps41xl865u.jpg) (http://s1086.photobucket.com/user/transkop/media/IMG_2033_zps41xl865u.jpg.html)

Готово  ;)
(http://i1086.photobucket.com/albums/j460/transkop/IMG_2032_zps48l1bsu1.jpg) (http://s1086.photobucket.com/user/transkop/media/IMG_2032_zps48l1bsu1.jpg.html)

Целата процедура траеше 10-тина минути

Title: Одг: Универзално алатче
Post by: GigaWatt on 14.01.2016, Thursday, 08:27:30
Браво, одлично ;), супер изведено ;). Далеку поедноставно од мојот процес ;). И како што пишав, дефинитивно е подобро да имате било какво друго освен кружно шипче на располагање ;). Шестоаголно е одлично ;). Јас немав на располагање некое друго (или не барав доволно добро низ дома, можеби и сум имал ;D).

Вакво алатче може да послужи за некои погруби работи ;). А дури и да се истапи врвот, секогаш може пак да си го наострите ;).

А шипчето е алуминиумско?
Title: Одг: Универзално алатче
Post by: Z31GH on 14.01.2016, Thursday, 16:15:50
Не, шипчето е од челик кој нема гарантиран состав и има низок процент на јаглерод. Мек е и може да се кова како сакаш, а пред се доста е евтин :)
Title: Одг: Универзално алатче
Post by: Zan on 14.01.2016, Thursday, 17:48:11
Јас користам старо, наострено штрафцигерче  ;D
(http://i1072.photobucket.com/albums/w368/zzaann/Razno/shilo_zpscinycqsx.jpg)
Title: Одг: Универзално алатче
Post by: LordZi on 14.01.2016, Thursday, 18:12:04
И јас исто така, само ова моето е ептен мало, 7-8cm е целото сосе дршката... ;)
Title: Одг: Универзално алатче
Post by: Z31GH on 14.01.2016, Thursday, 22:13:29
Можеш ли да постираш слика?
Title: Одг: Универзално алатче
Post by: LordZi on 14.01.2016, Thursday, 22:31:21
Еве што користам најчесто:

(http://i226.photobucket.com/albums/dd117/lodr_zi/WP_20160114_001_zpsvshsxkil.jpg) (http://s226.photobucket.com/user/lodr_zi/media/WP_20160114_001_zpsvshsxkil.jpg.html)
Title: Одг: Универзално алатче
Post by: GigaWatt on 15.01.2016, Friday, 23:40:34
Пвото мислам дека би ми било корисно ;), ама второто... нема врвче, не мислам дека би ми користело премногу.

Добра колекција во секој случај ;).
Title: Одг: Универзално алатче
Post by: Toma on 16.01.2016, Saturday, 00:53:08
Мала дигресија!
Бидејќи не се работи за само еден тип алатака, предлагам насловот да гласи пример:
Универзални рачни и електрични алатки и алати.
Под овој наслов би се постирале секакви алатки и алати направени, модифицирани или конструирани од членовите на форумот.
Title: Одг: Универзални рачни и електрични алатки и алати
Post by: GigaWatt on 16.01.2016, Saturday, 03:51:38
Па... да, се сложувам, може ;). Темата е прилично општа и како што пиша batka, секој си има некои свои „цаки“, лично направени или модифицирани алатчиња, така да, може да се смени и името на темата ;).
Title: Одг: Универзални рачни и електрични алатки и алати
Post by: MURO on 16.01.2016, Saturday, 16:43:45
(http://i1314.photobucket.com/albums/t567/kirilkrstevskil_k/III%20raka_zpsyxub5z3y.jpg) (http://s1314.photobucket.com/user/kirilkrstevskil_k/media/III%20raka_zpsyxub5z3y.jpg.html)

Еве една алактка која може сами да ја изработите а ќе ви врши огромна работа. (Добро... не баш сами)
Робустна и квалитетна “трета рака“. После неколку плочки веќе не ќе можеш без неа да работиш. На сликата се гледа и алатчето за кое е отворена темата (колку да не сум офтопик) :)
Title: Одг: Универзални рачни и електрични алатки и алати
Post by: GigaWatt on 16.01.2016, Saturday, 19:48:18
Ова трето раче е одлично ;). Оние трети рачиња кои се продаваат некако нестабилни се и мали, малку појака пумпица да имаш и се откачуваат плочките :S. Добри се, ама не за се, на пример, најчесто ми се нашло за придржување на жици ако треба да ги калаисам или нешто слично, за други работи... не се баш најдобри :S.
Title: Одг: Универзални рачни и електрични алатки и алати
Post by: Z31GH on 19.01.2016, Tuesday, 18:59:42
Насловот е променет, значи освен рачни може да постираме и електрични алати.

Рачните алати ги поделив во две групи, и тоа рачни алати за груба.....

(http://i1086.photobucket.com/albums/j460/transkop/IMG_2037_zpsk9bzls0q.jpg) (http://s1086.photobucket.com/user/transkop/media/IMG_2037_zpsk9bzls0q.jpg.html)

(http://i1086.photobucket.com/albums/j460/transkop/IMG_2039_zps7bx7qu2n.jpg) (http://s1086.photobucket.com/user/transkop/media/IMG_2039_zps7bx7qu2n.jpg.html)

и секако алат за фина работа

(http://i1086.photobucket.com/albums/j460/transkop/IMG_2041_zpslzmrakto.jpg) (http://s1086.photobucket.com/user/transkop/media/IMG_2041_zpslzmrakto.jpg.html)

Од електрични алати кој најповеќе ми се наоѓа во радиотехниката, односно помагало за изработка на антени за радиотехниката како и Wi-Fi антени е овој мини дребонг со висока прецизност.

(http://i1086.photobucket.com/albums/j460/transkop/IMG_2036_zpscfbfnfii.jpg) (http://s1086.photobucket.com/user/transkop/media/IMG_2036_zpscfbfnfii.jpg.html)

На оваа  машина работам делови кои имаат пречник максимум 20мм. Се наоѓа некогаш и за некои работи поврзани со електрониката.

Title: Одг: Универзални рачни и електрични алатки и алати
Post by: MURO on 19.01.2016, Tuesday, 21:59:10

(http://i1314.photobucket.com/albums/t567/kirilkrstevskil_k/ubodna_zpsz459oalv.jpg) (http://s1314.photobucket.com/user/kirilkrstevskil_k/media/ubodna_zpsz459oalv.jpg.html)

Еве една идеја за “машинско“ сечење плочки. Убодна пила наопаку. Нема некој прав рез ама подобро и многу побрзо од рачно. Не е само за плочки, се наоѓа и за друго. Само многу внимателно со прстите!!
Title: Одг: Универзални рачни и електрични алатки и алати
Post by: GigaWatt on 20.01.2016, Wednesday, 00:50:12
Јас со гравирка сечам плочки ;). За брзо, не е баш брзо, ама па наједноставно ми е бидејќи сум ограничен на простор (не ми е баш голема работилницата :S). Тоа мало алатче ми се има најдено за 1000 различни примени и навистина, не за џабе се вика multi-tool ;).
Title: Одг: Универзални рачни и електрични алатки и алати
Post by: nsu on 10.05.2017, Wednesday, 02:32:33
(https://i.imgur.com/qYYzfCL.jpg)
Ќе видиме како ќе се покаже ми стигнаа и други некои комплети бургии сите можни. Но ова е побитно секакви уреди отвараш сешто а и едно 20 сирени од коли растурив периодов додека го тестирав алатов па и запечени штрафови нормално користам подизачи оние дистанцерите долги за да може да одвртиш поголема сила да имаш вади, ги одвртува штрафовите без проблем. Германски оргинал се инаку :) :)
Title: Одг: Универзални рачни и електрични алатки и алати
Post by: GigaWatt on 10.05.2017, Wednesday, 02:53:19
Со среќа да си ги користиш ;).
Title: Одг: Универзални рачни и електрични алатки и алати
Post by: nsu on 10.05.2017, Wednesday, 23:19:02
Thanks  :)
Title: Одг: Универзални рачни и електрични алатки и алати
Post by: GigaWatt on 12.05.2017, Friday, 00:56:49
Си направив уште едно „универзално алатче“, како од првиот post... бидејќи ги изгубив тоа што е на сликите во првиот post ;D.

(http://www.mediafire.com/convkey/898e/elb2rm0hb7lk2u0zg.jpg)

И ова е направено од кружно метално шипче, ама сега му најдов „цака“ како да не ми се шета по масата (бидејќи е кружно, нели ::) :D). Ставив супер лепак по должината на шипчето, термо црево околу него и кога ќе се собере термо цревото, од супер лепакот останува на едно место испакнат дел (нерамнина), со што му се нарушува кружниот напречен пресек на шипчето и не се тркала баш така лесно по маса ;). Решениево не е баш толку ефикасно како шипче со шестоаголен пресек, како што имаше направено Z31GH, ама сепак, функционално е до некаде ;). Освен тоа, вака добив и галванска изолација на шипчето ;).
Title: Одг: Универзални рачни и електрични алатки и алати
Post by: nsu on 12.05.2017, Friday, 01:05:49
Убаво другар ех да беше тоа цревото и анти статик гума ама не е ;D ;D
Title: Одг: Универзални рачни и електрични алатки и алати
Post by: GigaWatt on 12.05.2017, Friday, 09:05:49
Каква е таа ати статик гума? Да не мислиш на силоконско црево?
Title: Re: Универзални рачни и електрични алатки и алати
Post by: Toma on 18.02.2020, Tuesday, 23:09:36
Мало длето за фини и ситни работи со дршка од четка за заби.
Затоа четките не ги фрлајте !
(https://i.postimg.cc/8cBn8Djj/ALATKA.jpg)

Code: [Select]
https://i.postimg.cc/8cBn8Djj/ALATKA.jpg
Title: Re: Универзални рачни и електрични алатки и алати
Post by: GigaWatt on 19.02.2020, Wednesday, 13:18:16
Од што е направено длетото, од бонсек?
Title: Re: Универзални рачни и електрични алатки и алати
Post by: Toma on 19.02.2020, Wednesday, 16:01:27
Длетото не е од бонсек (а можда би можело!).
Имам од некаде (не се сеќавам од каде и од што) една получелична лента со димензии дебелина 0.45mm ширина 4.5mm должина доволно за неколку такви длета и од неа е откинат делот што влегува во дршката, се разбира со претходно обработка од двата краеви.
Title: Re: Универзални рачни и електрични алатки и алати
Post by: GigaWatt on 19.02.2020, Wednesday, 22:04:29
Најверојатно од некоја пружина е челичната лента ;).
Title: Re: Универзални рачни и електрични алатки и алати
Post by: Toma on 19.02.2020, Wednesday, 23:19:22
Кога се вели пружина обично се мисли на такво нешто.

(http://www.mediafire.com/convkey/8cc8/dcv6sqkes1jvhh0zg.jpg)

Многу ретко и на оваа велат пружина.
(http://www.mediafire.com/convkey/8dcc/yki476tkrygg6emzg.jpg)

А според онаа што јас го имав е како што е овој лењир само поделене паралелно на околу пет делови по должина.

(http://www.mediafire.com/convkey/5fba/wp6ppgh0pycnazgzg.jpg)