Регулирано напојување со TL783C

[Maxwell]

Сакам да направам едноставно напојување со регулација на напонот, струјата не мора да се регулира. За напони до 35V еднонасочна,  LM317 ќе заврши работа, но имам трафо кое дава 40 волти наизменична и струја до 10 ампери.






Ја најдов оваа шема на нет со TL783C кое може да држи напон до 125 волти еднонасочна, ама мислам дека авторот малку претерал, па ставил само еден BDX625 транзистор. Овде го нема тој транзистор па се мислев да ставам неколку 2N3055 или 2N3773 како на сликата доле:






Прашањето ми е, што мислите, колку транзистори ќе бидат доволни да ги издржат тие 10 ампери на малку подолг период (5-10 минути). Ќе бидат доволни 4 транзистори?

[batka]

Ако транзисторите не се кинески  би требало со 4 транзистори да држи 10А.Ако најдеш SGS или слични, ке биде добро.Само јас би го намалил емитерскиот отпорник на 0,1 ом 5 вати и секако масивен ладилник по можност со некое кулерче.

[Maxwell]

Имам десетина 2N3055 од пред 15 години, не знам кој е производителот, има лого  "бета"  на нив, ама сигурно не се кинески.

[BorceBT]

Не се кинески, се источно европски ама работат добро.

[Lux]

Само јас би го намалил емитерскиот отпорник на 0,1 ом 5 вати и секако масивен ладилник по можност со некое кулерче.

јас не би ги намалувал емитерските отпорници токму затоа да нема различно загревање,еден е млак,а еден се усвитува,вжештува,вака топлината би била скоро еднаква,освен ако транзисторите не се упарени.

[batka]

Тоа се прави за да се зголеми  емитерската струја.Ако се постават транзисторите со слично појачување ( не мора 100% исто) на солиден ладилник,значи да има добро ладење,слободно намали ги емитерските отпорници.

[KiloVolt]

Добро ти вели батка, ако ги ставиш на ист ладилник, и со помали емитерски отпорници нема гајле, но мислам дека на 40V со отпорници од 0,22 или 0,1 Oм нема да има некоја голема разлика...

[Maxwell]

Ги проверив транзисторите, издвоив 6 со идентично засилување.
Го проверив и трафото уште еднаш, освен 10 амперскиот има уште два секундара со ист напон но помала струја (4 ампери и 500 милиампери) па решив  да направам две регулирани напојувања во една кутија.
Отпорниците ќе ги ставам од 0.1 ом 5 вати.
Нека стои отворена темава, ќе ја апдејтувам со финалната шема, нацрт за ппк и готов изглед кога ќе биде завршено.