Ова полугодие бевме малку поактивни и младите електроничари самоиницијативно побараа да им одржам неколку предавања на тема - мали фм предаватели.Имавме три средби по 2 часа и после тоа секој од нив од приложените шеми си одбра и направи свој предавател.Меѓу најуспешните беа двајца другари (маалски) од кои едниот е од ОУ Блаже Конески,а другиот од ОУ Васил Главинов - Игор и Дарко.Тие направија по еден предавател со мала снага и ги конципираа да се врзуваат на РС и да емитуваат воглавном музика * низ станот*
Двајцата ја користеа истата шема ,но секој додаде и свои дополнителни *мотиви* па двајцата се победници подеднакво.Покрај тоа еден од учесниците направи и една интересна шема - предавател напојуван со 1,5V батерија и домет* од соба во соба* со најминимални делови.Ако некој сака да ги испроба шемиве ќе напоменам дека во првата шемакалемот е *стандарден* -5 намотки лак жица о,8 мм на тело 6 мм.,а за втората шема калемите имаат - поголемиот 5 намотки,а помалиот 4 намотки ,лак жица 0,5 мм на тело 3 мм ( на цевче од сок намотани).Тука фреквенцијата е менува со растегнување на намотките!Пробајте,шемите се проверени !
