Конвертор од дигитален во аналоген сигнал

[trouble92]

Дали некој знае каде можам да најдам вакво „чудо“, колку пари чини и дали без проблем ќе ги фаќам дигиталните канали? благодарам.

[GigaWatt]

Како тоа „конвертор“? Па set top box-от е конвертор. Го конвертира дигиталниот MPEG-4 сигнал во аналоген A/V сигнал кој можеш да го приклучиш на секој телевизор со A/V влез. Не ми е јасно што бараш.

[nsu]

Колку добро те сватив тебе ти треба дигитален ресивер за телевизорот пошто викаш кои канали ќе ги фаќам од дигиталниве.А не ти треба шема и ништо такво за DAC. Дигитални ресивери има во техномаркет и во нептун на пример и во доста други маркети за бела техника.Цената им е различна има од илјада и нешто денари па и некој има поквалитетни што се поскапи.Почекај може некој од поискусниве на форумов ќе ти пише и ќе ти објасни што како за дигиталните ресивери , на тоа ли мислиш ако те сватив добро .Од овој ресивер ти добиваш А/V сигнал и си го поврзуваш на аналогниот CRT телевизор дома за да ги фаќаш дигиталните канали, телевизорот кој е нормално од оние со скарт и со А/V аудио-видео џек.Иначе антена ти треба обична незнам кај мене со најобична дипол фаќа .И без проблем ги фаќам дигиталните канали.

[didy]

насловот не кажува за што е конвертирањето, може и за аудио да е, на што да се конвертира?

[GigaWatt]

Мислам дека сватив што бара. Бара рисивер кој ќе генерира RF сигнал и ќе може да го фаќа тој сигнал на обичен телевизор кој (најверојатно) нема A/V влез. Дали постои на пазарот ваков рисивер, не знам. Можеби и има некаде таков да се купи, но треба да се распрашаш. Оние обичнине, од Boom TV, немаат RF излез, само A/V имаат.

Некои сателитски рисивери имаат ваков RF излез и може да си подесиш на определен RF канал од ТВ подрачјето, да генерира сигнал самиот рисивер и потоа, само со обичен сплитер, да можеш истиот сигнал да го фаќаш на повеќе телевизори.

Ако веќе решиш да тргнеш по потрага на ваков рисивер, прашувај: „Дали може да подесам во менито на самиот DVB-T рисивер да го препраќа и модулира сигналот во обичните RF подрачја на ТВ сигналот (VHF, UHF), односно, дали ќе може потоа сигналот да го фатам преку обичниот антенски влез на самиот телевизор.“. Ако постои ваков рисивер и ако може ова да го прави, пиши, мислам дека оваа информација ќе им се најде како корисна и на другите членови со постари ТВ приемници.

[nsu]

Кај постарите CRT TV апарати кај кој нема A/V влез  неопходно за да фаќа дигитални сигнали освен дигиталниот ресивер е и РФ модулаторот.Значи мора да има и РФ модулатор како на видеата што беа порано .Ако членот има некој постар  TV апарат јас барем колку што разбирам ќе треба и РФ модулатор поправете ме ако грешам.

[GigaWatt]

Па тоа и му го пишав на trouble92 . Треба да има и RF модулатор DVB-T рисиверот или евентуално да има друг уред кој го модулира A/V сигналот во RF сигнал и го препраќа кон антенскиот влез .

[trouble92]

точно, значи од кабелската има програми што ги фаќам на аналогниот CRT телевизор (аналогни) а има и дигитални што не ги фаќам за тоа ми треба ете ресивер... конвертор ми дојде прво на ум за тоа така и пишав. и сега тоа е тоа што рече „nsu“ од 1000 ден. па нагоре? и што е разликата помеѓу едните и другите поквалитетните пошто едноставно само сакам да ги фаќам и дигиталните програми на црт тв. (немам пари за дигитален тв да купувам    фала.

[GigaWatt]

Тие дигитални програми се емитуваат од страна на кабелската телевизија бесплатно?

[nsu]

Јас криво го разбрав членот trouble92 мислев дека не е поврзан на кабелски оператор и дека сака да ги фаќа сигналите од нашиве дигитални предаватели.Е сега чим е на кабелска таа ѓи препраќа сигналите аналогни.Е сеа за да ја гледаш нивната дигитална телевизија нели мошеж со нив некако да им речеш да ти дадат дигитален ресивер.На кој кабелски оператор си пошто јас порано бев поврзан и плакав 400 денари месечно за аналогна,а сеа на близоо се преврлиф со дигитална тв и плаќам 600 денари месечно 120 канали имам и они на реверс ми го дадоа ресиверот и си го монтирав на CRT TV-то и сликата е каде каде подобра.Види и ти така дали можеш нешто.Иначе незнам која е разликата помеѓу поскапите и поевтините ресивери.Сигурно има разлика али принципот им е тој дигиталните сигнали ѓи претвараат во аналогни.

[batka]

Тие дигитални програми се емитуваат од страна на кабелската телевизија бесплатно?

Некои кабловкси ги кодираат и посебно наплаќаат за нив!

[trouble92]

да да бесплатно ги емитуваат нема ништо кодирано. А од кабелската имат пуштено и дигитални и аналогни програми, е сега кој има црт(јас) неможи да ги фаќа дигиталните затоа и барам чаре  и значи тоа е тоа да барам дигитален ресивер ...? има за околу 1000 ден. така?  и уште тоа што е разликата помеѓу поевтиниот во случајот овај од 1000 и тие поскапите ако знае некој да ми разјасни фала ви.

[GigaWatt]

Прашај во кабелската телевизија со кој рисивер можеш да ги гледаш дигиталните канали, бидејќи иако можеби не се кодирани, можно е (поточно, прилично веројатно е) да не може секој рисивер да ги декодира. MPEG-4 стандардот има мноооогу верзии и под-стандарди... а некои од нив не се ни референцирани ниту пак целосно стандардизирани (се остана на операторот, кој и да е, сам да си дефинира како сака да го праќа сигналот), така да, може да се најдеш во ситуација, операторот да праќа некодиран сигнал, но да праќа некој некој "custom stream" и да не може баш било кој MPEG-4 рисивер да го декодира. На пример, праќа сигнал со некое pixel ratio кое не е стандардизирано и само софтверот во рисиверите кој операторот ги продава, да може да го декодираат тој сигнал. Ова и не е баш така ретка појава, MPEG-4 стандардот дава огромна слобода во однос на типот на аудио и видео сигналот кој може да се праќа како MPEG-4 stream (тоа е начинот на interleaving на аудио и видео сигналот). На пример, можно е видео сигналот да се праќа кодиран со некој нестандарден AVC (Advanced Video Codec), а аудио сигналот да се праќа како HE-AAC (High Efficiency Advanced Audio Codec) кој има заедно со него и SBR stream (Spectral Band Replication) и да не може баш било кој рисивер да го декодира сигналот. Кратко кажано, можно е да имаш само аудио или само видео, можно е воопшто да не се фаќа ништо, можно е да користи некоја QAM модулација која не може да ја декодира рисиверот кој ти си го купил, итн.

Затоа, најдобро е да се консултираш со кабелскиот оператор. Тоа што од таму ќе ти препорачаат, тоа купи. Инаку, да, поскапи од 1000 денари не се, а разликите меѓу нив... најчесто се во можностите кои ги нудат. Едни имаат HDMI излез, други немаат, едни декодираат и 1080p stream-ови, други не, итн. Ако имаш CRT телевизор, реално, нема да забележиш разлика меѓу 640 X 480 и 720p, а камо ли да забележиш разлика меѓу 720p и 1080p . А колку што знам, кабелскиве не ни праќаат 1080p stream-ови . Така да, купи го најевтиниот, ќе ти врши работа .

[nsu]

Да тоа е факт ниеден од кабелскиве оператори па и близу не испраќа 1080 steam-ови.И богами нема многу да ја забележи разликата кај резулуцијата.И јас мислам дека поевтините ќе вршат работа али може и да не е така многу убаво објасни ГигаВат.Најубаво ти консилутирај се со кабелскиот оператор и тие ќе ти кажат кој ресивер е најдобар и кој канал дали е кодириран и кој ресивер може да ги декодира сите.Јас мислам сепак и поевтинине вршат работа,али не ми зимај за збор консултирај се со кабелскиот оператор сепак тие имаат информации и искуство.На кој кабелски оператор си .

[trouble92]

Не се знае ни кој јади ни кој пие .... ќе прашам најдобро па ќе видиме што ќе направам, иначе на БТВ (битола) сум. Фала ви на оддвоеното време.