Македонски форум за електроника
Електронски уреди => Монитори и ТВ приемници => Topic started by: krema on 17.08.2018, Friday, 18:46:22
-
NEO DVBT-1100A MC6230-M3105-VER1.0 Set top Box проблем со сигнал
Втора тема денес од мене :)
Се работи за горенаведениот DVB-T ресивер (или кај нас популарно Сет топ бокс).
Со тек на време почна да коцка сликата, мислев да не е до антена (надворешна - рибина коска), зачистив убаво каде што се спојува коаксијалниот кабел, го преработив одновно антенскиот конектор што влага во ресивер и не добив никакви резултати.
Пробав со други надворешни антени и резултатот исто. Влегувам во менито во самиот ресивер да видам каков е сигналот и приметив дека енормно сигналот од ~90% пааѓа на ~40% и одма се враќа на ~90%, значи на секои неколку секунди ја има оваа нестабилност.
После неколку недели овие вредности беа се помали и помали за да на крај нема воопшто никаков сигнал.
Се двоумам дали да направам обид да го средам, но чинам дека обидите ќе бидат без резултат.
Едино што ми паѓа на памет е да заменам 2 или 3 кондензатора во примарот (едниот е 220uf 16v, друг 470uf 10v и третиот 2200uf 10v) мада на око изгледаат здраво.
Немам идеја дали можеби има некаков проблем во напојувањето во секундарот па од таа гледна точка размислувам на замена на првите два кондензатора - евентуално и третиот :)
Мислам баш на оние три кондензатори околу диодата лево од интегралецот со лепенка! (црната компонента е некоја намотка обвиткана во божур црево).
(http://www.mediafire.com/convkey/3b85/5bn6eb8n4d93qb5zg.jpg)
(http://www.mediafire.com/convkey/f878/2ee8yuel26blte6zg.jpg)
По моја логика можеби и векот на тјунерот да му е толку, ресиверчето е работено по 2 месеци годишно од 2013 година па наваму (претпоставувате станува збор за викендичка).
Инаку ресиверот е сега кај мене во Штип и овде го тестирав со надворешна асална антена (покажува исти симптоми) на која што BOOM работи перфектно.
Не знам дали нешто испуштив во описот на проблемот!
Некоја идеја или насока од вас?
Фала :)
-
Не е иста марка ама иста шасија.
Пробај дамп.
http://remont-aud.net/dump/sat/bbk/dvb_t_resiver_bbk_stb115_shassi_mc6230_m3105_ver1_0/446-1-0-5399
-
Дали е ист еепромот!?
Не можам да го симнам (или не знам) дампот.
edit:
Хахаха, не знам да го решам тестот. Толку од аматер :D
(http://www.mediafire.com/convkey/37d5/zo3nzzwlwf881aezg.jpg)
-
Регистрирај се.
А еепромот е EN25Q16 што треба да е исто како кај тебе.
-
Да, ист е еепромот, без EN напред. Како што прогуглав тоа е Winbond.
Инаку се регистрирав, ама и двата теста не успеав да ги решам и не ми дава да го симнам дампот, едино ако ти сакаш да улеташ со помош :) (молба) :)
-
Ми мириса дека проблемот е некаде во лименото кутивче (приемникот на РФ сигнал).
-
И мене ми врти паметот натаму дека проблемот е кај тјунерот.
btw @Toma
Прелистав по интернет, овој еепром што е кај мене е од GigaDevice (логото така вели, сликата што ја приложив е од мојот еепром).
Не знам дали е компатибилен овој дамп од русите (EN25Q16) со мојот еепром (25Q16BSIG)?
-
Правило е прво да се исчита постоечката содржина и истата да ја имаш во архива а потоа (пожелно е истата содржина да ја вчиташ во нов еепром) во еепромот..
Би требало тоа со еепромите да не е проблем. Пробај програматорот да го поставиш на ALL Manufacturers.
Околу тестовите сите прашања и одговори ги имаш на Гугл.
-
Фала,
нов еепром немам, би пробал на истиот еепром onboard без вадење со штипка со овие чекори:
1. Да ја исчитам моменталната содржина и зачувам на PC.
2. Да ја избришам содржината
3. Да го запишам новиот (рускиот) дамп.
4. Да се молам на бога да проработи :)
А за дампот ќе почекам до утре со нова шанса за тестовите, сега ги испуцав и двата теста со грешки, јбг :D
-
Дампот во атачмент, па пробај. Инаку, на вакви уреди често се случува да прави проблеми процесорот, поради недоволно ладење.
Download links:
http://app.box.com/s/3obix6gzrznoublr8usawgsb0ie5s2f5
https://www.asuswebstorage.com/navigate/s/2DBB68268C5E4C6EBC1B343103E7109DW
-
@Zan фала,
Ќе пробам со дампот, btw како можам да го одлепам тој мал хладњак од процесорот и да ми залепам поголем хитсинк, со некој бел како силиконски лепак е залепен (се плашам да не го откорнам процесорот :) ).
-
Не го одлепувај, пробај прво со дампот.
Ако прегреал процесорот, тој е веќе оштетен и нема што да се прави повеќе.
-
Да,
така и планирам :)
-
Се работи за горенаведениот DVB-T ресивер (или кај нас популарно Сет топ бокс).
Set-Top box се викаат насекаде, бидејќи порано, кај CRT телевизорите, најпогодно место за поставување беше над телевизорот (Set, скратено од TV Set; Top, горе, на горната стана се става и затоа Set-Top box ;)). Инаку, секаква намена може да имаат, од декодерање на кодиран сигнал од кабелскиве телевизии, снимачи на ТВ сигнал, па се до приемници за најразлични типови на сигнали, како DVB-T, сателитски сигнали, итн. ;)... практично се користат за се што обичниот ТВ уред не може да прави со неговите вградени опции ;).
Едино што ми паѓа на памет е да заменам 2 или 3 кондензатора во примарот (едниот е 220uf 16v, друг 470uf 10v и третиот 2200uf 10v) мада на око изгледаат здраво.
Извади ги сите електролити (во 99% од случаите, наменети се за стабилизација на напон на rail-ови кај новиве дигитални уреди), гарант е падната капацитивноста на барем 70% од декларираната, иако не се подуени. Стави нови. Измери напон на краевите на секој од нив, ако е до 5V, слободно може да ставиш 6.3V-ни електролити од матични плочи ;). Кај оние со помала капацитивност (100uF, 220uF и слични вредности), слободно може да ставиш и 1000uF, па и повеќе, зависи какви имаш на располагање. За 2200uF/10V кондензаторот, ако напонот на краевите е 5V, слободно стави 3300uF/6.3V, нема проблем да има ;). Исто така, ако немаат додадено во паралела и керамички кондензатори за елиминиција на EMI (прегледај низ плочата, би требало да се наоѓаат пред или по кондезаторите, SMD ќе да се), стави им и 100pF кондензатори за елиминација на EMI ;).
Ова направи го без разлика дали кондензаторите се суви или не. Најчесто кондензаторите во сите нови уреди се страшно поддимензионирани или со многу лош квалитет. Кондензаторите од стари матични плочи се low ESR кондензатори, најчесто со одличен квалитет (Мatsushita, Nichicon, Rubycon...). Ако пишува дека се 6.3V ги имам тестирано, без проблем може да издржат и краткотрајни напонски шпицови до кај 10, 11V ;).
Исто така, провери колку грее декодерот (чипот со ладилното тело). Ако грее до степен да не можеш да го допреш со рака, јас би го заменил ладилното тело. Јас обично ги вадам овие лепениве ладлни телца со она мое универзално алатче (http://elektronika-mk.net/index.php?topic=13421.msg120867#msg120867) ;).
Мислам баш на оние три кондензатори околу диодата лево од интегралецот со лепенка! (црната компонента е некоја намотка обвиткана во божур црево).
Тој калем е дел од EMI филтерот. Бидејќи сите вакви и слични уреди веќе се напојуваат скоро исклучиво од мали SMPS адаптерчиња (travel charger-и ги викаа за мобилните телефони кога почнаа да стануваат драстично поевтини за изработка од класичен адаптер со трансформатор 8)), мора некако да се елиминира тој шум од SMPS секција на секундар од адаптерот, а не секогаш е адекватно филтрирана на излез од самиот адаптер, особено кога станува збор за некоја ефтина копија ::), така да, за да се осигураат дека уредот ќе работи како што треба, додаваат и LC филтри ;). Овој филтер е непотребен или, евентуално, не неопходен, во случаи кога уредот се напојува од класичен адаптер (со трансформатор, не SMPS) ;).
Дампот во атачмент, па пробај. Инаку, на вакви уреди често се случува да прави проблеми процесорот, поради недоволно ладење.
Токму тоа што го кажав ;). Но сепак, прбај и со dump-от што го има посочено Toma ;). Но, како што рече и Toma, задолжително направи прво backup на оригиналниот dump бидејќи не знаеш дали ќе работи како што треба уредот или не. Ако само логото се разликува а се друго работи, ич не му ја мисли, терај ;).
Во секој случај, ако пак исто прави и со новиот dump (во случај да работи), јас би ја испробал варијантата со електролитите и ладењето на процесорот ;).
-
Така,
Ќе одам по тој редослед, прво со дампот, па после со кондензаторите кај секундарот, и евентуално ладењето на процесорот
Фала @GigaWatt на опширноста, од А до Ш :)
-
И ако случајно го проработиш со оригиналниот софтвер, направи му dump и стави го како attachment на форум ;).
Со среќа :).
-
Пробани сите можни сценарија, проблемот си останува ист и можам само да заклучам дека проблемот е во тјунерот а тука му нема помош.
Чинам дека не вреди повеќе да се троши време и ресурси на ова, ќе побарам по огласите ако најдам нешто половно или крај краева ќе земам нов од дуќан. :)
Благодарам на сите кои зедовте учество во дискусијата.
:)
-
Во лименото кутивче претпоставувам има 2 интегрално коло (приемник) и неколку калемчиња кои се филтер за РФ сигнал и нешто ситно како отпорничиња, кондензаторчиња...... Но главниот дел е интегралното коло. Сега се поставува прашањето, дали самиот чип може да изгуби од перфотмансите со текот на времето, работење, висока/ниска температура, лошо произведен ???
-
@krema: Ај ако не повеќе, барем сподели го dump-от од рисиверот ;). Можно е на некој да му затреба... вакви рисиверчиња прилично често се користат во руралните средини (викендички по села, па и луѓето кои редовно живеат таму, особено постарите на кои и не им баш важно дали HD, SD сигналот или не знам каков :D), а сите знаеме како знае таму да мавне гром и електромагнетното поле да зезне скоро се полупроводничко во близина :D... особено во денешно време, кога се е веќе базирано на, горе долу, некаков тип на board computer (ако има софтвер, процесор, RAM, компјутер е ;)). Така да, копии од софтверот (dump-овите) се најчесто единственото можно решение да се оправи уредчето во вакви случаи ;).
Сега се поставува прашањето, дали самиот чип може да изгуби од перфотмансите со текот на времето, работење, висока/ниска температура, лошо произведен ???
Не верувам... најверојатно е некоја пасивна компонента, ама иди најди која е :S.
Може да пробаш да го отвориш RF приемникот, да видиш некоја компонента да не греела или да не е лошо залемена, да не пробиена (отпорниче или кондензаторче), под лупа, ама ако и по тоа ништо не забележиш, јас би се откажал. Вади што можеш од него и во ѓубре ;).
-
Искрено несакајки го избришав дампот заедно со дампот од руската страна, бев малку несмасен околу ова ама што да правам, ете се деси. :(
Инаку не планирам да го отварам тјунерот, ако можеше да приметиш скоро целата плоча е со најситните SMD компоненти така да се` ќе биде залудно и џабе потрошено време, пробав што беше во мојот домен и не помогна затоа и се откажав веќе од него.
Уште еднаш ќе се заблагодарам на сите кој реплицираа во оваа тема.
п.с. За друг пат ќе бидам повнимателен околу фајловите, давам чесен пионерски збор! :)
-
п.с. За друг пат ќе бидам повнимателен околу фајловите, давам чесен пионерски збор! :)
ОК е, нема проблем ;).
-
А каде се продаваат DVB-T приемници ? Немам видено неколку години да се продаваат.
-
^
Сет, техномаркет и добив информација во некои локални дуќанчиња по Скопје.