Еве го и мојот тестер на оптокаплери (оптоизолатори)
. Доцнам малку со изработката (особено на волку проста шема
), ама најмногу време ми одзеде изработката на кутијата и каблирањето во неа бидејќи се е изведено во воздух (се гледа од сликите
), а кутијата е прилично мала, па работата излезе многу „пипава“
.
Како и да е, еве неколку слики од процесот на изработка (доцна ми текна да сликам :S, затоа малку се). Како и сите мои досегашни кутии, кутијата е изработена од стари витропласт плочки
.
Знам, кутиичката не е баш лична за гледање, ама си ја брка работата
. Тестерот е заштитен и прилично отпорен на удари и падови
. Витропласт плочките прво се лепени со супер лепак (за да се прицврстат да стојат во определена позиција), па потоа се лепени од внатрешната страна со довокомпонентен лепак. На крајот, нерамнините (ќошињата и страните што малку стрчат) се измазнети со турпија
.
Еве слики и од готовиот уред и финалниот внатрешен изглед
.
Знам, ознаките се катастрофа
, ама па наједноставно ми е со маркер да пишам
. И онака не е за на изложба, така да, не ми е многу гајле како изгледа
. Мене важно ми е да си ја врши работата
.
Еве слики и од начинот како работи
. Прв на тест е 4-пински оптокаплер
.
А еве слики и од тестирање на 6 пински оптокаплер
.
Ако планирате да го правите со 9V-на батерија, може да искористите и празна
. Мојата беше, според сите стандарди, празна
. Даваше напон од 7.5V
. Се додека напонот е поголем од околу 4V, нема проблем да имате
. А бидејќи уредчево троши многу малку струја, и тоа само кога се тестира оптокаплер, следува дека најверојатно никогаш нема да има потреба да ја смените батеријата
. Јас затоа си ја залепив за основата на кутијата
, за да не ми „кљанка“ внатре во кутијата
.