Друг метод за пресметување на индуктивноста на калем е да ја пресметаш неговата импеданса на одредена позната фрекфенција. Тоа можеш да го направиш ако имаш извор на позната фрекфенција и да го мериш падот на напонот на калемот со помош на AC волтметар (или да го исправиш напонот со брзи шотки или германиумски диоди и да користиш обичен дигитален волтметар). Формулата вели дека импедансата (реактансата) на калемот е: XL=2пfL со што L (во хенри) = ХL/2пf. Проблемот овде е што треба да се знаат уште две работи, отпорот (омски) на калемот и излезниот отпор (импедансата) на изворот на позната фрекфенција. Првото е лесно (се мери отпор на калемот со омметар или со милиомметар) додека второто се прави на следниот начин:
Се мери напонот (AC волтметар или како што беше предложено погоре) на неоптоварен извор. Се става познат отпорник (не жичан, туку метал слоен) и се мери падот на напонот на него. Значи ако очекувавме пад од на пример 2 волти за тој напон што го меревме а имаме пад од само 1.4 волти значи дека остатокот од напонот паѓа на отпорот на изворот (импедансата). Со ова може да пресметаме кокава е отпорноста на изворот (импедансата).
Сега значи ги имаме двата непознати отпори (отпорот на намотката и отпорот на изворот на сигнал) и се што треба е да го мериме падот на напонот на калемот и од резултатот да го одземеме тие два отпори кои ги најдовме кои ни се „редно“ (сериски) со калемот.
Мачно ама може релативно точно да се пресмета индуктивитетот.
Да напоменам исто дека ова е за мерење на релативно големи индуктивитети (од редот на стотици и илјадници милихенри и хенри) а не на минијатурни намотки од 4-5 навои (нано хенри) за предаватели. Тие можат да се мерат со методот на Goce или со ВФ винстонов мост (за ова другпат
).