Што би ми препорачал како друг извор на енергија?
Имаше пишано bicikle да пробаш со Li-Ion-ска батерија од мобилен, но за ова ќе треба да се прави и систем за полнење на батеријата (не се како Ni-Cd или Ni-Mh, остави ги на полнач и заборави се
, Li-Ion батерија ќе се упропасти ако нема контрола на полнењето, како што има во мобилните телефони). Дури и да планираш да ја полниш на мобилен, а да ја „празниш“ со LED диодиве, повторно, батеријата ќе се зезне бидејќи освен тоа што не смее да се наполни над определена граница, не смее ни да се изпразни под определена граница, а ако се наполни или испразни под или над овие граници, батеријата (во принцип) е неупотреблива :S. Така да, ова не е едноставно решение.
Ако веќе мораш да користиш батерии, купи си батерии на полнење од 1.2V неколку (на пример, 3 или 4) или една од 9V
. Ni-Cd или Ni-Mh, било што од ова би ти одговарало бидејќи векот на траење на овие батерии не им се скратува значително ако се преполнат
. Од друга страна, не може да дадат толку mAh како што може да дадат Li-Ion-ските батерии за исти димензии на батеријата (исто така, и тежнина, Li-Ion-ските се многу полесни од Ni-Cd и Ni-Mh батериите).
Можеш да ги врзеш на USB од некој транспортен уред, на пример лаптоп... што и не е баш толку транспортно :S, така да, ова решение е само за ситуации кога со себе го имаш лаптопот.
Мене лично ако ме прашуваш
, би си купил еден Nokia, Simple модел, скоро сите Simple модели имаат светилки на врвот од телефонот, баш како батерија
, светат прилично јако (имам таков телефон, дефинитивно може да се читаат партитури со него, сум пробал
), може многу долго да свети (мислам дека еднаш така ја заборавив да свети светилката, сум заспал, се будам наредниот ден, светилката уште свети, а батеријата, само две цртки и се исторшиле
), така да, тоа би бил мој избор
.
ПС: Сега ми текна дека има и Li-Ion-ски батерии во форма на AA или AAA батерии
. Во нив има посебен систем за полнење, така да, не мора да се пази дали ќе се преполни батеријата или не
. Едноставно се става на обичен полнач и батеријата сама си врши контрола на тоа колку е полна или не
. Две вакви батерии би ти биле повеќе од доволни
. Секоја дава напон од 3.6V или 3.7V, така да, ќе имаш една за резерва и една за користење
. Повторно, не би препорачал директно да се врзат овие батерии за LED диодите, бидејќи по некое време, диодите ќе почнат да зезаат (да не објаснувам што, зошто, како... наједноставно... ќе се зезнат). Прво врзи ги преку еден отпорник од 47 ohm, ако прејако светат, зголеми ја отпорноста, ако преслабо светат, намали ја отпорноста
. Вакви батерии немам видено по продавнициве во Скопје, но во Алфа во Битола има вакви батерии
. Ако некој знае каде има и во Скопје, нека пише
.