Проблем со засилувач со LM 3876

[electron]

Ми донесоа еден расипан засилувач со изгорен излезен степен, поправан и преправан стотина пати и башка имаше нешто истурено врз плочката и врз излезните транзистори па страшно мирисаше, и наместо да извршам повторна поправка решив да го извадам целиот модул сосе напојувањето и да му направам ново напојување и нов засилувач.
Трансформаторот има 2х20 волти наизменичен напон , исправен би дошол околу +/- 28 волти.
За засилувач го одбрав овој:
http://elektronika-mk.net/index.php?topic=4294.0
Само што наместо LM3886 ставив LM3876 бидејќи 3886 има поголема моќ а трансформаторот е само 120 вати, па 2х40 вати со 3876 би биле сосема доволни.

Според спецификациите од National Semiconductors, LM3886 и LM3876 имаат ист распоред на пинови, а се разликуваат само по моќноста и тоа што пинот 5 кај LM3876 не е внатрешно поврзан, а кај LM3886 пинот 5 е врзан заедно со пинот 1 на плусот на напојувањето.

Интегралното е прописно изолирано од ладилникот, со лискун и со термичка паста и пластична подлошка на навртката, напојувањето е во ред, компонентите се нови, не се користени стари делови, плочките се во ред нема ладни лемови и краток спој, но... се појави проблем.

Додека го тестирав едниот канал при краткотрајно вклучување на напон ми дава 7 волти еднонасочен напон на излезот на звучникот. Интегралното не загрева воопшто и осигурувачите не горат.
Го исклучив од напојување и почнав да ја барам грешката.
Излезе дека кога мерам омски отпор од плусот спрема масата нема никаков отпор, додека кога мерам од минусот спрема маса ми дава некои 63 ома.
Го земам другиот канал, кој не беше воопшто вклучен и тестиран под напон, мерам и кај него и пак добивам 63 ома.
Го проверив и напојувањето, тоа е во ред, таму не постои спој помеѓу минусот и масата.

И што е најчудно, мерам спој помеѓу ладилникот и металниот дел на интегралното:
- Кога е изваден надвор, т.е нема контакт со кутијата на засилувачот, инструментот покажува дека нема спој, но кога ќе направам контакт помеѓу ладилникот и кутијата која е поврзана на маса, тогаш помеѓу интегралното и ладилникот ми јавува краток спој?!?

Еве слики од изработениот засилувач, скоро цел ден се обидувам да откријам што е проблемот но без успех.

[GigaWatt]

Ај види во datasheet-от дали на ист начин (според иста формула) се дефинира засилувањето и кај двата интегрирани засилувачи . Исто така провери дали кога е пуштен засилувачот на влез на колото добива некаков си еднонасочен напон.
Споено мислење: [time]15 Март 2011, 02:17:48[/time]На две места му се носи +Vcc . ПЛус, провери да не случајно прави краток спој меѓу маса и +Vcc на то празното лемно место, што е квадратче .

[Bojan]

друже еден пријателски совет...смени си го калајот што го користиш, а тој остави го во гаража за олуци лемење...

[electron]

Баш ги споредував спецификациите, и кај двата се идентични.
Тестот го правам без вклучен сигнал, само напојување и инструментот е приклучен на излезот за звучник да мери DC напон.

[GigaWatt]

друже еден пријателски совет...смени си го калајот што го користиш, а тој остави го во гаража за олуци лемење...

Да, калајот не е кој знае што, ама не верувам дека е до тоа :S. Не се јавуваат вакви проблеми на волку прости шеми ако калајот не е добар :S. Нешто друго ќе да е :S.
Споено мислење: [time]15 Март 2011, 02:22:09[/time]

Тестот го правам без вклучен сигнал, само напојување и инструментот е приклучен на излезот за звучник да мери DC напон.

Мерина влез колкав е напонот . И дали има еднонасочен напон на влез .

[Bojan]

а влезот кусо да го споиш со маса па да мериш дали ке е ок така...

[electron]

Сега ќе проверам и тоа, а во меѓувреме пребарав на Google и најдов еден со ист проблем:

Code: [Select]

http://www.diyaudio.com/forums/chip-amps/128739-lm3876tf-minus-5-7-volt-dc-output.html
Иначе имате право, калајот не е нешто нај нај... можно е да има ладен лем, ама проблемот е идентичен и на двата канали.
Споено мислење: [time]15 Март 2011, 02:55:22[/time]Мерев DC напон на влезот за сигнал и маса, ми дава 1,14 волти.

И да, го приметив тоа кај пинот 5, го стругнав малку но не е тоа проблемот, нема спој помеѓу маса и плус. Проблемот е помеѓу маса и минус, дава отпор од 63 ома.

Инаку пинот 5 е поврзан на плусот, за плочката да биде компатибилна за LM3886, додека истиот пин кај 3876 не е внатрешно поврзан така да залемен или не нема никаков ефект.
Споено мислење: 15.03.2011, Tuesday, 12:08:16Шемата и плочката за овој засилувач се превземени од овде:

Code: [Select]

http://www.alectronics.net/2010/10/build-power-amplifier-lm3876-simply-and.htmlИстава шема ја има објавено во Емитер и во Електор, и би требало да проработи без проблем...

[GigaWatt]

Мерев DC напон на влезот за сигнал и маса, ми дава 1,14 волти.

Направи како што ти пиша Bojan, преспои го влезот со маса и види дали ќе ти даде напон на излез према маса .

Инаку пинот 5 е поврзан на плусот, за плочката да биде компатибилна за LM3886, додека истиот пин кај 3876 не е внатрешно поврзан така да залемен или не нема никаков ефект.

Одлеми го пинот 5 или осигурај се дека не е поврзан со лемната точка (дека нема контакт). Од кај знаеш каде е произведен чипот, можеби некоја конеска копија да е, па производителот да решил да ги прави „сите исти“ т.е. да си направил некоја своја мала модификација на распоредот на пинови и на крајот на името на колото само да додал некоја буква :S. И ова ми се има случено :S. Не со интегриран засилувач, ама со едно логичко коло, да :S.

Проитав нешто за шемата на страната од која даде линк. Колкави вредности стави за комбинацијата R6-C6 ? Или ги изостави?

[electron]

Проитав нешто за шемата на страната од која даде линк. Колкави вредности стави за комбинацијата R6-C6 ? Или ги изостави?

Да, ги изоставив тие две компоненти, и не би требало да претставуваат проблем.
Инаку интегралните се LM3876T и ги земав од Логинг, е сега ако и тие почнале да увезуваат кинески делови...
Ќе пробам и тоа со спој помеѓу влезот и маса, само ме интересира што е финтата со тоа?

[GigaWatt]

Инаку интегралните се LM3876T и ги земав од Логинг, е сега ако и тие почнале да увезуваат кинески делови...

Одамна немаат оригинални делови во Loging :S. Порано имаа, ама сега веќе :S, не :S (така си ја направија репутацијата они). Ретко нешто да се најде што е бренд, и најчесто е „огин скапо“, зошто е оригинал :S.

Ќе пробам и тоа со спој помеѓу влезот и маса, само ме интересира што е финтата со тоа?

Нема финта, едноставно му „викаш“ на засилувачот „немаш сигнал на влез, ај да видиме што ќе дадеш на излез“, просто е . Бидејќи според тоа ти што го наведе, на влез јавувал напон од 1.43V (претпоставувам дека си мерел према маса), што „по правило“ не би требало да го има, а доколку го има, логично е на излезот да даде еднонасочен напон, бидејќи тоа е засилувач, засилува и еднонасочен, и наизменичен напон (освен ако не е дизајниран да засилува само наизменичен напон, што е реткост, поради тоа се поставува кондензаторот за спрега на влезот од засилувачот, за ако случајно дојде еднонасочен сигнал на влез од засилувачот, да ја одвои еднасочната компонента од сигналот кондензаторот и да го засилува само наизменичниот напон, ако го има, а ако го нема, на излезот да даде 0V засилувачот, т.е. да не се „троши“ во засилување на еднонасочен напон, што може да ги прегори или оштети звучниците ).

[bicikle]

Ај види во datasheet-от дали на ист начин (според иста формула) се дефинира засилувањето и кај двата интегрирани засилувачи . Исто така провери дали кога е пуштен засилувачот на влез на колото добива некаков си еднонасочен напон.
Споено мислење: [time]15 Март 2011, 02:17:48[/time]На две места му се носи +Vcc . ПЛус, провери да не случајно прави краток спој меѓу маса и +Vcc на то празното лемно место, што е квадратче .

ќе ја ускористам истата слика...
како што воочив овде една од потенцираните тички не  е залемена.... Ако не треба пинот од иц-то да се користи скини го или сврти го нагоре, за секој случај.

[electron]

Во ред, ќе го средам тоа со пин 5 подоцна, кога ќе дојдам дома.
Инаку да, на влезот измерив 1,14 волти еднонасочен, како што пишавте по правило не би требало да го има, па се чудам од каде искочи тој напон, и логично е ако го врзам влезот со маса да се поништи тој напон, па на излез да даде приближно 0 волти.
Фала ви за советите, и извинете ако ве измалтретирав.
Ќе го испитам вечер повторно, па ќе пишам што сум направил.
Споено мислење: 15.03.2011, Tuesday, 19:13:49Пред малку го испитував целиот склоп, пинот 5 го прекинав, повеќе не е поврзан на пинот 1, но без ефект, на излезот се уште има - 7 волти негативен еднонасочен напон мерен од излезот кон маса.
Исто така направив и краток спој помеѓу влезот и масата, и се уште дава 7 волти.
Го одлемив едниот интегралец, тој што воопшто не беше приклучен на напон, го испитувам со инструмент и кога мерам од пин 1 (+) кон пин 7 (маса) нема никаков омски отпор, а од пин 4 (-) кон пин 7 (маса) има отпор од 63 ома.
Ја гледам внатрешната шема на ова интегрално и не гледам од каде би можел да искочи тој отпор.

[LordZi]

Едино ти останува да купиш интегралец од друго место, да не е од ист произведувач и серија како тие твоите, да не се дефектни (=кинески фалсификат).