Квалитетна шпер-плоча за звучни кутии, каде може да се набави во Скопје?

[van]

Знае ли можеби некој каде во земјава може да се набави квалитетна шпер-плоча?

Балтичка бреза (baltic birch plywood) би било идеално (и претпоставувам невозможно).
Инаку на многу места прашував и шпер-плоча со ок квалитет најдов во Интер Дрво Трејд. Бука, 11 слоја дрво, 15мм дебелина. Наводно добар дел од муштериите им се хобисти... Освен таму и во Сирка, другите 8741245 фирми што се листани во zk.com.mk или не држат употреблива шпер плоча (само иверка-медијапан) или имаат само градежна (т.н. водоотпорна) шпер плоча.

Дизајнот на кутиите што ги правам бара 18мм дебелина, ќе завршам работа и со 15ката што ја најдов (со додатни потпори) ама би сакал да набавам 18ка ако е можно. Утре или задутре треба да одам да купувам, можеби некој тука знае други фирми што продаваат квалитетна шпер-плоча?

едит: сменет наслов

[Bojan]

а зашто да не користиш водоотпорна шперплоча, и тие се со добар квалитет...

[van]

а зашто да не користиш водоотпорна шперплоча, и тие се со добар квалитет...

Имаат шуплини каде често има откачени мали парчиња материјал, при вибрации се слуша.

Примарна особина на ваквите шпер плочи е цврстина за што помали пари, така да се користат слоеви дрво со дупки и други фалинки, со цел да се заштеди. Со еден збор не се за звучници...

[Bojan]

татко ми вика дека во некое стовариште шмеки во маџари имало шперплоча...

[batka]

Лично јас од шпер плоча не сум правел толку голема кутија и немам некое искуство со нејзина употреба во вакви сврхи.Дебелината е мислам премала (15 мм) за овој тип и големина на кутиите.Ако толку сакаш ,пробај со *сендвич* конструкција- две дебелини слепени со контра годови и поквалитетен лепак од Дрвофикс.Сепак шпер-плочата е мислам прескапа,а подобри резултати се постигаат со поевтиниот медијапан(кој е и понеутрален).Имам информации дека 18 мм шперплоча се наоѓа во соседна Грција,а фабрика има во околината на Солун.Наменета е за градба на јахти и луксузни чамци и многу тешко ( и скапо!) се доаѓа до неа.

[van]

Медијапан - шпер плоча дискусиите ги има еден куп на нетов, воглавно се сведува на агрументите понеутрален спрема „пожив/поприроден„ звук... Јас одам по препораките на дизајнерот на кутиите, момакот конкретно ми кажа лични импресии од искуствата со различни материјали како иверка, медијапан, OSB и шпер плоча... и препорача шпер плоча, во краен случај иверка.

Генерално повеќето од искусните „градители„ на кутии, на форумот каде што аворот на овие звучници е активен, употребуваат шпер плоча. Наводно имало убава синергија помеѓу шпер плоча и full range драјверите... (во кутииве ќе ставам пар 8инчни Fostex FE207E)
А инаку кај нас цениве се такви да медијапанот и не е толку поевтин, особено кога ќе се земе во обзир и финишот.

За Грчка сум слушнал, прескапо би испаднало тоа... каде е крајот ако тргнам со увоз и на дрвото, балтичка бреза директно од Скандинавија?
Ќе мора да се задоволам со 15кава, има 11 слоја дрво -повеќе слоеви = поголема цврстина. Неколку додатни потпори како на сликата доле и ќе ги ставам вибрациите под контрола. Или барем се надевам, ќе видиме...

татко ми вика дека во некое стовариште шмеки во маџари имало шперплоча...

Се јавував и таму, нема тоа што ми треба...

[DX-er]

van среди го насловот

[van]

van среди го насловот

*збунет*

[GigaWatt]

*збунет*

Треба да пишеш дека бараш шпер плоча, а не само квалитетна шпер плоча за звучни кутии. Нешто во стилот на „Каде можам да најдам квалитетна шпер плоча за звучни кутии“.

[batka]

Уште едно мое мислење : јас лично не верувам во звучници со фреквентен распон од 0-20 Кхз  и 95 дб .Слушав Фостекс ,ама не сум многу одушевен,преферирам свртница и барем  два звучника во кутија.Кој како сака,ама мислам дека кутииве ке ти испаднат прескапи .Подобро најди мајстор да ги фурнира со природен фурнир,ке добијат поголема естетска вредност.

[van]

Треба да пишеш дека бараш шпер плоча, а не само квалитетна шпер плоча за звучни кутии. Нешто во стилот на „Каде можам да најдам квалитетна шпер плоча за звучни кутии“.

По мое скромно мислење „Квалитетна шпер плоча за звучни кутии“ би требало да е доволно описен наслов за тема која се занимава со информации за можни извори на...  квалитетна шпер плоча за звучни кутии! 
(сепак сторено е kako што баравте)

Уште едно мое мислење : јас лично не верувам во звучници со фреквентен распон од 0-20 Кхз  и 95 дб .Слушав Фостекс ,ама не сум многу одушевен,преферирам свртница и барем  два звучника во кутија.Кој како сака,ама мислам дека кутииве ке ти испаднат прескапи .Подобро најди мајстор да ги фурнира со природен фурнир,ке добијат поголема естетска вредност.

Зависи од лични потреби, нагласен бас не му треба на секој а изненадувачки е бројот на луѓево што слабо слушаат виски тонови. 
Инаку генерално се согласувам со тебе, а конкретно овој модел на Фостекс не оди доволно горе па земав и помошни високотонци. Важно ми е да нема скретница во опсегот каде е човечкиот говор (вокалите да бидат што поприродни).  Кутииве се дизајнирани да вадат бас во пристојна јачина до накај 35Hz, ќе видиме како ќе испадне кога ќе ги направам. Во секој случај следен проект е сабвуфер кутија, веќе иам земено 15инчен драјвер и појачало. Погоди што е проблем да се набави? Шпер плоча од 12мм!
Мада најдов и тоа, проблемот е само што е поскапа од онаа од 18мм, а за сабвуферот баш и некам да се истрошам на дрво...

Во врска со финишот, планирам само добро да ги ишмирглам и излакирам во неколку слоја со провиден лак во некоја бледо жолта нијанса (треба да се распрашам за ова иначе). Би требало да изгледа природно и пристојно... ако не секогаш можам да ги фурнирам кај добар мајстор.

[GigaWatt]

По мое скромно мислење „Квалитетна шпер плоча за звучни кутии“ би требало да е доволно описен наслов за тема која се занимава со информации за можни извори на...  квалитетна шпер плоча за звучни кутии!  
(сепак сторено е kako што баравте)

Некогаш се случува и луѓе да нудат вакви информации, без некоја да им побарал ваква информација, едноставно, чисто сакаат да ја споделат информацијата, па гледаме на некој начин да ги разграничиме барањата од понудите .

А околу проектот... што знам, некако прескапо мислам дека се ова ќе се фати, а иверка има во изобилие, е сега, да, добро е да се експериментира со материјали и да се види кој материјал најмногу би ти одговарал „на твое уво“, но јас лично не би фрлил толку пари само за звучник, се разбира, секој со своите желби и амбиции (кој како сака ).

[van]

Парите и не се премногу... (барем според мене), од аспект на она што се надевам дека ќе добијам.

Јас на самоградба се одлучив кога видов колку коштаат комерцијалните (а пристојни) звучници. А кога веќе увезов драјвери од надвор, по сите трошоци и за***нции со увозот, одлуката да потрошам 3-4 илјади денари повеќе на шпер наместо иверка беше лесна...

[batka]

Иста цена ке те чини и од мермер да ги работиш.  Прашај за цени во Прилеп.

[van]

Не ми прави сакал сеа таман пред да купувам шпер... 

Башка не сакам да викам 3-4ца за дигање секогаш кога ќе сакам да ги поместам звучниците!