Ми треба засилувач на DVB-T сигнали

[batka]

Ова не е усмерена антена,туку вертикална стап антена со намотка за продолжување на должината на антената.Ништо посебно,велам,ама веројатно е димензијата е погодена,па затоа така реагира.Значи,квалитетот со стандардна јаги антена за ТВ прием и оваа вертикална антена е идентичен и нема никаква разлика .

[GigaWatt]

Не се разбравме- ја користам само антената,без додатни уреди и  си ја врзувам директно на сет-топ-боксот,без никаква додатна електроника.Меѓутоа,веројатно е изработена строго по пропис ( читај - по димензии) ,така што одлично пасува со boom- приемникот!Калемот е некаде на средина и залиен е со пластика,Кога ке имам апарат ке ја сликам

Аха, сега сватив . Значи антената од преносниот ТВ приемник, онаа која доаѓа заедно со него, само ја префрлуваш на некој set top box и со таа антена се ваделе супер резултати .

Епа, ако можеш, сликај ја . И димензии не е лошо да имаме .

[MarkoMK]

...
Него и јас ама се расприкажав, а темава не е за ова . Темава беше околу DVB-T засилувач. Е сега, по некоја моја логика, бидејќи станува збор за дигитален засилувач, во исто време би требало да биде и регенератор на сигнал. Во принцип, засилувањето на скоро сите дигитални сигнали се изведува на следиот начин: приемникот го прима модулираниот дигитален сигнал, го демодулира, пробува да одлучи кои се единици а кои нули од демодулираниот сигнал (ова го прави со разни техники, затоа многу често во дигиталниот сигнал, пред да се модулира, се имплементираат и определени ECC техники), се донесува одлука, сигналот се генерира повторно (во самиот „засилувач“), повторно се модулира и се препраќа по линија (или во етерот). Значи, во принцип, кога станува збор за дигитални сигнали, терминот „засилувач“ некако си го губи значењето. Најчесто, станува збор за регенерација на сигналот... односно, повторно генерирање на истиот сигнал и негово повторно модулирање, со што се елиминира (скоро) целиот шум кој сигналот го „собрал“ по пат при неговото емитување во етерот (или низ кабел).
...

Џабе ти е засилувач со регенератор ако е слаб сигналот. Неможе да се регенерира сигналот ако нема прием, или приемот е лош. Регенератори се ставаат на места во мрежата (било кабловска или воздушна) каде што е сигналот на ниво кое може да се распознае, па потоа да се регенерира.
Нема никаква корист од регенератор да ставиш на место кај што е слаб сигналот.. ако регенераторот може да го препознае, ќе го препознае и двб-т приемникот. Доволен е само засилувач.
Споено мислење: [time]07 Јуни 2013, 20:33:53[/time]

Многу погрешно е мислењето дека за прием на DVBT ти треба специјален антенски систем.Очигледно некој  мава на бизнисот и сака антени,појачувачи и  останати  сајли да му се продаваат.Прво- досега беше сигнал со снег,бела слика,добра,одлична.Сега -или има слика или нема! Но,така е во светот,во Европа,ама кај нас ви гарантирам дека едвај 70% од теренот е покриен со предавателите на ОНЕ.И тука е проблемот- каде има сигнал,тој се фаќа и со парче жица и сликата е супер.Онаму каде теренот не е покриен со S9 туку со S6-7 ,сликата мрзне,има,нема прием.... Значи не е до антената само,ами и до квалитетот на сигналот кој  го  покрива теренот!

Вака и јас мислев до пред некоја година, засилувач си е засилувач и засилува и аналогни и дигитални сигнали но сепак не било баш така. Засилувачите што се препорачани за дигитален сигнал се нискошумни засилувачи и не внесуваат многу шум кој и тоа како ке го "загади" сигналот кој понатака иако засилен нема да може да се декодира. Ова ретко кој го знае Кај аналогните приемници нема проблем и ако засилувачот ствара шум.

Кај мене ако сигналот е 80-100% сликата е супер но ако сигналот е од 60а-80% може да се случи макар и ретко да "сецне" сликата а ако сигналот е 40% цело време ке кочи. Со сигнал под 30% скоро и да не може да се гледа од пикселизација и кочење.

Батка што е тоа S9 ? Да не е Signal 90% ?

Ова малце нема логика, пошто и за аналоген сигнал ќе биде подобар нискошумен засилувач. Уствари повеќе доаѓа до израз шумот кај аналогната ТВ него кај дигиталната (освен ако не е до она ниво да неможе да се гледа дигиталната)
Споено мислење: 07.06.2013, Friday, 22:39:19

...
Истото се случува и сега, со префрлувањето на дигитален пренос. Не може некој да ми докаже дека не можеа некако да го „убутаат“ дигиталниот сигнал во опсегот на аналогните сигнали, при што и истовремено да се емитуваа и двата сигнали, и аналогниот и дигиталниот ... абе ајде ... чуда прават, какви се не компресиони и модулациски техники измислуваат, ова не можеле да го направат ... како да не . Кратко и јасно, ова му одговара на некои заинтересирани страни и тоа е тоа. Не мислам само во Македонија, туку општо, низ цел свет. А ние само сме послушни следбеници на тоа што се воведува насекаде на запад. Нели, сега капиталисти сме, не сме веќе социјалисти, пробуваме да навлеземе во тие кругови .
...

Абе ОК е да се емитуваат и двата сигнали некое време. Само еден ден секако ќе мора да се прекине аналогниот. А, познавајќи го македонскиот народ, 100% сум сигурен дека 10 години да има преоден период, сите ќе се префрлат на дигитална на 364-от ден од 9-тата година.
Затоа мислам дека е подобро вака што пресекоа, па сега проблемите ќе се решаваат некако..

[DX-er]

Џабе ти е засилувач со регенератор ако е слаб сигналот. Неможе да се регенерира сигналот ако нема прием, или приемот е лош. Регенератори се ставаат на места во мрежата (било кабловска или воздушна) каде што е сигналот на ниво кое може да се распознае, па потоа да се регенерира.
Нема никаква корист од регенератор да ставиш на место кај што е слаб сигналот.. ако регенераторот може да го препознае, ќе го препознае и двб-т приемникот. Доволен е само засилувач.

мислиш засилувач па регенератор после него ?

[MarkoMK]

Џабе ти е засилувач со регенератор ако е слаб сигналот. Неможе да се регенерира сигналот ако нема прием, или приемот е лош. Регенератори се ставаат на места во мрежата (било кабловска или воздушна) каде што е сигналот на ниво кое може да се распознае, па потоа да се регенерира.
Нема никаква корист од регенератор да ставиш на место кај што е слаб сигналот.. ако регенераторот може да го препознае, ќе го препознае и двб-т приемникот. Доволен е само засилувач.

мислиш засилувач па регенератор после него ?

Па не, нема потреба од регенератор. Само засилувач кој ќе го засили сигналот до ниво доволно да може да го препознае двб-т приеникот. 
Регератор може да се стави на некој репетитор каде сигналот се препраќа, инаку за дома не ти треба пошто ако регенераторот може да го прими двб-т сигналот ќе може и приемникот.

[GigaWatt]

Џабе ти е засилувач со регенератор ако е слаб сигналот. Неможе да се регенерира сигналот ако нема прием, или приемот е лош. Регенератори се ставаат на места во мрежата (било кабловска или воздушна) каде што е сигналот на ниво кое може да се распознае, па потоа да се регенерира.

Токму тоа ми беше и на мене поентата . Нема потреба од „засилувач“ (читај, регенератор) . Нема поента . Токму тоа и го констатирам во post-от кој ми го имаш цитирано .

Нема никаква корист од регенератор да ставиш на место кај што е слаб сигналот.. ако регенераторот може да го препознае, ќе го препознае и двб-т приемникот. Доволен е само засилувач.

А како ќе биде изведен тој засилувач? Ако само го засилува фатениот сигнал, ќе го засили и шумот кој стигнал со него и по демодулацијата, напонските нивоа за единици и нули повторно нема да може да се распознаат бидејќи само напонските нивоа во приемниот степен ќе бидат сменети (сигналот ќе биде појак), а со тоа и нивоата на шумот (колку што ќе го засили сигналот засилувачот, толку ќе го засили и шумот, тој не засилува селективно). И во принцип, да, си добил појак сигнал, но и поголемо ниво на шум и повторно ништо не си постигнал. Во post-от кој ми го имаш цитирано, објаснив зошто со засилување на аналогниот ТВ сигнал сликата изгледа подобро (субјективно), но тоа не може да функционира и кај дигиталниот сигнал. Сосема друга модулација е во прашање. Кај AM модулацијата, како што е аналогниот телевизиски сигнал, субјективно, функционира.

Ова малце нема логика, пошто и за аналоген сигнал ќе биде подобар нискошумен засилувач. Уствари повеќе доаѓа до израз шумот кај аналогната ТВ него кај дигиталната (освен ако не е до она ниво да неможе да се гледа дигиталната)

Па тоа е она што всушност сакам да го објаснам . Кај дигиталната телевизија всушност и не влијае шумот, освен ако нивото на шум не е над некое ниво кое оневозможува правилно демодулирање и декодирање на сигналот . Затоа кај аналогната телевизија има некој ќар од користење на засилувач, но не и кај дигиталната. Ако сигналот е толку полн со шум што не може правилно да го демодулира и декодира DVB-T приемникот, ти колку сакаш засилувај го, само ќе го зголемиш нивото на сигналот, а со тоа и нивото на шумот, со што декодерот повторно нема да може да ги распознае единиците од нулите .

Абе ОК е да се емитуваат и двата сигнали некое време. Само еден ден секако ќе мора да се прекине аналогниот. А, познавајќи го македонскиот народ, 100% сум сигурен дека 10 години да има преоден период, сите ќе н се префрлата дигитална на 364-от ден од 9-тата година.
Затоа мислам дека е подобро вака што пресекоа, па сега проблемите ќе се решаваат некако..

Добро да, тоа е повеќе од јасно. Кај и да е, ќе мора сите да се префрлат и аналогниот сигнал конечно да се исклучи .

Но, зошто да го прават тоа ако не мораат. На пример, јас бев совршено задоволен со аналогниот сигнал. Ако се предаваше паралелно аналогниот и дигиталниот сигнал, кој не беше задоволен со приемот (или квалитетот) на аналогниот сигнал, ќе имаше опција да си купи дигитален приемник или set top box и да го следи дигиталниот сигнал. А вака, сите мораме да купиме set top box-ови за да можеме да го следиме дигиталниот сигнал (односно, барем оние кои го примаат сигналот антенски).

А и зошто да бидам приморан да купувам додатна опрема (како set top box) ако сигналот совршено добро си го фаќам аналогно? Или зошто да купувам нов телевизор ако стариот си ја врши функцијата? Некои од нас сеуште имаат постари телевизори (од 80-тите и 90-тите... а некои постари и од овие) и што сакате кажете, ама мое мислење е дека старата опрема е скоро неуништлива . Со неколку промени на кондензатори, старите уреди ќе работат без проблем барем уште 10 години . Сте размислиле некогаш од овој аспект? Да, знам дека на нас ни одговара да има што е можно повеќе електронски отпад (мислам на електроничарите), ама што ќар од него кога многу мал процент завршува кај оние кои навистина знаат да го ценат тоа што порано се произведувало и било поквалитетно.

Транзицијата од AM на FM сеуште не е комплетна. Значи, со FM се почнало да се емитува уште во 70-тите (во светот, барем така имам чуено, колку е точно не знам, а кај нас, не знам кога се почнало со емитување FM сигналот), а AM сигналот сеуште постои до ден денешен . Радио станиците полека (со текот на времето) почнале да се префрлуваат од AM на FM и транзицијата била многу глатка. Така, полека, се испразнил AM опсегот и сега, скоро веќе никој не го слуша. Но, оваа транзиција била природна, се случила сама по себе, никој никого нема приморано или условено да мора да се префрли на FM за толку и толку време. Тоа сакам и да го потенцирам. Промената од аналогниот на дигиталниот сигнал се случи наеднаш и приморано. Можеше да се случува полека и глатко и кога веќе скоро сите обични CRT телевизори по домовите веќе ќе беа минато, тогаш да го изгаснеа аналогниот сигнал . А не вака :S... не условија „нема да гледате антенска телевизија ако не купите set top box“. Тоа, на мене (а верувам и на многу други), ми изгледа како уцена... јас така го перцепирам тоа. А најмногу мразам кога некој ме уценува и згора на тоа, ме убедува дека „тоа било за мое добро“ . Епа ако е за мое добро, јас си купив телевизор со кој до сега можев да ја следам антенската телевизија, ако навистина ми мислиш добро, плати ми го set top box-от .

Па не, нема потреба од регенератор. Само засилувач кој ќе го засили сигналот до ниво доволно да може да го препознае двб-т приеникот.

Не е проблем нивото. Самиот приемник сигурно во него има засилувач со AGC (Automatic Gain Control), скоро сите понови телевизори, дури и CRT, произведени од 2000-та па навака (а многу телевизори произведени и пред 2000-тата) имаат степен за AGC кој е изведен дигитално. Значи контролата врз засилувањето на сигналот е изведена дигитално и е многу попрецизна од претходната аналогна AGC. Што значи ова? Па, сигналот, кога веќе ќе стигне во првиот степен од приемникот, тој не се демодулира веднаш, туку прво се доведува до ниво кои може да го препознае наредниот степен од приемникот, а за тоа е одговорен AGC степенот. Значи, за да може воопшто да го демодулира аналогниот или дигиталниот сигнал (без разлика) приемникот, прво мора да го доведе до некое ниво кое му одговара на него.

Е сега, ти викаш „засилувач ќе го реши проблемот“. Не, нема да го реши. Зошто? На пример, сигналот не е доволно јак. Тоа значи дека е препокриен со шум (ако не е доволно јак, тоа значи дека шумот ќе го „завземе местото“ кое на него му припаѓа). AGC степенот во приемникот ќе забележи дека сигналот е преслаб и ќе проба да го засили до адекватното ниво, но ако има премногу шум во него, по демодулацијата, декодерот нема да може правилно да ги препознае единиците од нулите. Истото ова го прави и засилувачот, со таа разлика што, ако сигналот е прејак по засилувањето, AGC степенот ќе мора да го ослаби за да може да го доведе до адекватното ниво. И всушност, на влезот од дигиталниот приемник ќе добиеш многу засилен сигнал со многу шум, на кој треба да се додаде и шумот вметнат и од засилувачот, и повторно декодерот нема да може да ги познае напонските нивоа. Но ова се случува поради шумот, не е проблемот во декодерот. Не значи дека ако сигналот стигне засилен во приемникот дека декодерот правилно ќе може да ги забележи напонските нивоа. Како што напоменав, AGC степенот е оној кој е одговорен да го доведе сигналот до адекватното напонско ниво за да може демодулаторот да го демодулира, а потоа декодерот да го декодира. Значи сигналот до декодерот стига со исти максимални и минимални напонски нивоа, без разлика дали е засилен или не. Тоа е функцијата на AGC степенот.

[DX-er]

Него како во мобилните телефони едно мало чипче е RF засилувач за дигитални сигнали кој засилува и приемни сигнали и сигнали кои треба да се емитуваат, ова чипче е засилувач и пеглач на сигнал или само засилувач ?

Видов еден даташит за засилувач за ГСМ сигнал и како што видов во блок шемата немаше регенератор. Како кај мобилните телефони има ефект таквиот засилувач а кај DVB-T да нема ефект

[GigaWatt]

Видов еден даташит за засилувач за ГСМ сигнал и како што видов во блок шемата немаше регенератор. Како кај мобилните телефони има ефект таквиот засилувач а кај DVB-T да нема ефект

Друг тип на модулација се користи кај GSM технологијата (TDMA = Time Division Multiple Access, FDMA = Frequency Division Multiple Access), сосема друг се користи кај DVB-T (QPSK = Quadrature Phase Shift Keying, QAM = Quadrature Amplitude Modulation). Освен тоа, кај мобилните телефони има и додатни модули за елиминација на шум, доплеров ефект, итн. А освен тоа, и податочниот трансфер кој може да го поддржат телефоните, не е преголем, а во многу случаи (како на пример, Internet трансфер), не ни мора да биде realtime. Мобилните телефони се наменети да работат „во движење“ и затоа ги имаат овие оптимизации во приемникот. DVB-T приемниците се наменети да работат статично и затоа најверојатно ги немаат овие оптимизации во приемникот, а освен тоа, трансферот е еднонасочен, не е двонасочен. Можно е да се подобри мрежата, ако приемот во определено место е лош бидејќи мобилниот телефон цело време комуницира со базната станица и праќа информации за неговото приемно ниво на сигналот. Автоматски, операторот знае каде и колкави се нивоата на приемниот сигнал. DVB-T приемниците не го прават ова, комуникацијата е еднонасочна.

А да не зборувам и за оптимизационите техники за реконструкција на говор при пропаднати пакети (кај мобилната телефонија). Сигурно ви се случило (особено ако зборувате од VIP ) на сред разговор, соговорникот да почне да звучи чудно, со намалено ниво на глас, гласот му е некако изобличен, мутиран, шушти, изгледа како да има ехо. Епа, овие се тие оптимизациони техники за реконструкција на глас, односно аудио сигнал. Телефонот пробува да го реконструира она што го има изгубено, односно она што не го примил како што треба, она што не знае што е. И, како што сигурно сте забележале, далеку од совршени се овие техники, но, во многу случаи, доволно добри се за да разберете што сакал да каже соговорникот. Но, овие оптимизациони техники се добри и функционираат добро само при мали трансфери на податоци, како што е GSM аудио сигналот (има bandwidth од неколку KHz). Не верувам дека овие техники функционираат добро и за голем bandwidth на податоци, како што е DVB-T сигналот.

Да бидам попрецизен, дел од овие техники сигурно се имплементирани во DVB-T сигналот, но може да реконструираат само мал процент од сигналот бидејќи трансферот на податоци е многу поголем (освен аудио, со многу повисок квалитет од обичен разговор, како што е во GSM мрежата, се пренесува и видео сигнал, кој исто така е MPEG-4, односно со многу повисоко ниво на квалитет). Во места каде сигналот е прилично деградиран и е многу слаб, ни овие техники не може да функционираат.

Освен тоа, кај GSM зборуваме за dedicated channel. Значи, кога некој корисник почнува да обавува разговор, GSM мрежата му доделува лично на него еден канал од TDMA/FDMA мултиплексот и тој канал е негов и само за него (се додека трае разговорот). Додека се обавува разговорот, базната станица цело време собира податоци околу нивото на сигналот кое го прима и праќа корисникот (има посебен канал посветен само за ова, размена на податоци меѓу корисникот и базната станица), како и многу други информации поврзани со квалитетот на сигналот. Ваква двонасочна размена кај DVB-T нема и вашиот DVB-T приемник нема dedicated channel кој е за него и само за него. Приемникот фаќа она што фаќаат сите DVB-T приемници во неговата околина и сите го примаат истиот сигнал.

И, како што напоменав на почетокот на post-ов, огромна улога играат и самите модулациони техники (TDMA/FDMA кај GSM и QPSK/QAM кај DVB-T). TDMA и FDMA се направени (скоро) специјално за dedicated channel комуникација. QPSK и QAM (а и DMT = Discrete Multitone) имаат сосема трета намена и не се наменти за dedicated channel комуникација.

[ivica.s]

Нема специјални засилувачи за дигитален сигнал. Тоа е само обид за да се направат грдни пари. Било кој засилувач за тоа фреквентно подрачје ќе го појача сигналот. Без разлика каква е модулацијата, кога сигналот доаѓа во засилувачот тој е само обичен наизменичен сигнал со висока фреквенција кој засилувачот може да го засили без никаков проблем.

Настрана од тоа, засилувањето не е секогаш магично решение кое ќе ги реши проблемите. Ако покрај сигналот антената прима и шум било кој засилувачот ќе го засили и него па така односот сигнал-шум ќе остане ист или дури и ќе се влоши, зошто и самиот засилувач додава неколку децибели на шум. Од тоа не може да се избега, закон на физиката е тоа. 

Значи подобро е малце предавателите да се засилат и сигналот да биде со поголема јачина, па да може со најобична антена да фати добар сигнал.

[GigaWatt]

Нема специјални засилувачи за дигитален сигнал. Тоа е само обид за да се направат грдни пари. Било кој засилувач за тоа фреквентно подрачје ќе го појача сигналот. Без разлика каква е модулацијата, кога сигналот доаѓа во засилувачот тој е само обичен наизменичен сигнал со висока фреквенција кој засилувачот може да го засили без никаков проблем.

Обичен наизменичен сигнал е ако RF сигналот не е модулиран. Ако е модулиран, не е обичен наизменичен сигнал, значи менува фреквенција, фаза, амплитуда (во зависност од тоа за каква модулација станува збор). Под поимот „обичен наизменичен сигнал“, јас подразбирам синусоиден сигнал со точно определена фреквенција, фаза и амплитуда.

Настрана од тоа, засилувањето не е секогаш магично решение кое ќе ги реши проблемите. Ако покрај сигналот антената прима и шум било кој засилувачот ќе го засили и него па така односот сигнал-шум ќе остане ист или дури и ќе се влоши, зошто и самиот засилувач додава неколку децибели на шум. Од тоа не може да се избега, закон на физиката е тоа.  

Токму ова сакав и да го објаснам и објаснив (во еден од претходните post-ови) зошто можно е засилувач да функционира кај аналогна телевизија, но не и кај дигитална.

Значи подобро е малце предавателите да се засилат и сигналот да биде со поголема јачина, па да може со најобична антена да фати добар сигнал.

Да, се разбира, ова е најдобро решение. Но не верувам дека ќе го направат ова .

[ivica.s]

Обичен наизменичен сигнал е ако RF сигналот не е модулиран. Ако е модулиран, не е обичен наизменичен сигнал, значи менува фреквенција, фаза, амплитуда (во зависност од тоа за каква модулација станува збор). Под поимот „обичен наизменичен сигнал“, јас подразбирам синусоиден сигнал со точно определена фреквенција, фаза и амплитуда.

Ама гига зборуваме за дигитален пренос. Целиот пренос е составен од битови. Со каква модулација тие ќе се претстават не е воопшто важно. Се додека битовите се во правилен редослед и истите можат да се разликуваат од шумот може да се користи било кој засилувач. Ни еден аналоген засилувач не може да го смени распоредот на битовите. Како влегуваат така излегуваат само со повисоко ниво нормално. Дури и да се користи фазна модулација и засилувачот да врши менување на  фазата за одреден број на степени тој тоа ќе го врши за сите битови подеднакво, па така релативна фазна разлика од еден бит до друг ќе остане иста. Со други зборови низата од битови ќе биде со истите карактеристики само со засилено ниво нормално.

[GigaWatt]

Ама гига зборуваме за дигитален пренос. Целиот пренос е составен од битови. Со каква модулација тие ќе се претстават не е воопшто важно. Се додека битовите се во правилен редослед и истите можат да се разликуваат од шумот може да се користи било кој засилувач. Ни еден аналоген засилувач не може да го смени распоредот на битовите. Како влегуваат така излегуваат само со повисоко ниво нормално. Дури и да се користи фазна модулација и засилувачот да врши менување на  фазата за одреден број на степени тој тоа ќе го врши за сите битови подеднакво, па така релативна фазна разлика од еден бит до друг ќе остане иста. Со други зборови низата од битови ќе биде со истите карактеристики само со засилено ниво нормално.

Изгледа немаш познавања каков тип на модулациски техники се QAM и QPSK. Со QAM и QPSK, не се пренесуваат бити, се пренесуваат таканаречени симболи. Тоа се групација од бити. Односно, му доаѓа нешто како „друг броен систем“. На пример, со 16-QAM може да се пренесат до 16 симболи. Секој симбол претставува определена комбинација на бити. На пример, ако може да се пренесат 16 различни симболи, значи секој симбол всушност претставува по 4 бити (бидејќи 2⁴ е 16). На пример, првиот симбол од оваа „консталација“ (така се нарекува секоја од различните QAM и QPSK модулациони техники, 16-QAM има една консталација, 32-QAM има друга, 64-QAM има трета, 256-QAM има четврта итн.) би се декодирал како битите 0000, вториот како 0001, третиот како 0010, четвртиот како 0011, итн.

Значи не станува збор за „директен пренос на бити“, станува збор за пренос на различни напонски и фазни вредности (така се разликуваа симболите едни од други). Мислам дека со сликивe ќе стане појасно за што зборувам.



Еве како изгледа 16-QAM консталацијата.



А еве како изгледа временскиот облик на еден 16-QAM сигнал.

Значи, не станува збор за кодирање на бити (пренос на едно напонско ниво за 0, а друго за 1). Станува збор за сосема друга модулциска техника.

Од првата слика, се гледа дека секоја од точките на консталацијата претставува по една комбинација на бити, а исто така, секоја точка од консталацијата има своја амлитуда и фаза (оддалеченост од I-оската изразена во степени или радијани), со што нема шанси две точки да имаат иста амплитуда и фаза, односно секоја од точките си е еднозначно дефинирана со две карактеристики: амплитуда и фаза. Секоја од точките се нарекува симбол.

Од самите слики, очигледно е дека оваа модулациска техника може да се применува само за дигитален пренос, не и за аналоген. И не станува збор за распоред на битови, туку распоред на симболи. И да, нитуеден аналоген засилувач не може да го смени распоредот на симболите, но можно е симболите толку да бидат затскриени зад шум, што напонските нивоа и фазите да не им се разликуваат да тој степен, да еден симбол биде згрешен со друг при декодирањето. Тоа не може да го искорегира нитуеден засилувач. Зошто? Па ако го засили сигналот, ќе го засили и шумот, тоа веќе го имав објаснето, а плус самиот засилувач ќе си додаде и свој шум и повторно, симболите нема да може да се распознаат. Напротив, при дигитален пренос, засилувач може само да го упропасти сигналот уште толку. Тој може да го „подобри“ сигналот ако е комбиниран со регенератор и со AGC степен. Тогаш, да, може да го регенерира сигналот, но се знае по кое критично ниво на шум веќе ни комбинацијата засилувач со AGC и регенератор не помага. Очигледно е дека веќе ни оваа комбинација (засилувач/регенератор) нема да помогне, штом преносот е деградиран до тоа ниво да не може правилно да се декодираат симболите... бидејќи токму тоа го прави и приемникот на сигналот: го прима, го демодулира, па го декодира, само што регенераторот го прави и обратниот процес за повторно да го препрати сигналот по линија или низ етерот. Ако приемникот не може да го „оправи“ сигналот, нема да може ни засилувач ни регенератор.

Значи, повторно ќе нагласам, не станува збор за пренос на бити, туку симболи, има разлика . Тоа што го спомна со фазната разлика важи и тука, само што фазната разлика не е константна, се менува. За 16-QAM сигнал има се на се 4 различни фазни разлики и две напонски нивоа. Но, 16-QAM веќе скоро и никаде не се користи . Во принцип, техниките што се користат се 64-QAM па нагоре. Конкретно, за DVB-T, оној сигнал кој го предава One е 256-QAM (претпоставувам дека некои од каналите се предаваат и со 128-QAM и 64-QAM, ама не знам кои бидејќи тие информации не се достапни во менито на DVB-T приемникот). Замисли колку различни фазни и напонски нивоа има 256-QAM . И тоа за обична слика , не HD. За HD , не ни сакам да знам кој верзија на QAM и QPSK ќе ја користат .

QPSK воопшто не ја ни спомнав, но многу слична е со QAM .

[ivica.s]

Испадна така зборот бити, знам што се QAM и QPSK. Инаку втората слика е таа што објаснува се. Значи колку и да е комплицирана модулацијата на крај пак ќе се добие таква (или слична) бранова форма зошто на тоа најниско ниво преносот се одвива секвенцијално, значи пак е низа од битови оти секој збор е составен од неколку бита. 256QAM само би ја направил формата покомплицирана. Значи овој комплициран наизменичен напон е тој што треба да се засили. Настрана од тоа модулација и демодулација се работа на предавателот и приемникот респективно, а не на засилувачот.

Ако засилувачот е блиску до антената ваквото засилување би помогнало најмногу во случај на загуби во самиот приемен систем (поради долги кабли, сплитери, конектори итн.) но кажав и јас дека не секогаш помага засилување и во аналогниот и во дигиталниот свет.  Кај нас главен проблем се слабите репетитори, ама социјализмот одамна помина. Сега се гледа да се заштеди на се, послаби репетитори, помали сметки за струја за ONE.  

[GigaWatt]

Ако засилувачот е блиску до антената ваквото засилување би помогнало најмногу во случај на загуби во самиот приемен систем (поради долги кабли, сплитери, конектори итн.) но кажав и јас дека не секогаш помага засилување и во аналогниот и во дигиталниот свет.  Кај нас главен проблем се слабите репетитори, ама социјализмот одамна помина. Сега се гледа да се заштеди на се, послаби репетитори, помали сметки за струја за ONE.  

Епа токму тоа сакав да го кажам . Засилувач ќе помогне само во случај на стари и дотраени кабли или долги кабли од антената до приемникот . А и тогаш е дискутабилно дали ќе помогне, ако самите кабли внесуваат многу шум во сигналот, дури и тоа нема да помогне. При пренос на аналоген сигнал, засилувачот помага, но најчесто само кај постари телевизори, оние кои имаат аналогна AGC, бидејќи аналогната AGC и не беше баш така прецизна и немаше баш линеарна крива на засилување, па се случуваше некое ниво на сигнал да е повеќе засилено од некое друго или ако е на друга фреквенција, итн. Да, тогаш помагаа засилувачи, но дури и кај аналогниот сигнал, ако самиот tuner има дигитално контролиран AGC, засилувач нема многу да помогне, а најчесто воопшто не помага. Исто и во овој случај, засилувач нема да помогне. Може да помогнат пократки кабли, друга (подобра) антена, поголема антена и некои други техники .

[DX-er]

Значи најдобро е да се постават засилувачи на предавателите кои би имале посакуван ефект а не засилувачи на приемниците каде нема да го има посакуваниот ефект. Кој знае со колку мала снага зрачат предавателите на МРД и ОНЕ Јас мислам помеѓу 50-100W